ਮਹਾਰਾਸ਼ਟਰ ਦੇ ਪੁਣੇ ਵਿਚ ਹੋਏ ਕੇਤਲ ਅਗਰਵਾਲ ਕਤਲਕਾਂਡ ਨੇ ਸਭ ਨੂੰ ਹੈਰਾਨ ਕਰਕੇ ਰੱਖ ਦਿੱਤਾ ਹੈ। ਕੇਤਨ ਦੀ ਮੰਗੇਤਰ ਸੀਆ ਗੋਇਲ ‘ਤੇ ਆਪਣੇ ਪ੍ਰੇਮੀ ਚੇਤਨ ਬਾਬੂਲਾਲ ਚੌਧਰੀ ਨਾਲ ਮਿਲ ਕੇ ਕੇਤਲ ਨੂੰ ਲੋਹਗੜ੍ਹ ਕਿਲੇ ਤੋਂ ਧੱਕਾ ਮਾਰਨ ਦਾ ਗੰਭੀਰ ਦੋਸ਼ ਹੈ। ਸ਼ੁਰੂਆਤ ਵਿਚ ਪੁਲਿਸ ਨੂੰ ਇਹ ਟ੍ਰੈਕਿੰਗ ਦੌਰਾਨ ਹੋਇਆ ਇਕ ਹਾਦਸਾ ਦੱਸਿਆ ਗਿਆ ਸੀ ਪਰ ਹੁਣ ਇਸ ਮਾਮਲੇ ਵਿਚ ਸੀਆ ਦੇ ਮਾਪਿਆਂ ਦਾ ਬਿਆਨ ਸਾਹਮਣੇ ਆਇਆ ਹੈ।
ਸੀਆ ਦੀ ਮਾਂ ਪੂਜਾ ਗੋਇਲ ਨੇ ਆਪਣਾ ਦਰਦ ਬਿਆਂ ਕੀਤਾ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਧੀ ਨੇ ਕੇਤਨ ਨਾਲ ਵਿਆਹ ਨੂੰ ਲੈ ਕੇ ਕਦੇ ਕੋਈ ਨਾਰਾਜ਼ਗੀ ਨਹੀਂ ਪ੍ਰਗਟਾਈ ਸੀ। ਦੋਵਾਂ ਦਾ ਵਿਆਹ ਇਸੇ ਸਾਲ ਨਵੰਬਰ ਵਿਚ ਰਾਜਸਥਾਨ ਦੇ ਉਦੇਪੁਰ ਦੇ ਇਕ ਸ਼ਾਹੀ ਮਹਿਲ ਵਿਚ ਹੋਣ ਵਾਲਾ ਸੀ। ਉਨ੍ਹਾਂ ਕਿਹਾ ਕਿ ਕੇਤਨ ਦੀ ਮੌਤ ਨਾਲ ਸਿਰਫ ਇਕ ਨਹੀਂ ਸਗੋਂ ਦੋ ਪਰਿਵਾਰ ਬਰਬਾਦ ਹੋਏ ਹਨ। ਮੈਨੂੰ ਕੇਤਨ ਦੇ ਪਰਿਵਾਰ ਤੋਂ ਵੀ ਵਧ ਤਕਲੀਫ ਹੋ ਰਹੀ ਹੈ।
ਜੇਕਰ ਮੇਰੀ ਧੀ ਨੇ ਦੋਸ਼ੀ ਹੈ ਤਾਂ ਉਸ ਨੂੰ ਸਖਤ ਤੋਂ ਸਖਤ ਸਜ਼ਾ ਮਿਲਣੀ ਚਾਹੀਦੀ ਹੈ। ਜੇਕਰ ਉਹ ਦੋਸ਼ੀ ਹੈ ਤਾਂ ਉਸ ਨੂੰ ਵੀ ਉਸੇ ਥਾਂ ਤੋਂ ਹੇਠਾਂ ਸੁੱਟ ਦੇਣਾ ਚਾਹੀਦਾ ਹੈ ਜਿਥੋਂ ਉਸ ਨੇ ਕੇਤਨ ਨੂੰ ਧੱਕਾ ਮਾਰਿਆ ਸੀ। ਸੀਆ ਦੇ ਪਿਤਾ ਪ੍ਰਵੀਨ ਗੋਇਲ ਨੇ ਵੀ ਆਪਣੀ ਪਤਨੀ ਦੀਆਂ ਗੱਲਾਂ ਦਾ ਸਮਰਥਨ ਕਰਦੇ ਹੋਏ ਇਹੀ ਮੰਗ ਦੁਹਰਾਈ।
ਪਿਤਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਇਸ ਗੱਲ ‘ਤੇ ਯਕੀਨ ਕਰਨਾ ਮੁਸ਼ਕਲ ਹੋ ਰਿਹਾ ਹੈ। ਉਹ ਕੇਤਨ ਨਾਲ ਜੁੜ ਚੁੱਕੇ ਸਨ ਤੇ ਉਸ ਨੂੰ ਆਪਣਾ ਪੁੱਤ ਮੰਨਦੇ ਸਨ। ਅਸੀਂ ਉਸ ਨਾਲ ਬਹੁਤ ਪਿਆਰ ਕਰਦੇ ਸੀ। ਉਹ ਇੰਨਾ ਹੋਣਹਾਰ, ਪਿਆਰਾ ਤੇ ਚੰਗਾ ਲੜਕਾ ਸੀ ਕਿ ਅਸੀਂ ਉਸ ਨੂੰ ਗੁਆ ਕੇ ਡੂੰਘੇ ਸਦਮੇ ਵਿਚ ਹਾਂ।
ਇਹ ਵੀ ਪੜ੍ਹੋ : ਮੋਦੀ ਕੈਬਨਿਟ ‘ਚ ਹੋ ਸਕਦਾ ਹੈ ਵੱਡਾ ਫੇਰਬਦਲ, ਕਈ ਨਵੇਂ ਚਿਹਰਿਆਂ ਦੇ ਸ਼ਾਮਲ ਹੋਣ ਦੀ ਚਰਚਾ ਤੇ ਕਈਆਂ ਦੀ ਹੋ ਸਕਦੀ ਛੁੱਟੀ!
ਸੀਆ ਦੇ ਪਰਿਵਾਰ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਨੂੰ ਚੇਤਨ ਬਾਰੇ ਕੁਝ ਵੀ ਪਤਾ ਨਹੀਂ ਸੀ। ਸੀਆ ਦੀ ਮਾਂ ਨੇ ਕਿਹਾ ਕਿ ਸਗਾਈ ਦੇ ਬਾਅਦ ਤੋਂ ਸੀਆ ਸਿਰਫ ਕੇਤਨ ਨਾਲ ਗੱਲ ਕਰਦੀ ਸੀ। ਉਨ੍ਹਾਂ ਨੇ ਸਵਾਲ ਚੁੱਕਿਆ ਕੀ 19 ਸਾਲ ਦੀ ਲੜਕੀ ਅਜਿਹਾ ਕਰ ਸਕਦੀ ਹੈ? ਮੈਨੂੰ ਚੇਤਨ ਬਾਰੇ ਕੁਝ ਨਹੀਂ ਪਤਾ, ਮੈਂ ਤਾਂ ਅੱਜ ਤੱਕ ਉਸ ਦੀ ਸ਼ਕਲ ਵੀ ਨਹੀਂ ਦੇਖੀ ਤੇ ਨਾ ਹੀ ਉਹ ਕਦੇ ਸਾਡੇ ਘਰ ਆਇਆ। ਦੋਵੇਂ ਪਰਿਵਾਰਾਂ ਵਿਚ ਸਾਲਾਂ ਪੁਰਾਣੇ ਤੇ ਚੰਗੇ ਰਿਸ਼ਤੇ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
