UPI ‘ਤੇ ਚਾਰਜ ਲਗਾਉਣ ਦੇ ਨਿਯਮ ਨੂੰ ਫਿਲਹਾਲ ਟਾਲਿਆ ਜਾ ਸਕਦਾ ਹੈ। ਕੇਂਦਰ ਸਰਕਾਰ 15 ਅਕਤੂਬਰ ਤੋਂ ₹2,000 ਤੋਂ ਵੱਧ ਦੇ UPI ਭੁਗਤਾਨਾਂ ‘ਤੇ 0.4% ਚਾਰਜ ਲਾਗੂ ਕਰਨ ਵਾਲੀ ਸੀ।
ਇੱਕ ਨਿਊਜ਼ ਏਜੰਸੀ ਦੀਆਂ ਰਿਪੋਰਟਾਂ ਮੁਤਾਬਕ ਦਾਅਵਾ ਕੀਤਾ ਗਿਆ ਹੈ ਕਿ ਸਰਕਾਰ ਅਗਲੇ ਸਾਲ 1 ਜਨਵਰੀ ਤੋਂ ਨਵੇਂ ਨਿਯਮ ਨੂੰ ਲਾਗੂ ਕਰਨ ‘ਤੇ ਵਿਚਾਰ ਕਰ ਰਹੀ ਹੈ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਦੁਕਾਨਦਾਰਾਂ ਅਤੇ ਭੁਗਤਾਨ ਕੰਪਨੀਆਂ ਨੂੰ ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਛੋਟ ਦਿੱਤੀ ਜਾ ਸਕਦੀ ਹੈ, ਭਾਵ UPI ਲੈਣ-ਦੇਣ ਮੁਫ਼ਤ ਰਹੇਗਾ।
ਰਿਪੋਰਟਾਂ ਮੁਤਾਬਕ ਸਰਕਾਰ ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਦੁਕਾਨਦਾਰਾਂ ‘ਤੇ ਵਾਧੂ ਬੋਝ ਤੋਂ ਬਚਣ ਲਈ 0.4 ਫੀਸਦੀ ਵਪਾਰੀ ਫੀਸ ਨੂੰ ਲਾਗੂ ਕਰਨ ਨੂੰ ਮੁਲਤਵੀ ਕਰਨ ‘ਤੇ ਵਿਚਾਰ ਕਰ ਰਹੀ ਹੈ। ਅਗਲੇ ਕੁਝ ਦਿਨਾਂ ਵਿੱਚ ਸਰਕਾਰ ਵੱਲੋਂ ਇੱਕ ਅਧਿਕਾਰਤ ਫੈਸਲਾ ਆਉਣ ਦੀ ਉਮੀਦ ਹੈ।
Paytm ਅਤੇ MobiKwik ਵਰਗੀਆਂ ਕੰਪਨੀਆਂ ਦੇ ਸ਼ੇਅਰ ਡਿੱਗ ਗਏ
UPI ‘ਤੇ ਮਰਚੇਂਟ ਚਾਰਜ ਟਲਣ ਦੀ ਖਬਰ ਦਾ ਸਿੱਧਾ ਅਸਰ ਸ਼ੇਅਰ ਬਾਜ਼ਾਰ ਵਿਚ ਲਿਸਟਿਡ ਫਿਟੇਕ ਕੰਪਨੀਆਂ ਦੇ ਸੇਅਰਾਂ ‘ਤੇ ਦੇਖਿਆ ਗਿਆ।
- Paytm ਵਿੱਚ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ
Paytm ਦਾ ਸ਼ੇਅਰ ਟ੍ਰੇਡਿੰਗ ਦੌਰਾਨ 10 ਫੀਸਦੀ ਡਿੱਗ ਗਿਆ, ਜੋ 1,561 ਰੁਪਏ ਦੇ ਹੇਠਲੇ ਪੱਧਰ ‘ਤੇ ਪਹੁੰਚ ਗਿਆ। ਹਾਲਾਂਕਿ, ਬਾਜ਼ਾਰ ਬੰਦ ਹੋਣ ‘ਤੇ ਇਹ ਥੋੜ੍ਹਾ ਜਿਹਾ ਸੁਧਰਿਆ ਅਤੇ 1,640 ਰੁਪਏ ‘ਤੇ ਬੰਦ ਹੋਇਆ, ਜੋ ਕਿ 5.42 ਫੀਸਦੀ ਘੱਟ ਹੈ। - ਮੋਬੀਕਵਿਕ, ਪਾਈਨ ਲੈਬਜ਼, ਅਤੇ ਹੋਰ ਫਿਨਟੈਕ ਸ਼ੇਅਰ ਵੀ ਡਿੱਗ ਗਏ
ਮੋਬੀਕਵਿਕ: ਦਿਨ ਦੇ ਕਾਰੋਬਾਰ ਵਿਚ ਇਸ ਦਾ ਸ਼ੇਅਰ 8.43 ਫੀਸਦੀ ਡਿੱਗ ਕੇ 235 ਰੁਪਏ ‘ਤੇ ਬੰਦ ਹੋਇਆ, ਪਰ ਬਾਜ਼ਾਰ ਬੰਦ ਹੋਣ ‘ਤੇ 245 ਰੁਪਏ ‘ਤੇ ਬੰਦ ਹੋਇਆ, ਜੋ ਕਿ 4.57 ਫੀਸਦੀ ਘੱਟ ਹੈ।
ਪਾਈਨ ਲੈਬਜ਼: 169 ਰਪਏ ਦੇ ਹੇਠਲੇ ਪੱਧਰ ਨੂੰ ਛੂਹਣ ਤੋਂ ਬਾਅਦ ਸਟਾਕ 4.39 ਫੀਸਦੀ ਡਿੱਗ ਕੇ 170 ਰੁਪਏ ‘ਤੇ ਬੰਦ ਹੋਇਆ।
NPST: ਇਸ ਕੰਪਨੀ ਦਾ ਸਟਾਕ ਵੀ 3.39 ਫੀਸਦੀ ਡਿੱਗ ਕੇ 1,791.30 ਰੁਪਏ ‘ਤੇ ਬੰਦ ਹੋਇਆ।
ਨਵੇਂ UPI MDR ਚਾਰਜ ਨਿਯਮ ਅਤੇ ਵਪਾਰੀਆਂ ‘ਤੇ ਪ੍ਰਭਾਵ
ਵੱਡੇ ਵਪਾਰੀਆਂ ‘ਤੇ 0.4% ਚਾਰਜ: ਪ੍ਰਤੀ ਮਹੀਨਾ ₹1 ਲੱਖ ਤੋਂ ਵੱਧ ਕਮਾਉਣ ਵਾਲੇ ਵਪਾਰੀਆਂ ਤੋਂ ₹2,000 ਤੋਂ ਵੱਧ ਪ੍ਰਾਪਤ ਹੋਣ ਵਾਲੇ ਹਰੇਕ ਭੁਗਤਾਨ ਲਈ 0.4% MDR + GST ਵਸੂਲਿਆ ਜਾਵੇਗਾ। GST MDR ਚਾਰਜ ਦਾ 18% ਹੋਵੇਗਾ।
ਛੋਟੇ ਵਪਾਰੀਆਂ ਲਈ ਰਾਹਤ: ₹1 ਲੱਖ ਤੱਕ ਦੇ ਮਹੀਨਾਵਾਰ ਕੁੱਲ UPI ਆਮਦਨ ਵਾਲੇ ਵਪਾਰੀਆਂ ਤੋਂ ਕੋਈ ਚਾਰਜ ਨਹੀਂ ਲਿਆ ਜਾਵੇਗਾ, ਭਾਵੇਂ ਲੈਣ-ਦੇਣ ₹2,000 ਤੋਂ ਵੱਧ ਹੋਵੇ।
ਸ਼੍ਰੇਣੀ ਬਦਲਣ ਦਾ ਨਿਯਮ: ਜੇਕਰ ਕੋਈ ਛੋਟਾ ਦੁਕਾਨਦਾਰ ਲਗਾਤਾਰ ਤਿੰਨ ਮਹੀਨਿਆਂ ਲਈ ₹1 ਲੱਖ ਤੋਂ ਵੱਧ UPI ਕਲੈਕਸ਼ਨ ਲੈਂਦਾ ਹੈ, ਤਾਂ ਬੈਂਕ ਆਪਣੇ ਆਪ ਹੀ ਉਨ੍ਹਾਂ ਨੂੰ ‘ਵੱਡੇ ਵਪਾਰੀ’ (ਵਿਅਕਤੀ ਤੋਂ ਵਪਾਰੀ) ਸ਼੍ਰੇਣੀ ਵਿੱਚ ਤਬਦੀਲ ਕਰ ਦੇਣਗੇ। ਫਿਰ ਉਸ ਨੂੰ ਵੀ ਲਾਗੂ ਚਾਰਜ ਦੇਣਾ ਹੋਵੇਗਾ।
₹2,000 ਤੱਕ ਦੀ ਮੁਫ਼ਤ ਵਿਕਰੀ: ਵੱਡੇ ਵਪਾਰੀਆਂ ਨੂੰ ਵੀ ₹2,000 ਜਾਂ ਇਸ ਤੋਂ ਘੱਟ ਦੇ ਛੋਟੇ ਭੁਗਤਾਨਾਂ ‘ਤੇ ਕੋਈ ਫੀਸ ਨਹੀਂ ਦੇਣੀ ਪਵੇਗੀ।
