ਲਵਪ੍ਰੀਤ ਸਿੰਘ ਨੇ ਕਾਮਨਵੈਲਥ ਗੇਮਸ ਵਿਚ 8ਵੇਂ ਦਿਨ ਭਾਰਤ ਨੂੰ ਸਿਲਵਰ ਮੈਡਲ ਦਿਵਾ ਦਿੱਤਾ ਹੈ। ਦੂਜੇ ਪਾਸੇ ਮਹਿਲਾਵਾਂ ਦੇ ਡਿਸਕਸ ਥ੍ਰੋਅ ਈਵੈਂਟ ਵਿਚ ਸੀਮਾ ਨੇ ਕਾਂਸੇ ਦਾ ਤਮਗਾ ਹਾਸਲ ਕੀਤਾ। ਵੀਰਵਾਰ ਦੇਰ ਰਾਤ ਲਵਪ੍ਰੀਤ ਨੇ ਪੁਰਸ਼ ਵੇਟਲਿਫਟਿੰਗ ਦੀ 110 ਕਿਲੋ ਵੇਟ ਕੈਟਾਗਰੀ ਵਿਚ 388 ਕਿਲੋਗ੍ਰਾਮ ਭਾਰ ਚੁੱਕਿਆ। ਉਨ੍ਹਾਂ ਨੇ ਸਨੈਚ ਵਿਚ 176 ਤੇ ਕਲੀਨ ਐਂਡ ਜਰਕ ਵਿਚ 212 ਕਿਲੋਗ੍ਰਾਮ ਭਾਰ ਚੁੱਕਿਆ।
ਦੂਜੇ ਪਾਸੇ ਸੀਮਾ ਨੇ ਆਪਣੀ ਤੀਜੀ ਕੋਸ਼ਿਸ਼ ਵਿਚ 58.65 ਮੀਟਰ ਥ੍ਰੋਅ ਕਰਕੇ ਕੀਤਾ। ਇਸ ਮੈਡਲ ਦੇ ਬਾਅਦ ਭਾਰਤ ਦੇ 17 ਮੈਡਲ ਹੋ ਗਏ ਹਨ। ਇਨ੍ਹਾਂ ਵਿਚ 3 ਗੋਲਡ, 10 ਸਿਲਵਰ ਤੇ 4 ਬ੍ਰਾਂਜ ਸ਼ਾਮਲ ਹਨ। ਭਾਰਤ 10ਵੇਂ ਸਥਾਨ ‘ਤੇ ਹੈ।
ਲਵਪ੍ਰੀਤ ਨੇ ਸਨੈਚ ਵਿਚ ਕਾਮਨਵੈਲਥ ਗੇਮਸ ਵਿਚ ਨਵਾਂ ਰਿਕਾਰਡ ਬਣਾਇਆ। ਉਹ ਗੋਲਡ ਮੈਡਲ ਜਿੱਤਣ ਦੇ ਬੇਹੱਦ ਕਰੀਬ ਸਨ ਪਰ ਨਿਊਜ਼ੀਲੈਂਡ ਦੇ ਡੇਵਿਡ ਐਂਡ੍ਰਿਊਜ਼ ਤੋਂ ਮਹਿਜ਼ ਇਕ ਕਿਲੋਗ੍ਰਾਮ ਦੇ ਫਰਕ ਨਾਲ ਪਛੜ ਗਏ। ਲਵਪ੍ਰੀਤ ਨੇ ਕੁੱਲ 388 ਕਿਲੋਗ੍ਰਾਮ ਭਾਰ ਚੁੱਕਿਆ। ਲਵਪ੍ਰੀਤ ਪੰਜਾਬ ਦੇ ਅੰਮ੍ਰਿਤਸਰ ਦਾ ਰਹਿਣ ਵਾਲਾ ਹੈ।
ਇਹ ਵੀ ਪੜ੍ਹੋ : Canada ਰਹਿ ਰਹੇ ਵਿਦਿਆਰਥੀਆਂ ‘ਤੇ ਲਟਕੀ Deport ਦੀ ਤ.ਲ/ਵਾਰ, ਪੋਸਟ ਗ੍ਰੈਜੂਏਸ਼ਨ ਵਰਕ ਪਰਮਿਟ ਅਰਜ਼ੀਆਂ ਰੱਦ
ਇਸੇ ਤਰ੍ਹਾਂ 27 ਸਾਲ ਦੀ ਸੀਮਾ ਨੇ ਮਾਂ ਬਣਨ ਦੇ ਬਾਅਦ ਗੇਮਸ ਵਿਚ ਸ਼ਾਨਦਾਰ ਵਾਪਸੀ ਕੀਤੀ ਹੈ। ਸੀਮਾ ਨੇ ਆਪਣੇ ਚੌਥੇ, ਪੰਜਵੇਂ ਤੇ 6ਵੀਂ ਕੋਸ਼ਿਸ਼ ਵਿਚ ਫਾਊਲ ਕੀਤਾ ਪਰ 58.65 ਮੀਟਰ ਦੇ ਥ੍ਰੋਅ ਨੇ ਉਨ੍ਹਾਂ ਨੂੰ ਪੋਡੀਅਮ ਤੱਕ ਪਹੁੰਚਾ ਦਿੱਤਾ। ਇਸ ਈਵੈਂਟ ਵਿਚ ਜਮੈਕਾ ਦੀ ਸਾਮੰਥਾ ਹਾਲ ਨੇ ਗੋਲਡ ਤੇ ਕੈਨੇਡਾ ਦੀ ਜੂਲੀਆ ਟੰਕਸ ਨੇ ਸਿਲਵਰ ਮੈਡਲ ਹਾਸਲ ਕੀਤਾ। ਇਕ ਹੋਰ ਭਾਰਤੀ ਨਿਧੀ ਰਾਣੀ 53.19 ਮੀਟਰ ਦੇ ਥ੍ਰੋਅ ਦੇ ਨਾਲ ਚੌਥੇ ਸਥਾਨ ‘ਤੇ ਰਹੀ। ਗੰਭੀਰ ਗੋਡੇ ਦੀ ਸੱਟ ਕਾਰਨ ਉਨ੍ਹਾਂ ਨੂੰ ਤਿੰਨ ਸਾਲ ਤੋਂ ਵਧ ਸਮੇਂ ਤੱਕ ਖੇਡ ਤੋਂ ਦੂਰ ਰਹਿਣਾ ਪਰ ਲੰਬੀ ਰਿਹੈਬਿਲਿਟੇਸ਼ਨ ਮਗਰੋਂ ਉਨ੍ਹਾਂ ਨੇ ਸ਼ਾਨਦਾਰ ਵਾਪਸੀ ਕੀਤੀ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
