ਏਸ਼ੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਮੁਕੇਸ਼ ਅੰਬਾਨੀ ਦੇ ਛੋਟੇ ਬੇਟੇ ਅਨੰਤ ਅੰਬਾਨੀ ਇਸ ਸਾਲ ਰਾਧਿਕਾ ਮਰਚੈਂਟ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੇ ਹਨ। ਹੁਣ ਤੱਕ ਕਿਆਸ ਲਗਾਏ ਜਾ ਰਹੇ ਸਨ ਕਿ ਇਸ ਪਾਵਰ ਕਪਲ ਦਾ ਵਿਆਹ ਲੰਡਨ ਵਿੱਚ ਮੁਕੇਸ਼ ਅੰਬਾਨੀ ਦੀ ਪ੍ਰਾਪਰਟੀ ਸਟੋਕ ਪਾਰਕ ਅਸਟੇਟ ਵਿੱਚ ਹੋਵੇਗਾ, ਪਰ ਨਵੇਂ ਵੇਰਵਿਆਂ ਮੁਤਾਬਕ ਦੋਵੇਂ ਮੁੰਬਈ ਵਿੱਚ ਹੀ ਵਿਆਹ ਦੇ 7 ਗੇੜ ਲਗਾਉਣਗੇ। ਉਨ੍ਹਾਂ ਦੇ ਵਿਆਹ ਨਾਲ ਜੁੜੀਆਂ ਕਈ ਹੋਰ ਨਵੀਆਂ ਜਾਣਕਾਰੀਆਂ ਵੀ ਸਾਹਮਣੇ ਆਈਆਂ ਹਨ।
ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦਾ ਵਿਆਹ ਇਸ ਸਾਲ ਜੁਲਾਈ ‘ਚ ਹੋਣਾ ਹੈ। ਦੋਵਾਂ ਦਾ ਪਹਿਲਾ ਪ੍ਰੀ-ਵੈਡਿੰਗ ਸੈਲੀਬ੍ਰੇਸ਼ਨ ਇਸ ਸਾਲ ਮਾਰਚ ‘ਚ ਗੁਜਰਾਤ ਦੇ ਜਾਮਨਗਰ ‘ਚ ਹੋਇਆ ਸੀ। ਹੁਣ ਦੋਵਾਂ ਦੇ ਦੂਜੇ ਪ੍ਰੀ-ਵੈਡਿੰਗ ਫੰਕਸ਼ਨ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ, ਜੋ ਯੂਰਪ ਦੇ ਇਕ ਕਰੂਜ਼ ਸ਼ਿਪ ‘ਤੇ ਆਯੋਜਿਤ ਕੀਤਾ ਜਾ ਸਕਦਾ ਹੈ।
ਰਿਪੋਰਟ ਮੁਤਾਬਕ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੇ ਵਿਆਹ ਦਾ ਫੰਕਸ਼ਨ 10 ਤੋਂ 12 ਜੁਲਾਈ ਦਰਮਿਆਨ ਮੁੰਬਈ ‘ਚ ਹੋਵੇਗਾ। ਹਿੰਦੂ ਰੀਤੀ-ਰਿਵਾਜਾਂ ਮੁਤਾਬਕ ਹੋਣ ਵਾਲੇ ਇਸ ਵਿਆਹ ਦਾ ਸ਼ੁਭ ਸਮਾਂ ਅਨੰਤ ਅਤੇ ਰਾਧਿਕਾ ਦੀ ਕੁੰਡਲੀ ਦੇ ਮੇਲ ਦੇ ਆਧਾਰ ‘ਤੇ ਤੈਅ ਕੀਤਾ ਜਾਵੇਗਾ।
