ਫਿਲਮ ਦੀ ਸ਼ੂਟਿੰਗ ਦੌਰਾਨ ਵਾਪਰਿਆ ਹਾਦਸਾ, ਸੰਜੇ ਦੱਤ ਹੋਏ ਜ਼ਖਮੀ, ਰੋਕਣੀ ਪਈ ਸ਼ੂਟਿੰਗ

ਬਾਲੀਵੁੱਡ ਅਭਿਨੇਤਾ ਸੰਜੇ ਦੱਤ ਜ਼ਖਮੀ ਹੋ ਗਏ ਹਨ। ਉਹ ਬੰਗਲੌਰ ਵਿਚ ਆਪਣੀ ਆਉਣ ਵਾਲੀ ਕੰਨੜ ਫਿਲਮ ‘ਕੇਡੀ : ਦ ਡੇਵੀ’ ਦੀ ਸ਼ੂਟਿੰਗ ਕਰ ਰਹੇ ਸਨ। ਉਦੋਂ ਇਕ ਸੀਨ ਦੌਰਾਨ ਉਹ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਹਾਦਸੇ ਵਿਚ ਉਹ ਜ਼ਖਮੀ ਹੋ ਗਏ ਹਨ ਤੇ ਉਨ੍ਹਾਂ ਦੇ ਸਰੀਰ ‘ਤੇ ਮਾਮੂਲੀ ਸੱਟਾਂ ਲੱਗੀਆਂ ਹਨ।

ਸੰਜੇ ਦੱਤ ਸੈੱਟ ‘ਤੇ ਹਾਦਸੇ ਦਾ ਸ਼ਿਕਾਰ ਹੋ ਗਏ ਹਨ। ਐਕਟਰ ਬੰਗਲੌਰ ਵਿਚ ਪੈਨ ਇੰਡੀਆ ਫਿਲਮ ਕੇਡੀ ਦੀ ਸ਼ੂਟਿੰਗ ਕਰ ਰਹੇ ਸਨ ਜਿਸ ਸਮੇਂ ਇਹ ਹਾਦਸਾ ਹੋਇਆ। ਯੂਨਿਟ ਦੇ ਕਰੀਬੀ ਸੂਤਰ ਨੇ ਦੱਸਿਆ ਕਿ ਸੰਜੇ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਮਾਮਲਾ ਗੰਭੀਰ ਨਹੀਂ ਹੈ। ਤੁਰੰਤ ਉਨ੍ਹਾਂ ਦੀ ਸੱਟ ਨੂੰ ਟ੍ਰੀਟ ਕਰ ਦਿੱਤਾ ਗਿਆ। ਫਸਟ ਏਡ ਦੇਣ ਦੇ ਬਾਅਦ ਸੰਜੇ ਦੱਤ ਨੇ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਸੀ।

ਸੰਜੇ ਨਾਲ ਹੋਏ ਹਾਦਸੇ ਦੀ ਖਬਰ ਨਾਲ ਫੈਨ ਵੀ ਕਾਫੀ ਨਿਰਾਸ਼ ਹੋ ਗਏ ਸਨ। ਹਰ ਕੋਈ ਉਨ੍ਹਾਂ ਦੇ ਠੀਕ ਹੋਣ ਦੀ ਦੁਆ ਮੰਗ ਰਿਹਾ ਹੈ। ਹਾਲਾਂਕਿ ਪਹਿਲਾਂ ਖਬਰ ਆਈ ਸੀ ਕਿ ਸੰਜੇ ਦੀ ਕੂਹਣੀ, ਹੱਥ ਤੇ ਚਿਹਰੇ ‘ਤੇ ਸੱਟਾਂ ਆਈਆਂ ਹਨ। ਘਟਨਾ ਦੇ ਬਾਅਦ ਫਿਲਮ ਦੀ ਸ਼ੂਟਿੰਗ ਰੋਕ ਦਿੱਤੀ ਗਈ ਸੀ।

ਇਹ ਵੀ ਪੜ੍ਹੋ : ਫਾਜ਼ਿਲਕਾ ਪੁਲਿਸ ਨੂੰ ਮਿਲੀ ਵੱਡੀ ਸਫਲਤਾ, 36.9 ਕਿਲੋ ਹੈਰੋਇਨ ਸਣੇ 4 ਨਸ਼ਾ ਤਸਕਰ ਕਾਬੂ

ਕੇਡੀ ਇਕ ਪੀਰੀਅਡ ਐਕਸ਼ਨ ਫਿਲਮ ਹੈ ਜੋ ਕਿ ਸੱਚੀਆਂ ਘਟਨਾਵਾਂ ‘ਤੇ ਆਧਾਰਿਤ ਹੈ। ਫਿਲਮ ਬੰਗਲੌਰ ਵਿਚ 1970 ਦੌਰਾਨ ਹੋਏ ਹਾਦਸਿਆਂ ‘ਤੇ ਆਧਾਰਿਤ ਹੈ। ਕੇਜੀਐੱਫ ਚੈਪਟਰ-1 ਤੇ KGF ਚੈਪਟਰ-2 ਦੇ ਬਾਅਦ ਸੰਜੇ ਦੱਤ ਇਕ ਵਾਰ ਫਿਰ ਤੋਂ ਕੇਡੀ ਵਿਚ ਵਿਲੇਨ ਦੀ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ।

ਵੀਡੀਓ ਲਈ ਕਲਿੱਕ ਕਰੋ :

“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “