Dev Kharod’s new profession : ਪੰਜਾਬੀ ਫਿਲਮ ਇੰਡਸਟਰੀ ਦੇ ਐਕਸ਼ਨ ਹੀਰੋ ਦੇਵ ਖਰੋੜ ਹੁਣ ਜਲਦ ਹੀ ਪੰਜਾਬੀ ਗੀਤਾਂ ਦੇ ਵਿੱਚ ਵੀ ਨਜ਼ਰ ਆਉਣਗੇ। ਐਕਸ਼ਨ ਕਰਦੇ ਹੋਏ ਨਜਰ ਆਉਣ ਵਾਲੇ ਦੇਵ ਖਰੋੜ ਨੂੰ ਹੁਣ ਗੀਤਾਂ ਦੇ ਵਿੱਚ ਦੇਖਣਾ ਕਾਫੀ ਦਿਲਚਸਪ ਹੋਵੇਗਾ। ਦੇਵ ਖਰੋੜ ਦੇ ਪ੍ਰਸ਼ੰਸਕ ਹੁਣ ਆਪਣੇ ਐਕਸ਼ਨ ਹੀਰੋ ਨੂੰ ਪੰਜਾਬੀ ਗੀਤਾਂ ਦੇ ਵਿੱਚ ਦੇਖਣਗੇ। ਦੱਸ ਦੇਈਏ ਕਿ ਦੇਵ ਖਰੋੜ ਜਲਦ ਹੀ ਪੰਜਾਬੀ ਗਾਇਕਾ ਅਫਸਾਨਾ ਖਾਨ ਦੇ ਨਾਲ ਆਉਣ ਵਾਲਕੇ ਗੀਤ ‘ਸਰੈਂਡਰ ‘ ਦੇ ਵਿੱਚ ਨਜਰ ਆਉਣਗੇ। ਇਸ ਗੀਤ ਨੂੰ ਪੰਜਾਬੀ ਗੀਤਕਾਰ ਤੇ ਪ੍ਰੋਡਿਊਸਰ ਬੰਟੀ ਬੈਂਸ ਪੇਸ਼ ਕਰ ਰਹੇ ਹਨ। ਦੇਵ ਖਰੋੜ ਦੇ ਨਾਲ ਇਸ ਗੀਤ ਵਿੱਚ ਪੰਜਾਬੀ ਅਦਾਕਾਰਾ ਜਪਜੀ ਖਹਿਰਾ ਵੀ ਨਜ਼ਰ ਆਵੇਗੀ।
ਦੇਵ ਨੇ ਹੁਣ ਤੱਕ ਵੱਡੇ ਪਰਦੇ ਤੇ ਹੀ ਕੰਮ ਕੀਤਾ ਹੈ ਇਹ ਪਹਿਲੀ ਵਾਰ ਹੋਵੇਗਾ ਕਿ ਉਹ ਕਿਸੇ ਗੀਤ ਦੇ ਵਿੱਚ ਨਜ਼ਰ ਆਉਣਗੇ। ਹਾਲ ਹੀ ਵਿੱਚ ਇਸ ਗੀਤ ਦੀ ਪੂਰੀ ਟੀਮ ਨੇ ਗੀਤ ਦਾ ਪੋਸਟਰ ਸਾਂਝਾ ਕੀਤਾ ਹੈ। ਜਿਸ ਦੇ ਵਿੱਚ ਲਿਖਿਆ ਹੈ ਕਿ ਟ੍ਰੇਲਰ ਕਮਿੰਗ ਸੂਨ। ਇਸ ਗੀਤ ਨੂੰ ਬੰਟੀ ਨੇ ਲਿਖਿਆ ਹੈ ਤੇ ਕੰਪੋਜ਼ ਕੀਤਾ ਹੈ। ਇਸ ਤੋਂ ਇਲਾਵਾ ਬੰਟੀ ਬੈਂਸ ਹੀ ਇਸ ਗੀਤ ਨੂੰ ਪ੍ਰੋਡਿਊਸ ਕਰ ਰਹੇ ਹਨ। ਦੱਸਣਯੋਗ ਹੈ ਕਿ ਪੰਜਾਬੀ ਅਦਾਕਾਰ ਦੇਵ ਖਰੋੜ ਇੰਨੀ ਦਿਨੀ ਕੋਵਿਡ ਕਰਕੇ ਵੱਡੇ ਪਰਦੇ ਤੇ ਨਜ਼ਰ ਨਹੀਂ ਆ ਰਹੇ ਹਨ। ਅਜਿਹੇ ‘ਚ ਆਪਣੇ ਆਪ ਨੂੰ ਪ੍ਰਸ਼ੰਸਕਾਂ ਦੇ ਰੂ ਬ ਰੂ ਕਰਨ ਦਾ ਦੇਵ ਦਾ ਇਹ ਫੈਂਸਲਾ ਵੀ ਬਿਲਕੁਲ ਸਹੀ ਹੈ। ਦੇਵ ਖਰੋੜ ਦੀ ਬਹੁਤ ਫ਼ੈਨ ਫੋਲੋਵਿੰਗ ਹੈ। ਇਸ ਤੋਂ ਇਲਾਵਾ ਦੇਵ ਖਰੋੜ ਤੇ ਜਪਜੀ ਖਹਿਰਾ ਦੀ ਜੋੜੀ ਫਿਲਮ ਡਾਕੂਆਂ ਦਾ ਮੁੰਡਾ 2 ਦੇ ਵਿਚ ਵੀ ਨਜ਼ਰ ਆਵੇਗੀ।