ਵੱਧ ਤੋਂ ਵੱਧ ਚਾਰਜ ਸੀਮਾ: ₹75,000 ਜਾਂ ਇਸ ਤੋਂ ਵੱਧ ਦੇ ਲੈਣ-ਦੇਣ ਲਈ, ਵਪਾਰੀਆਂ ਤੋਂ ਵੱਧ ਤੋਂ ਵੱਧ ₹300 + GST ਵਸੂਲਿਆ ਜਾਵੇਗਾ।
ਹਰੇਕ ਲੈਣ-ਦੇਣ ‘ਤੇ ਸੀਮਾ ਲਾਗੂ ਹੁੰਦੀ ਹੈ: ₹2,000 ਦੀ ਸੀਮਾ ਹਰੇਕ ਭੁਗਤਾਨ ‘ਤੇ ਲਾਗੂ ਹੋਵੇਗੀ, ਪੂਰੇ ਦਿਨ ਦੀ ਕੁੱਲ ਵਿਕਰੀ ‘ਤੇ ਨਹੀਂ।
ਖਾਸ ਖੇਤਰਾਂ ਲਈ ਸਿਰਫ਼ ₹5 ਦੀ ਫਲੈਟ ਫੀਸ: ਪੈਟਰੋਲ ਪੰਪ, ਰੇਲਵੇ, ਬਿੱਲ ਭੁਗਤਾਨ, ਦੂਰਸੰਚਾਰ, ਬੀਮਾ ਅਤੇ ਸਿੱਖਿਆ ਨਾਲ ਜੁੜੇ ਵਪਾਰੀਆਂ ਨੂੰ ₹2,000 ਤੋਂ ਵੱਧ ਦੇ ਭੁਗਤਾਨਾਂ ‘ਤੇ 0.40% ਦੀ ਬਜਾਏ ਫਲੈਟ ₹5 ਦਾ ਭੁਗਤਾਨ ਕਰਨਾ ਪਵੇਗਾ।
ਕਾਰਡਾਂ ਦੇ ਮੁਤਾਬਲੇ ਅਜੇ ਵੀ ਸਸਤਾ: UPI ‘ਤੇ MDR ਚਾਰਜ ਕ੍ਰੈਡਿਟ ਕਾਰਡਾਂ (1.5%-2.5%) ਅਤੇ ਡੈਬਿਟ ਕਾਰਡਾਂ (0.90% ਤੱਕ) ਨਾਲੋਂ ਕਾਫ਼ੀ ਘੱਟ ਹਨ।
ਇਹ ਵੀ ਪੜ੍ਹੋ : ਪੰਜਾਬ ਸਰਕਾਰ ਨੂੰ CBI ਜਾਂਚ ਖਿਲਾਫ ਪਟੀਸ਼ਨ ‘ਤੇ SC ਤੋਂ ਵੀ ਰਾਹਤ ਨਹੀਂ, ਸੁਣਵਾਈ ਤੋਂ ਵੱਖ ਹੋਏ ਜੱਜ
ਦੱਸ ਦੇਈਏ ਕਿ ਮਰਚੇਂਟ ਡਿਸਕਾਊਂਟ ਰੇਟ (MDR) ਉਹ ਫੀਸ ਹੈ ਜੋ ਇੱਕ ਵਪਾਰੀ ਜਾਂ ਦੁਕਾਨ ਮਾਲਕ ਬੈਂਕਾਂ ਅਤੇ ਪੇਮੈਂਟ ਸਰਵਿਸ ਪ੍ਰੋਵਾਈਡਰਸ ਨੂੰ ਡੈਬਿਟ/ਕ੍ਰੈਡਿਟ ਕਾਰਡ ਜਾਂ ਡਿਜੀਟਲ ਭੁਗਤਾਨ (UPI) ਸਹੂਲਤ, ਜਿਵੇਂ ਕਿ ਪੁਆਇੰਟ-ਆਫ-ਸੇਲ ਮਸ਼ੀਨ ਜਾਂ ਭੁਗਤਾਨ ਗੇਟਵੇ ਦੀ ਵਰਤੋਂ ਕਰਨ ਲਈ ਅਦਾ ਕਰਦਾ ਹੈ।
ਇਹ ਫੀਸ ਡਿਜੀਟਲ ਬੁਨਿਆਦੀ ਢਾਂਚੇ ਅਤੇ ਟ੍ਰਾਂਸਫਰ ਨੈੱਟਵਰਕ ਨੂੰ ਚਲਾਉਣ ਦੀਆਂ ਲਾਗਤਾਂ ਨੂੰ ਪੂਰਾ ਕਰਨ ਵਾਸਤੇ ਲਈ ਜਾਂਦੀ ਹੈ। ਇਹ ਚਾਰਜ ਵਪਾਰੀ ਨੂੰ ਦੇਣਾ ਹੁੰਦਾ ਹੈ, ਗਾਹਕ ਦੁਆਰਾ ਨਹੀਂ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
