ਭਾਰਤ ਨੂੰ ਏਸ਼ੀਅਨ ਗੇਮਸ ਵਿਚ ਅੱਜ 2 ਮੈਡਲ ਮਿਲੇ। ਭਾਰਤੀ ਮਹਿਲਾ ਟੀਮ ਨੇ ਸਕਵਾਸ਼ ਵਿਚ ਕਾਂਸੇ ਦੇ ਤਮਗਾ ਹਾਸਲ ਕੀਤਾ। ਉਸ ਦੇ ਬਾਅਦ ਮਨੂ ਫਰਾਂਸਿਸ ਤੇ ਪ੍ਰਿੰਸ ਕੁਰਿਸਿੰਕਲ ਦੀ ਜੋੜੀ ਨੇ ਸੇਲਿੰਗ ਦੇ ਮੈਨਸ ਸਕਿਫ ਈਵੈਂਟ ਵਿਚ ਸਿਲਵਰ ਦਿਵਾਇਆ। 23 ਸਾਲ ਦੇ ਨੀਤੇਸ਼ ਸਿਵਾਚ ਪੁਰਸ਼ਾਂ ਦੀ ਗ੍ਰੀਕੋ-ਰੋਮਨ ਰੈਸਲਿੰਗ ਦੇ 97 ਕਿਲੋਗ੍ਰਾਮ ਵਰਗ ਦੇ ਫਾਈਨਲ ਵਿਚ ਪਹੁੰਚ ਗਏ। ਉਨ੍ਹਾਂ ਨੇ ਪਿਛਲੇ ਏਸ਼ੀਆਡ ਦੇ ਬ੍ਰਾਂਜ ਮੈਡਲਿਸਟ ਮੰਗੋਲਿਆਈ ਪਹਿਲਵਾਨ ਗੰਖੁਯਾਗ ਗਨਬਾਤਾਰ ਨੂੰ 9-0 ਨਾਲ ਹਰਾਇਆ। ਉਨ੍ਹਾਂ ਦਾ ਫਾਈਨਲ ਅੱਜ ਹੋਵੇਗਾ।
ਜਾਪਾਨ ਦੇ ਨਾਗੋਯਾ ਵਿਚ ਚੱਲ ਰਹੇ ਗੇਮਸ ਦੇ 12ਵੇਂ ਦਿਨ ਭਾਰਤ ਮੈਡਲ ਟੇਬਲ ਵਿਚ 8ਵੇਂ ਸਥਾਨ ‘ਤੇ ਹੈ। ਉਸ ਕੋਲ 62 ਮੈਡਲ ਹੋ ਗਏ ਹਨ। ਇਨ੍ਹਾਂ ਵਿਚ 10 ਗੋਲਡ, 22 ਸਿਲਵਰ ਤੇ 30 ਕਾਂਸੇ ਦੇ ਤਮਗੇ ਸ਼ਾਮਲ ਹਨ। ਅੱਜ ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਹਾਕੀ ਦੇ ਸੈਮੀਫਾਈਨਲ ਮੁਕਾਬਲੇ ਵਿਚ ਟੱਕਰ ਦੇਖਣ ਨੂੰ ਮਿਲੇਗੀ। ਦੁਪਹਿਰ 1 ਵਜੇ ਹਾਕੀ ਦੇ ਮੈਦਾਨ ‘ਤੇ ਭਾਰਤ ਤੇ ਪਾਕਿਸਤਾਨ ਦੀ ਪੁਰਸ਼ ਟੀਮ ਦੇ ਵਿਚ ਸੈਮੀਫਾਈਨਲ ਮੁਕਾਬਲਾ ਖੇਡਿਆ ਜਾਵੇਗਾ।
ਦੱਸ ਦੇਈਏ ਕਿ ਭਾਰਤੀ ਮਹਿਲਾ ਟੀਮ ਨੇ ਹਾਕੀ ਦੇ ਗੋਲਡ ਮੈਡਲ ਮੈਚ ਵਿਚ ਜਿਥੇ ਆਪਣੀ ਥਾਂ ਨੂੰ ਪੱਕਾ ਕਰ ਲਿਆ ਹੈ ਉਥੇ ਹੁਣ ਪੁਰਸ਼ ਟੀਮ ਦੀ ਕੋਸ਼ਿਸ਼ ਵੀ ਅਜਿਾਹ ਹੀ ਕਰਨ ਦੀ ਹੈ। ਭਾਰਤੀ ਪੁਰਸ਼ ਹਾਕੀ ਟੀਮ ਦਾ ਸਾਹਮਣਾ ਏਸ਼ੀਅਨ ਗੇਮਸ 2026 ਦੇ ਸੈਮੀਫਾਈਨਲ ਮੁਕਾਬਲੇ ਵਿਚ ਸਾਹਮਣਾ ਪਾਕਿਸਤਾਨ ਦੀ ਟੀਮ ਨਾਲ ਹੋਵੇਗਾ ਜਿਸ ਵਿਚ ਪਿਛਲੇ ਇਕ ਦਹਾਕੇ ਤੋਂ ਭਾਰਤੀ ਟੀਮ ਦਾ ਪਾਕਿਸਤਾਨ ਖਿਲਾਫ ਰਿਕਾਰਡ ਦੇਖਿਆ ਜਾਵੇ ਤਾਂ ਉਹ ਕਾਫੀ ਸ਼ਾਨਦਾਰ ਦੇਖਣ ਨੂੰ ਮਿਲਿਆ ਹੈ ਜਿਸ ਵਿਚ ਟੀਮ ਇੰਡੀਆ ਦੀ ਕੋਸ਼ਿਸ਼ ਇਸ ਰਿਕਾਰਡ ਨੂੰ ਬਰਕਰਾਰ ਰੱਖਣ ਦੀ ਹੋਵੇਗੀ।
ਇਹ ਵੀ ਪੜ੍ਹੋ : ਭਾਰਤੀ ਪਾਇਲਟ ਸਮਿਤ ਮਛਾਰ ਨੇ ਇਜ਼ਰਾਈਲ ਜਾ ਰਹੇ ਜਹਾਜ਼ ਨੂੰ ਕ੍ਰੈਸ਼ ਹੋਣ ਤੋਂ ਬਚਾਇਆ, PM ਮੋਦੀ ਨੇ ਕੀਤੀ ਤਾਰੀਫ
ਹੁਣ ਤੱਕ ਭਾਰਤ ਦਾ ਆਰਚਰੀ ਦੇ ਟੀਮ ਤੇ ਮਿਕਸਡ ਈਵੈਂਟ ਵਿਚ ਇਤਿਹਾਸਕ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ ਤਾਂ ਉਥੇ ਹੀ ਸਾਰਿਆਂ ਦੀਆਂ ਨਜ਼ਰਾਂ ਵਿਅਕਤੀਗਤ ਈਵੈਂਟ ਨੂੰ ਲੈ ਕੇ ਟਿਕੀਆਂ ਹੋਈਆਂ ਹਨ ਜਿਸ ਵਿਚ ਮਹਿਲਾ ਤੀਰਅੰਦਾਜ਼ ਚਿਕਿਤਾ ਨੇ ਭਾਵੇਂ ਹੀ ਆਪਣਾ ਕੁਆਰਟਰ ਫਾਈਨਲ ਮੁਕਾਬਲਾ ਗੁਆ ਦਿੱਤਾ ਪਰ ਪੁਰਸ਼ ਵਿਚ ਗਣੇਸ਼ ਮਨੀ ਰਤਨਮ ‘ਤੇ ਸਾਰਿਆਂ ਦੀਆਂ ਨਜ਼ਰਾਂ ਰਹਿਣ ਵਾਲੀਆਂ ਹਨ।
