T.V Actress Vijay Chitra : ਸਾਲ 2020 ਐਂਟਰਟੇਨਮੈਂਟ ਇੰਡਸਟਰੀ ਲਈ ਬਹੁਤ ਹੀ ਮਾੜਾ ਰਿਹਾ ਹੈ, ਕਿਉਂਕਿ ਇਸ ਸਾਲ ਬਹੁਤ ਸਾਰੇ ਫ਼ਿਲਮੀ ਸਿਤਾਰੇ ਇਸ ਦੁਨੀਆ ਨੂੰ ਅਲਵਿਦਾ ਕਹਿ ਗਏ ਹਨ । ਇਸ ਸਭ ਦੇ ਚਲਦੇ ਇੰਡਸਟਰੀ ਤੋਂ ਇੱਕ ਹੋਰ ਬੁਰੀ ਖ਼ਬਰ ਆਈ ਹੈ । ਤਮਿਲ ਦੀ ਮਸ਼ਹੂਰ ਟੀ.ਵੀ ਅਦਾਕਾਰ ‘ਵੀਜੇ ਚਿਤਰਾ’ ਦੀ ਇਕ ਹੋਟਲ ਦੇ ਕਮਰੇ ਵਿਚੋਂ ਲਾਸ਼ ਮਿਲੀ ਹੈ। ਉਹਨਾਂ ਦੀ ਮੌਤ ਤੋਂ ਬਾਅਦ ਸਾਊਥ ਇੰਡਸਟਰੀ ਵਿਚ ਸੋਗ ਦੀ ਲਹਿਰ ਹੈ।
![T.V Actress Vijay Chitra](https://dailypost.in/wp-content/uploads/2020/12/vj-chitra.jpg)
ਵੀਜੇ ਚਿਤਰਾ ਦੀ ਉਮਰ ਸਿਰਫ਼ 28 ਸਾਲ ਸੀ। ਚਿਤਰਾ ਦੀ ਲਾਸ਼ ਚੇਨਈ ਦੇ ਨਸਰਪੇਟ ਵਿੱਚ ਇੱਕ ਹੋਟਲ ਦੇ ਕਮਰੇ ਵਿਚੋਂ ਮਿਲੀ ਹੈ। ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਅਦਾਕਾਰਾ ਨੇ ਖੁਦਕੁਸ਼ੀ ਕੀਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਚਿਤਰਾ ਦੇਰ ਰਾਤ ਕਰੀਬ 2.30 ਵਜੇ ਸ਼ੂਟਿੰਗ ਕਰਨ ਤੋਂ ਬਾਅਦ ਹੋਟਲ ਪਹੁੰਚੀ ਸੀ। ਉਹ ਹੋਟਲ ਵਿਚ ਅਪਣੇ ਮੰਗੇਤਰ ਨਾਲ ਰਹਿ ਰਹੀ ਸੀ।
![T.V Actress Vijay Chitra](https://dailypost.in/wp-content/uploads/2020/12/vj-chitra-1.jpg)
ਚਿਤਰਾ ਦਾ ਹਾਲ ਹੀ ਵਿਚ ਚੇਨਈ ਦੇ ਇਕ ਵੱਡੇ ਬਿਜ਼ਨਸਮੈਨ ਹੇਮੰਤ ਰਵੀ ਦੇ ਨਾਲ ਮੰਗਣਾ ਹੋਇਆ ਸੀ। ਕਈ ਮੀਡੀਆ ਰਿਪੋਰਟਾਂ ਜ਼ਰੀਏ ਦਾਅਵਾ ਕੀਤਾ ਗਿਆ ਹੈ ਕਿ ਚਿਤਰਾ ਤਣਾਅ ਵਿਚ ਸੀ, ਜਿਸ ਦੇ ਚਲਦਿਆਂ ਉਹਨਾਂ ਨੇ ਇਹ ਖੌਫਨਾਕ ਕਦਮ ਚੁੱਕਿਆ। ਪੁਲਿਸ ਨੇ ਚਿਤਰਾ ਦੀ ਲਾਸ਼ ਨੂੰ ਕਬਜ਼ੇ ਵਿਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।
ਦੇਖੋ ਵੀਡੀਓ : ਚੰਡੀਗੜ ਚ ਸਿੰਗਰਾਂ ਨੇ ਪਾਇਆ ਘਮਸਾਨ, ਵਾਟਰ ਕੈਨਨ ਤੇ ਚੜ੍ਹ ਘੇਰ ਲਿਆ BJP ਦਫਤਰ, ਦੇਖੋ Live ਤਸਵੀਰਾਂ