Man vs Wild Host Bear Grills: ਦੁਨੀਆ ਭਰ ਵਿੱਚ ਪਸੰਦ ਕੀਤੇ ਜਾਣ ਵਾਲੇ ਇੱਕ ਟੀਵੀ ਸ਼ੋਅ ਦੇ ਹੋਸਟ ਬੀਅਰ ਗ੍ਰਿਲਸ ਨੇ ਸ਼ੁੱਕਰਵਾਰ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਤਸਵੀਰ ਸਾਂਝੀ ਕਰਦਿਆਂ ਟਵੀਟ ਕੀਤਾ । ਉਸਨੇ ਲਿਖਿਆ ਕਿ “ਮੇਰੀ ਇੱਕ ਮਨਪਸੰਦ ਤਸਵੀਰ ਵਿੱਚੋਂ ਇੱਕ: ਸਾਡੇ ਜੰਗਲ ਅਡਵੈਂਚਰ ਦੌਰਾਨ ਭਿੱਜ ਜਾਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਨਾਲ ਚਾਹ ਪੀਣਾ। ਇਹ ਪਲ ਸਾਨੂੰ ਯਾਦ ਦਿਵਾਉਂਦਾ ਹੈ ਕਿ ਕਿਵੇਂ ਮਾਸਕ ਅਤੇ ਉਹਦੋਂ ਦੇ ਪਿੱਛੇ ਅਸੀਂ ਸਭ ਇੱਕੋ ਜਿਹੇ ਹਾਂ।”
ਬੀਅਰ ਗ੍ਰਿਲਸ ਦਾ ਇਹ ਟਵੀਟ ਅਜਿਹੇ ਸਮੇਂ ਆਇਆ ਹੈ ਜਦੋਂ ਪੂਰੀ ਦੁਨੀਆਂ ਵਿੱਚ ਕਿਸਾਨ ਅੰਦੋਲਨ ਨੂੰ ਲੈ ਕੇ ਸਮਰਥਨ ਅਤੇ ਵਿਰੋਧ ਪ੍ਰਦਰਸ਼ਨ ਦੀ ਚਰਚਾ ਹੋ ਰਹੀ ਹੈ । ਇੰਟਰਨੈਸ਼ਨਲ ਸੇਲਿਬ੍ਰਿਟੀ ਰਿਹਾਨਾ ਦੇ ਟਵੀਟ ਤੋਂ ਬਾਅਦ ਦੇਸ਼ ਦੇ ਕਈ ਦਿੱਗਜ ਖਿਡਾਰੀਆਂ ਨੇ ਵੀ ਇਸ ‘ਤੇ ਟਵੀਟ ਕੀਤਾ ਹੈ । ਅਜਿਹੇ ਵਿੱਚ ਬੀਅਰ ਗਰਿਲਸ ਦੇ ਟਵੀਟ ਤੋਂ ਅਲੱਗ-ਅਲੱਗ ਅਰਥ ਕੱਢੇ ਜਾ ਰਹੇ ਹਨ। ਹਾਲਾਂਕਿ, ਇਸ ਸ਼ੋਅ ਦੇ ਮੇਜ਼ਬਾਨ ਨੇ ਕਿਸਾਨ ਅੰਦੋਲਨ ਨਾਲ ਸਬੰਧਤ ਕੋਈ ਵੀ ਟਿੱਪਣੀ ਨਹੀਂ ਕੀਤੀ ਹੈ।
ਦੱਸ ਦੇਈਏ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਬੀਅਰ ਗਰਿਲਸ ਦੇ ਨਾਲ ਇੱਕ ਨਿੱਜੀ ਚੈਨਲ ‘ਤੇ ਪ੍ਰਸਾਰਿਤ ਹੋਣ ਵਾਲੇ ਇਸ ਸ਼ੋਅ ਦੇ ਇੱਕ ਵਿਸ਼ੇਸ਼ ਐਪੀਸੋਡ ਵਿੱਚ ਨਜ਼ਰ ਆਏ ਸਨ। ਆਪਣੇ ਸਮੇੰ ਵਿੱਚ ਇਹ ਟਰੈਂਡਿੰਗ ਟੈਲੀਵਿਜ਼ਨ ਈਵੈਂਟ ਬਣਿਆ ਸੀ।
