sukh kharoud also announced : ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੇ ਨਾਮੀ ਗੀਤਕਾਰ ਤੇ ਗਾਇਕ ਸੁੱਖ ਖਰੌੜ (Sukh Kharoud) ਜੋ ਕਿ ਸੋਸ਼ਲ ਮੀਡੀਆ ਉੱਤੇ ਕਾਫੀ ਐਕਟਿਵ ਰਹਿੰਦੇ ਨੇ । ਉਹ ਦਰਸ਼ਕਾਂ ਦੇ ਮਨੋਰੰਜਨ ਦੇ ਲਈ ਅਕਸਰ ਹੀ ਫਨੀ ਵੀਡੀਓਜ਼ ਸਾਂਝੀਆਂ ਕਰਦੇ ਰਹਿੰਦੇ ਨੇ। ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਬਹੁਤ ਹੀ ਮਜ਼ੇਦਾਰ ਵੀਡੀਓ ਸਾਂਝੀ ਕੀਤੀ ਹੈ । ਇਸ ਵੀਡੀਓ ‘ਚ ਉਹ ਕਹਿ ਰਹੇ ਨੇ ਜਿਵੇਂ ਕਿ ਸਭ ਜਾਣਦੇ ਐਲਬਮ ਦਾ ਦੌਰ ਮੁੜ ਤੋਂ ਆ ਗਿਆ ਹੈ ।
ਮੈਂ ਵੀ ਐਲਬਮ ਰਿਲੀਜ਼ ਕਰਨ ਲੱਗਿਆ ਆਂ…ਕੋਈ 10 ਗਾਣੇ, ਕੋਈ 20, ਕੋਈ 30, ਮੈਂ ਚਾਰ ਘੰਟੇ ਦੀ ਵੀਡੀਓ ਅਪਲੋਡ ਕਰ ਦੇਣੀਏ ਬੈਠ ਕੇ ਮੇਰਾ ਵਿਆਹ ਦੇਖੋ ਸਾਰੇ ਜਣੇ..’ । ਇਹ ਫਨੀ ਵੀਡੀਓ ਹਰ ਕਿਸੇ ਨੂੰ ਪਸੰਦ ਆ ਰਹੀ ਹੈ । ਵੱਡੀ ਗਿਣਤੀ ‘ਚ ਲੋਕ ਇਸ ਵੀਡੀਓ ਨੂੰ ਦੇਖ ਚੁੱਕੇ ਨੇ ਤੇ ਹਾਸੇ ਵਾਲੇ ਇਮੋਜ਼ੀ ਤੇ ਕਮੈਂਟ ਪੋਸਟ ਕਰ ਚੁੱਕੇ ਨੇ। ਨਵੇਂ ਉਭਰਦੇ ਹੋਏ ਗਾਇਕ ਕਾਕਾ ਜੀ ਨੇ ਵੀ ਕਮੈਂਟ ਕਰਕੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ।ਗਾਇਕ ਸੁੱਖ ਖਰੌੜ (Sukh Kharoud) ਜੋ ਕਿ ਇਸ ਸਾਲ ਫਰਵਰੀ ਮਹੀਨੇ ‘ਚ ਵਿਆਹ ਦੇ ਬੰਧਨ ‘ਚ ਬੱਝ ਗਏ ਸੀ। ਉਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਤੇ ਵੀਡੀਓਜ਼ ਸੋਸ਼ਲ ਮੀਡੀਆ ਉੱਤੇ ਖੂਬ ਵਾਇਰਲ ਹੋਈਆਂ ਸਨ।
![sukh kharoud also announced](https://dailypost.in/wp-content/uploads/2021/05/m..muig_.jpg)
ਜੇ ਗੱਲ ਕਰੀਏ ਸੁੱਖ ਖਰੌੜ ਦੇ ਵਰਕ ਫਰੰਟ ਦੀ ਤਾਂ ਉਨ੍ਹਾਂ ਦਾ ਇੱਕ ਮਿਊਜ਼ਿਕ ਗਰੁੱਪ ਹੈ ਜਿਸ ਦਾ ਨਾਂਅ ‘ਦ ਲੈਂਡਰਸ’ ਹੈ । ‘ਦ ਲੈਂਡਰਸ’ ‘ਚ ਦੇਵੀ ਸਿੰਘ, ਗੁਰੀ ਸਿੰਘ ਅਤੇ ਸੁੱਖ ਖਰੌੜ ਦੀ ਤਿਕੜੀ ਗੀਤ ਗਾਉਂਦੀ ਹੈ । ਉਹਨਾਂ ਨੇ ਹੁਣ ਤੱਕ ਪੰਜਾਬੀ ਮਿਊਜ਼ਿਕ ਜਗਤ ਨੂੰ ਕਈ ਹਿੱਟ ਗੀਤ ਦਿੱਤੇ ਹਨ ਜਿਵੇ ਕਿ – ਕਿੰਗ ਕੁਈਨ , ਮੋਰਨੀਏ , ਫਰੂਟ , ਜੇਲ ਫੇਲ , ਵੱਡੇ ਕਾਰਨਾਮੇ , ਇਲੈਕਸ਼ਨ ਆਦਿ।