ਮੌਤ ਤੋਂ ਪਹਿਲਾਂ ਸ਼ੀਜਾਨ ਦੇ ਪਿੱਛੇ-ਪਿੱਛੇ ਸੈੱਟ ਤੱਕ ਦੌੜੀ ਸੀ ਤੁਨੀਸ਼ਾ, ਪੁਲਿਸ ਰਿਮਾਂਡ ਦੀ ਕਾਪੀ ‘ਚ ਵੱਡੇ ਖੁਲਾਸੇ

ਤੁਨੀਸ਼ਾ ਸ਼ਰਮਾ ਖੁਦਕੁਸ਼ੀ ਮਾਮਲੇ ਦੇ ਦੋਸ਼ੀ ਸ਼ੀਜਾਨ ਖਾਨ ਨੂੰ ਭਲਕੇ 31 ਦਸੰਬਰ ਤੱਕ ਪੁਲਿਸ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ। ਸ਼ੀਜਾਨ ਨੂੰ ਵਸਈ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਪੁਲਿਸ ਨੇ ਦੋ ਦਿਨ ਦਾ ਰਿਮਾਂਡ ਮੰਗਿਆ ਸੀ ਪਰ ਅਦਾਲਤ ਨੇ ਪੁਲਿਸ ਰਿਮਾਂਡ ਸਿਰਫ਼ ਇੱਕ ਦਿਨ ਲਈ ਵਧਾ ਦਿੱਤਾ ਹੈ।

ਇਸ ਦੌਰਾਨ ਇਸ ਮਾਮਲੇ ਵਿੱਚ ਨਿੱਤ ਨਵੇਂ ਖੁਲਾਸੇ ਹੋ ਰਹੇ ਹਨ। ਪੁਲਿਸ ਨੇ ਸ਼ੀਜਾਨ ਦੀ ਹਿਰਾਸਤ ਵਧਾਉਣ ਲਈ ਅਦਾਲਤ ਵਿੱਚ ਕਈ ਦਲੀਲਾਂ ਦਿੱਤੀਆਂ ਹਨ। ਪੁਲਿਸ ਨੇ ਦੱਸਿਆ ਕਿ ਸ਼ੀਜਾਨ ਨਾਲ ਬ੍ਰੇਕਅੱਪ ਤੋਂ ਬਾਅਦ ਤੁਨੀਸ਼ਾ ਡਿਪਰੈਸ਼ਨ ਤੋਂ ਪੀੜਤ ਸੀ। ਉਨ੍ਹਾਂ ਦੇ ਬ੍ਰੇਕਅੱਪ ਨੂੰ 15 ਦਿਨ ਹੋ ਗਏ ਸਨ। ਉਹ ਸੈੱਟ ‘ਤੇ ਇਕੱਠੇ ਕੰਮ ਕਰ ਰਹੇ ਸਨ। ਅਜਿਹੇ ‘ਚ ਤੁਨੀਸ਼ਾ ਲਈ ਸ਼ੀਜਾਨ ਨਾਲ ਕੰਮ ਕਰਨਾ ਸੌਖਾ ਨਹੀਂ ਸੀ ਅਤੇ ਉਹ ਖੁਦ ਨੂੰ ਸੰਭਾਲ ਨਹੀਂ ਪਾ ਰਹੀ ਸੀ।

ਪੁਲਿਸ ਨੇ ਵਸਈ ਦੀ ਅਦਾਲਤ ਨੂੰ ਦੱਸਿਆ ਕਿ ਤੁਨੀਸ਼ਾ ਬਹੁਤ ਸੰਵੇਦਨਸ਼ੀਲ ਸੀ। ਉਹ ਬੇਚੈਨੀ ਅਤੇ ਓਸੀਡੀ ਤੋਂ ਪੀੜਤ ਸੀ। ਪੁਲਿਸ ਨੇ ਕਿਹਾ ਕਿ ਦੋਸ਼ੀ ਸ਼ੀਜਾਨ ਖਾਨ ਨੇ ਉਸ ਦੇ ਇਲਾਜ ਲਈ 3 ਡਾਕਟਰਾਂ ਦੀ ਸਲਾਹ ਵੀ ਦਿੱਤੀ ਸੀ। ਉਹ ਇਨ੍ਹਾਂ ਸਾਰੀਆਂ ਗੱਲਾਂ ਬਾਰੇ ਜਾਣਦਾ ਸੀ। ਉਹ ਉਸ ਨਾਲ ਰਿਲੇਸ਼ਨਸ਼ਿਪ ‘ਚ ਰਿਹਾ ਅਤੇ ਜਦੋਂ ਉਹ ਬ੍ਰੇਕਅੱਪ ਨਹੀਂ ਕਰਨਾ ਚਾਹੁੰਦੀ ਸੀ ਤਾਂ ਵੀ ਉਸ ਨੇ ਬ੍ਰੇਕਅੱਪ ਕਰ ਲਿਆ। ਪੁਲਿਸ ਦਾ ਕਹਿਣਾ ਹੈ ਕਿ ਬ੍ਰੇਕਅੱਪ ਤੋਂ ਬਾਅਦ ਵੀ ਉਹ ਹਰ ਰੋਜ਼ ਸੈੱਟ ‘ਤੇ ਉਸ ਨਾਲ ਕੰਮ ਕਰਦੀ ਸੀ। ਅਜਿਹੇ ‘ਚ ਉਸ ਲਈ ਇਹ ਸਭ ਭੁੱਲਣਾ ਬਹੁਤ ਮੁਸ਼ਕਿਲ ਸੀ। ਇਹ ਸਭ ਦੇਖ ਕੇ ਉਹ ਬਹੁਤ ਦੁਖੀ ਸੀ।

