ਸ਼ਿਆਮ ਸੁੰਦਰ ਅਰੋੜਾ ਤੇ ਟਿਕਾਣਿਆਂ ਤੇ ਹੋਈ ਰੇਡ ਤੋਂ ਬਾਅਦ ਈਡੀ ਦਾ ਪਹਿਲਾ ਬਿਆਨ ਸਾਹਮਣੇ ਆਇਆ ਹੈ। ED ਦਾ ਕਹਿਣਾ ਹੈ ਕਿ ਆਮਦਨ ਤੋਂ ਵੱਧ ਜਾਇਦਾਦ ਦੇ ਮਾਮਲੇ ਵਿਚ ਜਾਂਚ ਕੀਤੀ ਗਈ ਤੇ ਜਾਂਚ ਅਜੇ ਵੀ ਜਾਰੀ ਹੈ। ਜਾਂਚ ਦੌਰਾਨ ਕਈ ਅਹਿਮ ਦਸਤਾਵੇਜ਼ ਵੀ ਜ਼ਬਤ ਕੀਤੇ ਗਏ ਹਨ।
ਇਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਦੱਸਿਆ ਕਿ ਵਿਜੀਲੈਂਸ ਬਿਊਰੋ ਦੇ ਸਾਬਕਾ ਏਆਈਜੀ ਮਨਮੋਹਣ ਸ਼ਰਮਾ ਨੂੰ ਰਿਸ਼ਵਤ ਦੇਣ ਦੀ ਕੋਸ਼ਿਸ਼ ਦੇ ਮਾਮਲੇ ਵਿੱਚ ਇਹ ਕਾਰਵਾਈ ਹੋਈ ਹੈ। ਕਿਹਾ ਜਾ ਰਿਹਾ ਹੈ ਕਿ ਉਦਯੋਗ ਮੰਤਰੀ ਹੁੰਦਿਆਂ ਅਰੋੜਾ ਨੇ ਕਈ ਬਿਲਡਰਾਂ ਨੂੰ ਫਾਇਦਾ ਪਹੁੰਚਾਇਆ। ਬਿਲਡਰਾਂ ਤੋਂ 35 ਫੀਸਦੀ ਸ਼ੇਅਰ ਆਪਣੇ ਬੇਟੇ ਦੇ ਨਾਂ ਤਬਦੀਲ ਕਰਵਾਏ।
ਇਹ ਵੀ ਪੜ੍ਹੋ : ਦਿਲਜੀਤ ਦੁਸਾਂਝ ਦੇ ਇੰਦੌਰ ਕੰਸਰਟ ‘ਚ 4 ਗੀਤਾਂ ‘ਤੇ ਲੱਗੀ ਪਾਬੰਦੀ, ਚੰਡੀਗੜ੍ਹ ਦੇ ਪ੍ਰੋਫੈਸਰ ਵੱਲੋਂ ਦਰਜ ਕਰਵਾਈ ਗਈ ਸ਼ਿਕਾਇਤ
ਸ਼ਿਆਮ ਸੁੰਦਰ ਅਰੋੜਾ ਦਾ ਬੇਟਾ ਵੀ ਜਾਂਚ ਦੇ ਦਾਇਰੇ ਵਿੱਚ ਹੈ। ਅਰੋੜਾ ਦੇ ਸਾਰੇ ਬੈਂਕ ਖਾਤੇ ਫਰੀਜ ਕੀਤੇ ਗਏ। ਜਾਂਚ ਦੌਰਾਨ ਮੋਬਾਈਲ ਫੋਨ, ਕਈ ਦਸਤਾਵੇਜ਼, ਪਲਾਟਾਂ ਨਾਲ ਸਬੰਧਤ ਰਿਕਾਰਡ ਤੇ ਡਿਜੀਟਲ ਉਪਕਰਣ ਬਰਾਮਦ ਕੀਤੇ ਗਏ ਹਨ। ਅਰੋੜਾ ਦੇ ਸਾਰੇ ਬੈਂਕ ਖਾਤੇ ਵੀ ਕੀਤੇ ਗਏ ਫ੍ਰੀਜ਼, ਮਾਮਲੇ ਦੀ ਜਾਂਚ ਜਾਰੀ ਹੈ। ਇਹ ਵੀ ਖਬਰ ਹੈ ਕਿ ਸ਼ਾਮ ਸੁੰਦਰ ਅਰੋੜਾ ਨੇ 15 ਅਕਤੂਬਰ 2020 ਨੂੰ 50 ਲੱਖ ਰਿਸ਼ਵਤ ਦੇਣ ਦੀ ਕੋਸ਼ਿਸ਼ ਕੀਤੀ ਸੀ।
ਈਡੀ ਦੀ ਜਾਂਚ ਦਾ ਮੁੱਖ ਮਾਮਲਾ ਮੋਹਾਲੀ ਦੇ ਫੇਜ਼-5 ਸਥਿਤ ਉਦਯੋਗਿਕ ਪਲਾਟ ਨੰਬਰ ਏ-32 ਨਾਲ ਜੁੜਿਆ ਹੈ। ਇਹ ਪਲਾਟ ਪਹਿਲਾਂ ਜੇਸੀਟੀ ਇਲੈਕਟ੍ਰਾਨਿਕਸ ਨੂੰ ਵੰਡਿਆ ਸੀ। ਕੰਪਨੀ ਦੇ ਦੀਵਾਲੀਆ ਹੋਣ ਦੇ ਬਾਅਦ ਫਰਵਰੀ 2020 ਵਿਚ ਆਰਸੀਲ ਦੀ ਨੀਲਾਮੀ ਜ਼ਰੀਏ ਇਸ ਨੂੰ ਜੀਆਰਓ ਡਿਵੈਲਪਰਸ ਐਂਡ ਪ੍ਰਮੋਟਰਸ ਐੱਲਐੱਲਪੀ ਨੂੰ 90.56 ਕਰੋੜ ਰੁਪਏ ਟਰਾਂਸਫਰ ਕੀਤੇ ਗਏ। ਈਡੀ ਮੁਤਾਬਕ ਲੀਜ ਡੀਡ ਦੀਆਂ ਸ਼ਰਤਾਂ ਮੁਤਾਬਕ ਵਿਕਰੀ ਮੁੱਲ ਦਾ 50 ਫੀਸਦੀ ਵਾਧਾ ਤੇ ਟਰਾਂਸਫਰ ਫੀਸ ਵਜੋਂ ਪੀਐੱਸਆਈਈਸੀ ਨੂੰ ਮਿਲਣਾ ਸੀ ਪਰ ਪੂਰੀ ਰਕਮ ਜਮ੍ਹਾ ਨਹੀਂ ਕਰਾਈ ਗਈ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