ਇਨ੍ਹਾਂ ਤਿੰਨ ਦਿਨਾਂ ਦੇ ਅੰਦਰ ਉਨ੍ਹਾਂ ਦੀ ਹਲਦੀ ਦੀ ਰਸਮ, ਮਹਿੰਦੀ ਦੀ ਰਸਮ ਅਤੇ ਸੰਗੀਤ ਸਮਾਰੋਹ ਦਾ ਆਯੋਜਨ ਕੀਤਾ ਜਾਵੇਗਾ। ਇਸ ਤੋਂ ਬਾਅਦ ਵਿਆਹ ਅਤੇ ਰਿਸੈਪਸ਼ਨ ਵੀ ਮੁੰਬਈ ‘ਚ ਹੀ ਹੋਵੇਗਾ। ਵਿਆਹ ਦੇ ਇਹ ਸਮਾਗਮ ‘ਜੀਓ ਵਰਲਡ ਕਨਵੈਨਸ਼ਨ ਸੈਂਟਰ’ ਅਤੇ ਅੰਬਾਨੀ ਪਰਿਵਾਰ ਦੇ ਘਰ ‘ਐਂਟੀਲੀਆ’ ‘ਚ ਹੋਣਗੇ। ਉਮੀਦ ਹੈ ਕਿ ਪਰਿਵਾਰਕ ਰਸਮਾਂ ਘਰ ਵਿੱਚ ਹੀ ਹੋਣਗੀਆਂ ਅਤੇ ਰਿਸੈਪਸ਼ਨ ਕਨਵੈਨਸ਼ਨ ਸੈਂਟਰ ਵਿੱਚ ਹੋਵੇਗਾ।
ਮਾਰਚ ‘ਚ ਮੁਕੇਸ਼ ਅੰਬਾਨੀ ਨੇ ਗੁਜਰਾਤ ਦੇ ਜਾਮਨਗਰ ‘ਚ ਅਨੰਤ-ਰਾਧਿਕਾ ਦੇ ਵਿਆਹ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦਾ ਆਯੋਜਨ ਕੀਤਾ ਸੀ। ਮਾਰਕ ਜ਼ੁਕਰਬਰਗ ਤੋਂ ਲੈ ਕੇ ਬਿਲ ਗੇਟਸ ਤੱਕ ਨੇ ਇਸ ਵਿੱਚ ਹਿੱਸਾ ਲਿਆ। ਕੈਨੇਡਾ, ਸਵੀਡਨ ਅਤੇ ਕਤਰ ਦੇ ਕਈ ਰਾਜਨੇਤਾ, ਭੂਟਾਨ ਦੇ ਰਾਜਾ ਅਤੇ ਮਹਾਰਾਣੀ ਅਤੇ ਇਵਾਂਕਾ ਟਰੰਪ ਨੇ ਵੀ ਸ਼ਿਰਕਤ ਕੀਤੀ। ਜਦਕਿ ਰਿਹਾਨਾ ਤੋਂ ਲੈ ਕੇ ਦਿਲਜੀਤ ਦੋਸਾਂਝ, ਸ਼ਾਹਰੁਖ ਖਾਨ, ਆਮਿਰ ਖਾਨ ਅਤੇ ਸਲਮਾਨ ਖਾਨ ਤੱਕ ਪਰਫਾਰਮੈਂਸ ਦਿੱਤੇ ਗਏ। ਉਥੇ ਹੀ ਰਿਲਾਇੰਸ ਗਰੁੱਪ ਨੇ ਵੀ ਇਸੇ ਮੌਕੇ ‘ਵੰਤਰਾ’ ਲਾਂਚ ਕੀਤਾ ਸੀ।
ਹੁਣ ਇਨ੍ਹਾਂ ਦੋਵਾਂ ਦੇ ਵਿਆਹ ਤੋਂ ਪਹਿਲਾਂ ਦੀ ਦੂਜੀ ਰਸਮ ਕਰੂਜ਼ ਸ਼ਿਪ ‘ਤੇ ਮਨਾਉਣ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਇਹ ਕੁਝ ਅਜਿਹਾ ਹੀ ਹੋਵੇਗਾ ਜੋ ਫਿਲਮ ‘ਦਿਲ ਧੜਕਨੇ ਦੋ’ ‘ਚ ਅਨਿਲ ਕਪੂਰ ਦੀ ਐਨੀਵਰਸਰੀ ‘ਤੇ ਦੇਖਣ ਨੂੰ ਮਿਲਿਆ ਸੀ।
