allu arjun daughter post: ਸਾਊਥ ਦੇ ਸੁਪਰਸਟਾਰ ਅਦਾਕਾਰ ਅੱਲੂ ਅਰਜੁਨ 16 ਦਿਨਾਂ ਦੀ ਸ਼ੂਟਿੰਗ ਤੋਂ ਬਾਅਦ ਜਦੋਂ ਘਰ ਵਾਪਸ ਆਏ ਤਾਂ ਉਨ੍ਹਾਂ ਦੇ ਬੱਚਿਆਂ ਨੇ ਉਨ੍ਹਾਂ ਦਾ ਸ਼ਾਨਦਾਰ ਤਰੀਕੇ ਨਾਲ ਸਵਾਗਤ ਕੀਤਾ। ਅੱਲੂ ਅਰਜੁਨ ਨੇ ਆਪਣੇ ਇੰਸਟਾ ਪੋਸਟ ‘ਤੇ ਬੱਚਿਆਂ ਦੁਆਰਾ ਬਣਾਈ ਗਈ ਇਸ ਖੂਬਸੂਰਤ ਰੰਗੋਲੀ ਨੂੰ ਸ਼ੇਅਰ ਕੀਤਾ ਹੈ। ਪੁਸ਼ਪਾ ਫਿਲਮ ਦੇ ਲੀਡ ਐਕਟਰ ਅੱਲੂ ਅਰਜੁਨ ਦੁਆਰਾ ਸ਼ੇਅਰ ਕੀਤੀ ਗਈ ਫੋਟੋ ਵਿੱਚ ਫੁੱਲਾਂ ਨਾਲ ‘ਵੈਲਕਮ ਨਾਨਾ’ ਲਿਖਿਆ ਨਜ਼ਰ ਆ ਰਿਹਾ ਹੈ ਅਤੇ ਉਨ੍ਹਾਂ ਦੀ ਛੋਟੀ ਬੇਟੀ ਸਾਹਮਣੇ ਖੜੀ ਦਿਖਾਈ ਦੇ ਰਹੀ ਹੈ।
ਅੱਲੂ ਅਰਜੁਨ ਨੇ ਇਸ ਪੋਸਟ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ- 16 ਦਿਨ ਬਾਹਰ ਰਹਿਣ ਤੋਂ ਬਾਅਦ ਜਦੋਂ ਵਾਪਸ ਆਇਆ ਤਾਂ ਇਸ ਖਾਸ ਤਰੀਕੇ ਨਾਲ ਮੇਰਾ ਸਵਾਗਤ ਕੀਤਾ ਗਿਆ। ਉਸ ਦੀ ਪੋਸਟ ਨੂੰ ਥੋੜ੍ਹੇ ਸਮੇਂ ਵਿੱਚ ਹੀ 13 ਲੱਖ ਤੋਂ ਵੱਧ ਲਾਈਕਸ ਮਿਲ ਚੁੱਕੇ ਹਨ। ਕਮੈਂਟ ਸੈਕਸ਼ਨ ‘ਚ ਲੋਕ ਅੱਲੂ ਅਰਜੁਨ ਦੇ ਬੱਚਿਆਂ ਦੀ ਤਾਰੀਫ ਕਰਦੇ ਨਜ਼ਰ ਆਏ। ਇੱਕ ਯੂਜ਼ਰ ਨੇ ਲਿਖਿਆ- ਤੁਹਾਡੇ ਬੱਚੇ ਤੁਹਾਨੂੰ ਬਹੁਤ ਪਿਆਰ ਕਰਦੇ ਹਨ।
ਇਸ ਪੋਸਟ ਤੋਂ ਇਲਾਵਾ ਅੱਲੂ ਅਰਜੁਨ ਨੇ ਆਪਣੀ ਇੰਸਟਾ ਸਟੋਰੀ ਵਿੱਚ ਇੱਕ ਵੀਡੀਓ ਵੀ ਸ਼ੇਅਰ ਕੀਤਾ ਹੈ ਜਿਸ ਵਿੱਚ ਉਨ੍ਹਾਂ ਦੀ ਧੀ ਉਨ੍ਹਾਂ ਨੂੰ ਤਾਮਿਲ ਵਿੱਚ ਕੁੱਝ ਕਹਿੰਦੇ ਨਜ਼ਰ ਆ ਰਹੀ ਹੈ। ਅੱਲੂ ਅਰਜੁਨ ਦੀ ਬੇਟੀ ਦਾ ਨਾਂ ਅਰਹਾ ਅਤੇ ਬੇਟੇ ਦਾ ਨਾਂ ਅਯਾਨ ਹੈ। ਅੱਲੂ ਅਰਜੁਨ ਦੀ ਫਿਲਮ ਪੁਸ਼ਪਾ ਬਲਾਕਬਸਟਰ ਹਿੱਟ ਰਹੀ ਹੈ। ਫਿਲਮ ਦੀ ਭਾਰਤ ਹੀ ਨਹੀਂ ਵਿਦੇਸ਼ਾਂ ‘ਚ ਵੀ ਕਾਫੀ ਤਾਰੀਫ ਹੋ ਰਹੀ ਹੈ।