ਪੁਲਿਸ ਨੇ ਇਹ ਵੀ ਦੱਸਿਆ ਕਿ ਸ਼ੀਜ਼ਾਨ ਖਾਨ ਇਹ ਦਿਖਾਉਣ ਦੀ ਕੋਸ਼ਿਸ਼ ਕਰਦਾ ਸੀ ਕਿ ਉਹ ਉਸ ਦੀ ਬਹੁਤ ਪਰਵਾਹ ਕਰਦਾ ਹੈ। ਉਸ ਦੇ ਕਈ ਹੋਰ ਔਰਤਾਂ ਨਾਲ ਵੀ ਸਬੰਧ ਸਨ, ਜਿਸ ਕਾਰਨ ਤੁਨੀਸ਼ਾ ਨੂੰ ਖੁਦਕੁਸ਼ੀ ਕਰਨ ਲਈ ਮਜਬੂਰ ਹੋਣਾ ਪਿਆ। ਪੁਲਿਸ ਨੇ ਅਦਾਲਤ ਨੂੰ ਅੱਗੇ ਕਿਹਾ ਕਿ ‘ਇਹ ਅਪਰਾਧ ਗੰਭੀਰ ਕਿਸਮ ਦਾ ਹੈ ਅਤੇ ਸਮਾਜ ਵਿਚ ਰੋਸ ਹੈ, ਇਸ ਲਈ ਇਸ ਦੀ ਤੁਰੰਤ ਜਾਂਚ ਦੀ ਲੋੜ ਹੈ’।

ਇਹ ਵੀ ਪੜ੍ਹੋ : AIG ਕਪੂਰ ਕੇਸ, ਗਵਰਨਰ ਨੂੰ ਮਿਲੀ ਪੀੜਤਾ, ਅਫਸਰ ‘ਤੇ ਜਬਰ-ਜ਼ਨਾਹ ਦੇ ਲਾਏ ਦੋਸ਼

ਪੁਲਿਸ ਨੇ ਤੁਨੀਸ਼ਾ ਅਤੇ ਸ਼ੀਜਾਨ ਵਿਚਾਲੇ ਹੋਈ ਗੱਲਬਾਤ ਦੀ ਰਿਪੋਰਟ ਅਦਾਲਤ ‘ਚ ਪੇਸ਼ ਕੀਤੀ। ਤੁਨੀਸ਼ਾ ਨੇ ਆਪਣੀ ਮੌਤ ਤੋਂ ਕੁਝ ਸਮਾਂ ਪਹਿਲਾਂ ਸ਼ੀਜਾਨ ਨਾਲ ਗੱਲ ਕੀਤੀ ਸੀ। ਉਨ੍ਹਾਂ ਦੀ ਗੱਲਬਾਤ ਤੋਂ ਬਾਅਦ ਜਿਵੇਂ ਹੀ ਸ਼ੀਜ਼ਾਨ ਸ਼ੂਟ ਲਈ ਸੈੱਟ ਲਈ ਰਵਾਨਾ ਹੋਇਆ, ਉਹ ਗੇਟ ਤੱਕ ਉਸਦਾ ਪਿੱਛਾ ਕਰਦੀ ਰਹੀ, ਉਨ੍ਹਾਂ ਵਿੱਚ ਕੁਝ ਗੱਲਬਾਤ ਵੀ ਹੋਈ ਪਰ ਫਿਰ ਆਪਣੇ ਕਮਰੇ ਵਿੱਚ ਵਾਪਸ ਆ ਗਈ, ਜਿਥੇ ਉਸ ਨੇ ਆਪਣਾ ਮੋਬਾਈਲ ਫੋਨ ਰੱਖਿਆ ਅਤੇ ਸ਼ੀਜ਼ਾਨ ਦੇ ਮੇਕਅੱਪ ਰੂਮ ਵਿੱਚ ਚਲੀ ਗਈ। ਪੁਲਿਸ ਨੇ ਸੈੱਟ ਤੋਂ ਸੀਸੀਟੀਵੀ ਫੁਟੇਜ ਵੀ ਦੇਖੀ ਹੈ। ਪੁਲਿਸ ਨੇ ਕਿਹਾ ਕਿ ਸ਼ੀਜਾਨ ਤੋਂ ਪੁੱਛਣ ‘ਤੇ ਉਹ ਇਧਰ-ਉਧਰ ਦਾ ਜਵਾਬ ਦੇ ਰਿਹਾ ਹੈ।

ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਪੁਲਿਸ ਨੇ ਦੱਸਿਆ ਸੀ ਕਿ ਸ਼ੀਜਾਨ ਨੇ ਸੈੱਟ ‘ਤੇ ਤੁਨੀਸ਼ਾ ਨੂੰ ਥੱਪੜ ਮਾਰਿਆ ਸੀ। ਬ੍ਰੇਕਅੱਪ ਤੋਂ ਬਾਅਦ ਉਹ ਉਸ ਨੂੰ ਅਣਗੌਲਿਆਂ ਕਰ ਰਿਹਾ ਸੀ। ਪੁਲਿਸ ਨੇ ਇਹ ਵੀ ਦੱਸਿਆ ਕਿ ਉਹ ਤੁਨੀਸ਼ਾ ਨੂੰ ਉਰਦੂ ਸਿਖਾਉਂਦਾ ਸੀ ਅਤੇ ਉਸ ਨੂੰ ਹਿਜਾਬ ਪਹਿਨਣ ਲਈ ਕਹਿੰਦਾ ਸੀ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “