rajinikanth jail movie trailer: ਸਾਊਥ ਦੇ ਸੁਪਰਸਟਾਰ ਰਜਨੀਕਾਂਤ ਨੇ ਆਪਣੀ ਅਗਲੀ ਫਿਲਮ ਦਾ ਐਲਾਨ ਕਰਕੇ ਪ੍ਰਸ਼ੰਸਕਾਂ ਨੂੰ ਉਤਸ਼ਾਹਿਤ ਕੀਤਾ ਹੈ। ਤਾਮਿਲ ਫਿਲਮ ‘ਜੇਲਰ’ ਦੇ ਮੇਕਰਸ ਨੇ ਪੋਸਟਰ ਰਿਲੀਜ਼ ਕਰ ਦਿੱਤਾ ਹੈ। ਇਸ ਫਿਲਮ ਲਈ ਰਜਨੀਕਾਂਤ ਨੇ ਨਿਰਦੇਸ਼ਕ ਨੈਲਸਨ ਦਿਲੀਪ ਕੁਮਾਰ ਨਾਲ ਹੱਥ ਮਿਲਾਇਆ ਹੈ। ਸ਼ੁੱਕਰਵਾਰ ਨੂੰ ਮੇਕਰਸ ਨੇ ਫਿਲਮ ਦਾ ਪੋਸਟਰ ਜਾਰੀ ਕਰਕੇ ਰਜਨੀਕਾਂਤ ਦੇ ਸਾਰੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ।
ਪੋਸਟਰ ਵਿੱਚ ਉੱਪਰ ਇੱਕ ਚੇਨ ਨਾਲ ਲਟਕਦਾ ਇੱਕ ਖੂਨੀ ਚਾਕੂ ਦਿਖਾਇਆ ਗਿਆ ਹੈ। ਪਿਛੋਕੜ ਵਿੱਚ ਇੱਕ ਪੁਰਾਣੀ ਫੈਕਟਰੀ ਦਿਖਾਈ ਦਿੰਦੀ ਹੈ। ਇਸ ਪੋਸਟਰ ਨੂੰ ਤਾਮਿਲ ਅਤੇ ਹਿੰਦੀ ਭਾਸ਼ਾਵਾਂ ‘ਚ ਰਿਲੀਜ਼ ਕੀਤਾ ਗਿਆ ਹੈ। ਦੱਖਣ ਹੀ ਨਹੀਂ ਸਗੋਂ ਰਜਨੀਕਾਂਤ ਦੇ ਨਾਰਥ ਸਾਈਡ ਦੇ ਪ੍ਰਸ਼ੰਸਕ ਵੀ ਇਸ ਫਿਲਮ ਨੂੰ ਦੇਖ ਸਕਣਗੇ। ਇਸ ਪ੍ਰੋਜੈਕਟ ਵਿੱਚ ਕੰਨੜ ਅਦਾਕਾਰ ਸ਼ਿਵਰਾਜਕੁਮਾਰ ਵੀ ਮੁੱਖ ਭੂਮਿਕਾ ਵਿੱਚ ਨਜ਼ਰ ਆਉਣ ਵਾਲੇ ਹਨ। ਫਿਲਮ ਦੀ ਸ਼ੂਟਿੰਗ ਜਲਦੀ ਹੀ ਸ਼ੁਰੂ ਹੋਵੇਗੀ।
ਤੁਹਾਨੂੰ ਦੱਸ ਦੇਈਏ ਕਿ ਨੈਲਸਨ ਦਿਲੀਪ ਕੁਮਾਰ ਦੀ ਪਹਿਲੀ ਫਿਲਮ ‘ਬੀਸਟ’ ਸੀ ਜਿਸ ਦੀ ਸ਼ੂਟਿੰਗ ਇੱਕ ਮਾਲ ਦੇ ਅੰਦਰ ਹੋਈ ਸੀ। ਇੱਕ ਪ੍ਰਸ਼ੰਸਕ ਨੇ ਪੁੱਛਿਆ, “ਕੀ ਇਸ ਪੂਰੀ ਫਿਲਮ ਦੀ ਸ਼ੂਟਿੰਗ ਜੇਲ੍ਹ ਦੇ ਅੰਦਰ ਹੋਵੇਗੀ?” ਇਕ ਹੋਰ ਪ੍ਰਸ਼ੰਸਕ ਨੇ ਲਿਖਿਆ, “ਨੈਲਸਨ ਨੇ ਇਕ ਹੋਰ ਵੱਡਾ ਟਾਸਕ ਲਿਆ ਹੈ। ਉਹ ਇਕ ਹੀ ਲੋਕੇਸ਼ਨ ‘ਤੇ ਸ਼ੂਟ ਕਰੇਗਾ। ਮਤਲਬ ਫਿਲਮ ਦੇ ਵੱਡੇ ਹਿੱਸੇ ਦੀ ਸ਼ੂਟਿੰਗ ਇਕ ਲੋਕੇਸ਼ਨ ‘ਤੇ ਹੋਵੇਗੀ। ਜੇਲਰ ‘ਚ ਤੁਸੀਂ ਇਕ ਜ਼ਬਰਦਸਤ ਖਲਨਾਇਕ ਲੜਦੇ ਹੋਏ ਦੇਖੋਗੇ।”