ਰਿਪੋਰਟ ਮੁਤਾਬਕ ਇਹ ਕਰੂ ਸ਼ਿਪ 28 ਮਈ ਦੀ ਸ਼ਾਮ ਜਾਂ 29 ਮਈ ਦੀ ਸਵੇਰ ਨੂੰ ਇਟਲੀ ਤੋਂ ਰਵਾਨਾ ਹੋਵੇਗਾ। 3 ਦਿਨਾਂ ‘ਚ ਸਮੁੰਦਰ ‘ਚ ਕਰੀਬ 4400 ਕਿਲੋਮੀਟਰ ਦਾ ਸਫਰ ਤੈਅ ਕਰਨ ਤੋਂ ਬਾਅਦ ਇਹ ਦੱਖਣੀ ਫਰਾਂਸ ਦੇ ਰਸਤੇ ਸਵਿਟਜ਼ਰਲੈਂਡ ਪਹੁੰਚੇਗਾ। ਇਸ ਵਾਰ ਕਰੂਜ਼ ਸ਼ਿਪ ‘ਤੇ 300 ਵੀ.ਆਈ.ਪੀਜ਼ ਅਤੇ ਸਟਾਫ ਸਮੇਤ ਕੁੱਲ 800 ਲੋਕ ਸਫਰ ਕਰਨਗੇ।
ਇਹ ਵੀ ਪੜ੍ਹੋ : ਚੋਣ ਕਮਿਸ਼ਨ ਦੀ ਪਹਿਲ, ਪੰਜਾਬ ਵਾਲੇ ਘਰ ਬੈਠੇ ਜਾਣ ਸਕਣਗੇ ਪੋਲਿੰਗ ਬੂਥ ‘ਤੇ ਕਿੰਨੀ ਐ ਭੀੜ, ਜਾਣੋ ਕਿਵੇਂ
ਇਸ ਵਾਰ ਇੱਕ ਵਾਰ ਫਿਰ ਸ਼ਾਹਰੁਖ, ਸਲਮਾਨ, ਆਮਿਰ, ਆਲੀਆ ਅਤੇ ਰਣਬੀਰ ਕਪੂਰ ਵਰਗੀਆਂ ਮਸ਼ਹੂਰ ਹਸਤੀਆਂ ਦੇ ਪ੍ਰੀ-ਵੈਡਿੰਗ ਵਿੱਚ ਸ਼ਾਮਲ ਹੋਣ ਦੀ ਉਮੀਦ ਹੈ। ਇਸ ਪ੍ਰੋਗਰਾਮ ‘ਚ ਦੁਨੀਆ ਦੀਆਂ ਕਈ ਮਸ਼ਹੂਰ ਹਸਤੀਆਂ ਵੀ ਸ਼ਿਰਕਤ ਕਰਨਗੀਆਂ।
ਉੰਝ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਦੇ ਵਿਆਹ ਵਿੱਚ ਮਹਿਮਾਨਾਂ ਨੂੰ ਰਿਟਰਨ ਗਿਫਟਵਜੋਂ ਦੇਣ ਲਈ 400 ਚਾਂਦੀ ਦੇ ਤੋਹਫ਼ੇ ਬਣਾਉਣ ਦਾ ਆਰਡਰ ਦਿੱਤਾ ਗਿਆ ਹੈ। ‘ਦਿ ਹਿੰਦੂ’ ਦੀ ਖਬਰ ਮੁਤਾਬਕ ਰਿਲਾਇੰਸ ਗਰੁੱਪ ਦੇ ‘ਸਵਦੇਸ਼’ ਸਟੋਰ ਰਾਹੀਂ ਤੇਲੰਗਾਨਾ ਦੀਆਂ ਮਸ਼ਹੂਰ ਸਿਲਵਰ ਫਿਲੀਗਰੀ ਕਲਾਕ੍ਰਿਤੀਆਂ ਨੂੰ ਰਿਟਰਨ ਗਿਫਟਸ ਲਈ ਤਿਆਰ ਕੀਤਾ ਜਾ ਰਿਹਾ ਹੈ। ਇਸ ਵਿੱਚ ਚਾਂਦੀ ‘ਤੇ ਨੱਕਾਸ਼ੀ ਕਰਕੇ ਬਣਾਈਆਂ ਗਈਆਂ ਕਲਾਕ੍ਰਿਤੀਆਂ ਅਤੇ ਜੂਲਰੀ ਬਾਕਸ ਆਦਿ ਸ਼ਾਮਲ ਹਨ। ਤੇਲੰਗਾਨਾ ਦੀ ਇਸ ਕਲਾ ਨੂੰ ਜੀਆਈ ਟੈਗ ਮਿਲਿਆ ਹੈ। ਭਾਰਤ ਨੇ ਜੀ-20 ‘ਚ ਵੀ ਇਸ ਦਾ ਪ੍ਰਦਰਸ਼ਨ ਕੀਤਾ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
