ਅਮਰੀਕਾ ਵਿੱਚ 95 ਸਾਲ ਦੀ ਉਮਰ ਵਿੱਚ ਇੱਕ ਜੋੜੇ ਨੇ ਵਿਆਹ ਕਰਵਾ ਕੇ ਇੱਕ ਮਿਸਾਲ ਪੇਸ਼ ਕੀਤੀ ਹੈ । ਇਸ ਜੋੜੇ ਦਾ ਕਹਿਣਾ ਹੈ ਕਿ ਭਵਿੱਖ ਵਿੱਚ ਜੇਕਰ ਉਨ੍ਹਾਂ ਕੋਲ ਜਿਊਣ ਲਈ 5 ਸਾਲ ਤੱਕ ਦਾ ਸਮਾਂ ਵੀ ਬਚਿਆ ਹੈ ਤਾਂ ਉਹ ਇਸ ਸਮੇਂ ਨੂੰ ਇਕੱਠਿਆਂ ਬਿਤਾਉਣਗੇ ।
ਦਰਅਸਲ, 22 ਮਈ ਨੂੰ 95 ਸਾਲਾਂ ਜਾਇ ਮੋਰੋ ਨਲਟਨ ਨੇ ਜਾਨ ਸ਼ੂਲਟਸ ਜੂਨੀਅਰ ਨਾਲ ਵਿਆਹ ਰਚਾਇਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਆਪਣੇ ਵਿਆਹ ਵਾਲੇ ਦਿਨ ਹੀ ਉਨ੍ਹਾਂ ਨੇ ਅਪਣਾ 95ਵਾਂ ਜਨਮਦਿਨ ਵੀ ਮਨਾਇਆ । ਇਸ ਸਬੰਧੀ ਜਾਇ ਨੇ ਕਿਹਾ ਕਿ ਜੇਕਰ ਸਾਡੀ ਉਮਰ 5 ਸਾਲ ਵੀ ਬਚੀ ਹੈ ਤਾਂ ਅਸੀਂ ਇਸ ਸਮੇਂ ਨੂੰ ਇਕੱਠੇ ਬਿਤਾਉਣਾ ਚਾਹਾਂਗੇ । ਵਿਆਹ ਦੇ 60 ਸਾਲ ਬਾਅਦ ਦੋਵਾਂ ਦੇ ਜੀਵਨ ਸਾਥੀ ਗੁਜ਼ਰ ਗਏ ਸਨ । ਜਿਸ ਤੋਂ ਬਾਅਦ ਦੋਵੇਂ ਹੀ ਇਕੱਲੇ ਰਹਿੰਦੇ ਸਨ ।
ਇਹ ਵੀ ਪੜ੍ਹੋ: ਕਿਸਾਨ ਅੰਦੋਲਨ ਵਿਚਾਲੇ ਖੇਤੀਬਾੜੀ ਮੰਤਰੀ ਨਰੇਂਦਰ ਤੋਮਰ ਨੇ MSP ਨੂੰ ਲੈ ਕੇ ਦਿੱਤਾ ਵੱਡਾ ਬਿਆਨ
ਉੱਥੇ ਹੀ ਸ਼ੂਲਟਸ ਦਾ ਕਹਿਣਾ ਹੈ ਕਿ ਜਦੋਂ ਜਾਇ ਨੇ ਉਨ੍ਹਾਂ ਨੂੰ ਵਿਆਹ ਲਈ ਪੁੱਛਿਆ ਤਾਂ ਉਹ ਮੁਸਕੁਰਾਉਣ ਲੱਗ ਗਈ । ਸ਼ੂਲਟਸ ਦੇ 10 ਪੋਤੇ ਅਤੇ ਪੰਜ ਪੜਪੋਤੇ ਹਨ ਜਦਕਿ ਜਾਇ ਦੇ ਤਿੰਨ ਪੋਤੇ-ਪੋਤੀਆਂ ਅਤੇ ਪੰਜ ਪੜਪੋਤੇ ਹਨ ।
ਦੱਸ ਦੇਈਏ ਕਿ ਇਸ ਵਿਆਹ ਬਾਰੇ ਜਾਇ ਦੇ ਬੇਟੇ ਨੇ ਕਿਹਾ ਕਿ ਦੋਵਾਂ ਦੀ ਜੋੜੀ ਬਹੁਤ ਵਧੀਆ ਲੱਗ ਰਹੀ ਹੈ। ਉਸਨੇ ਦੱਸਿਆ ਕਿ ਉਹ ਦੋਵੇਂ ਲੰਬੇ ਸਮੇਂ ਤੋਂ ਇੱਕ-ਦੂਜੇ ਨੂੰ ਜਾਣਦੇ ਸੀ ਅਤੇ ਅਕਸਰ ਹੀ ਮਿਲਦੇ ਰਹਿੰਦੇ ਸੀ।
ਇਹ ਵੀ ਦੇਖੋ: ਰਹੱਸਮਈ ਕਹਾਣੀ, ਚੰਡੀਗੜ੍ਹ ਤੋਂ ਦਿੱਲੀ ਜਾਂਦਾ ਪਰਿਵਾਰ ਲਾਪਤਾ ! ਆਖਿਰ ਪਰਿਵਾਰ ਕਿੱਥੇ ਹੋਇਆ ਗਾਇਬ ?
