ਲੁਧਿਆਣਾ ਦੇ ਹਲਵਾਰਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਤੋਂ ਦਿੱਲੀ ਜਾਣ ਵਾਲੀ ਏਅਰ ਇੰਡੀਆ ਦੀ ਇੱਕ ਫਲਾਈਟ (AI-484) ਵਿਚ ਉਡਾਣ ਤੋਂ ਠੀਕ ਪਹਿਲਾਂ ਤਕਨੀਕੀ ਖਰਾਬੀ ਆ ਗਈ। ਜਹਾਜ਼ ਰਨਵੇਅ ਵੱਲ ਵੱਧ ਰਿਹਾ ਸੀ ਕਿ ਅਚਾਨਕ ਉਸ ਵਿਚੋਂ ਤੇਜ਼ ਆਵਾਜ਼ ਸੁਣਾਈ ਦਿੱਤੀ। ਆਵਾਜ਼ ਸੁਣਦੇ ਹੀ ਪਾਇਲਟ ਨੇ ਜਹਾਜ਼ ਨੂੰ ਅੱਗੇ ਲਿਜਾਣ ਦੀ ਬਜਾਏ ਵਾਪਸ ਐਪਰਨ ‘ਤੇ ਲਿਆਂਦਾ ਅਤੇ ਇਸਨੂੰ ਖੜ੍ਹਾ ਕਰ ਦਿੱਤਾ।
ਤਕਨੀਕੀ ਖਰਾਬੀ ਤੋਂ ਬਾਅਦ ਸਾਰੇ ਯਾਤਰੀਆਂ ਨੂੰ ਬਾਹਰ ਕੱਢਿਆ ਗਿਆ ਅਤੇ ਬੱਸਾਂ ਰਾਹੀਂ ਟਰਮੀਨਲ ਬਿਲਡਿੰਗ ਵਿੱਚ ਸੁਰੱਖਿਅਤ ਢੰਗ ਪਹੁੰਚਾਇਆ ਗਿਆ। ਫਿਰ ਜਹਾਜ਼ ਦਾ ਨਿਰੀਖਣ ਕੀਤਾ ਗਿਆ ਅਤੇ ਜ਼ਰੂਰੀ ਪ੍ਰਕਿਰਿਆਵਾਂ ਪੂਰੀਆਂ ਕਰਨ ਤੋਂ ਬਾਅਦ ਉਡਾਣ ਲਗਭਗ ਚਾਰ ਘੰਟੇ ਦੀ ਦੇਰੀ ਨਾਲ ਦਿੱਲੀ ਲਈ ਰਵਾਨਾ ਹੋਈ।
ਇਸ ਘਟਨਾ ਕਾਰਨ ਯਾਤਰੀਆਂ ਨੂੰ ਹਵਾਈ ਅੱਡੇ ‘ਤੇ ਲੰਬੇ ਸਮੇਂ ਤੱਕ ਇੰਤਜ਼ਾਰ ਕਰਨਾ ਪਿਆ। ਹਾਲਾਂਕਿ, ਏਅਰ ਇੰਡੀਆ ਅgਤੇ ਏਅਰਪੋਰਟ ਅਥਾਰਟੀ ਆਫ ਇੰਡੀਆ ਦੇ ਅਧਿਕਾਰੀਆਂ ਨੇ ਤਕਨੀਕੀ ਖਰਾਬੀ ਜਾਂ ਉੱਚੀ ਆਵਾਜ਼ ਬਾਰੇ ਕੋਈ ਜਾਣਕਾਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ।
ਇਹ ਵੀ ਪੜ੍ਹੋ : ‘ਜ਼ਿੰਦਗੀ ਦੀ ਪ੍ਰੀਖਿਆ ‘ਚ ਸਭ ਕੁਝ Out of Syllabus’, IIT ਦਿੱਲੀ ਕਨਵੋਕੇਸ਼ਨ ਸਮਾਰੋਹ ਦੌਰਾਨ ਬੋਲੇ PM ਮੋਦੀ
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਹਲਵਾਰਾ ਜਾਣ ਵਾਲੀ ਏਅਰ ਇੰਡੀਆ ਦੀ ਉਡਾਣ ਪ੍ਰਭਾਵਿਤ ਹੋਈ ਹੈ। ਕੁਝ ਦਿਨ ਪਹਿਲਾਂ, ਦਿੱਲੀ ਤੋਂ ਹਲਵਾਰਾ ਜਾਣ ਵਾਲੀ ਇੱਕ ਉਡਾਣ ਨੂੰ 10,000 ਫੁੱਟ ਦੀ ਉਚਾਈ ਤੋਂ ਸਾਵਧਾਨੀ ਵਜੋਂ ਦਿੱਲੀ ਵਾਪਸ ਪਰਤਣਾ ਪਿਆ ਸੀ। ਉਸ ਦਿਨ ਵੀ ਖਰਾਬ ਮੌਸਮ ਕਾਰਨ ਜਹਾਜ਼ ਨੂੰ ਉਤਰਨ ਤੋਂ ਪਹਿਲਾਂ ਦੋ ਚੱਕਰ ਲਾਉਣੇ ਪਏ ਸਨ।
ਚਸ਼ਮਦੀਦ ਗਵਾਹ ਅਮਨਦੀਪ ਸਿੰਘ ਨੇ ਦੱਸਿਆ ਕਿ ਸ਼ੁੱਕਰਵਾਰ (7 ਅਗਸਤ) ਦੁਪਹਿਰ 2:40 ਵਜੇ, ਦਿੱਲੀ ਜਾਣ ਵਾਲੀ ਉਡਾਣ ਯਾਤਰੀਆਂ ਨਾਲ ਐਪਰਨ ਤੋਂ ਰਨਵੇ ਵੱਲ ਵਧ ਰਹੀ ਸੀ ਤਾਂ ਜਹਾਜ਼ ਦੇ ਸਾਹਮਣੇ ਤੋਂ ਇੱਕ ਉੱਚੀ ਆਵਾਜ਼ ਸੁਣਾਈ ਦਿੱਤੀ। ਆਵਾਜ਼ ਸੁਣ ਕੇ ਉਡਾਣ ਨੂੰ ਰੋਕ ਦਿੱਤਾ ਗਿਆ ਅਤੇ ਐਪਰਨ ‘ਤੇ ਵਾਪਸ ਲਿਆਂਦਾ ਗਿਆ।
ਜਾਣਕਾਰੀ ਮੁਤਾਬਕ ਦੁਪਹਿਰ ਦੀ ਇਸ ਫਲਾਈਟ ਵਿੱਚ 50 ਯਾਤਰੀ ਸਨ। ਚਾਰ ਘੰਟੇ ਦੀ ਦੇਰੀ ਦੀ ਖ਼ਬਰ ਸੁਣ ਕੇ 30 ਯਾਤਰੀਆਂ ਨੇ ਆਪਣੀ ਯਾਤਰਾ ਰੱਦ ਕਰ ਦਿੱਤੀ ਅਤੇ ਘਰ ਵਾਪਸ ਪਰਤ ਗਏ। ਬਾਕੀ 20 ਯਾਤਰੀ ਉਡੀਕ ਕਰਦੇ ਰਹੇ ਅਤੇ ਉਡਾਣ ਸ਼ਾਮ 7 ਵਜੇ ਦਿੱਲੀ ਲਈ ਰਵਾਨਾ ਹੋ ਗਈ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
