ਅੰਮ੍ਰਿਤਸਰ ‘ਚ ਮਹਿਲਾ SHO ਨਾਲ ਹੋਈ ਧੱਕਾ-ਮੁੱਕੀ, ਨਿਹੰਗਾਂ ਦਾ ਆਪਸੀ ਝਗੜਾ ਗਈ ਸੀ ਸੁਲਝਾਉਣ

ਅੰਮ੍ਰਿਤਸਰ ਵਿੱਚ ਦੋ ਨਿਹੰਗ ਧੜਿਆਂ ਵਿੱਚ ਝੜਪ ਹੋ ਗਈ। ਇਸ ਦੌਰਾਨ ਝਗੜਾ ਸੁਲਝਾਉਣ ਗਈ ਮਹਿਲਾ SHO ਨਾਲ ਵੀ ਧੱਕਾ-ਮੁੱਕੀ ਕੀਤੀ ਗਈ। ਨਿਹੰਗਾਂ ਦੀ ਦੂਜੇ ਗਰੁੱਪ ਦੇ ਨਿਹੰਗ ਨਾਲ ਤਕਰਾਰ ਹੋਈ ਸੀ, ਆਪਸੀ ਤਕਰਾਰ ਮਗਰੋਂ ਮਾਹੌਲ ਤਣਾਅਪੂਰਨ ਹੋ ਗਿਆ।

ਪੁਲਿਸ ਦੀ ਕਾਰਵਾਈ ਤੋਂ ਨਾਰਾਜ਼, ਧਰਨਾ ਦੇ ਰਹੇ ਨਿਹੰਗਾਂ ਨੇ ਮੇਜਰ ਸਿੰਘ ਪੇਟੇਵਾੜ ਗਰੁੱਪ ਨਾਲ ਜੁੜੇ ਇੱਕ ਨਿਹੰਗ ਨੂੰ ਰੇਕੀ ਦੇ ਸ਼ੱਕ ਵਿੱਚ ਰੋਕ ਲਿਆ। ਬਹਿਸ ਤੋਂ ਬਾਅਦ ਉਸਨੂੰ ਡੰਡਿਆਂ ਨਾਲ ਕੁੱਟਿਆ ਗਿਆ ਅਤੇ ਥੱਪੜ ਮਾਰੇ ਗਏ।

ਹੰਗਾਮੇ ਦੀ ਸੂਚਨਾ ਮਿਲਣ ‘ਤੇ ਗੇਟ ਹਕੀਮਾ ਦੇ ਸਟੇਸ਼ਨ ਹਾਊਸ ਅਫਸਰ (ਐਸਐਚਓ) ਮਨਜੀਤ ਕੌਰ ਪੁਲਿਸ ਟੀਮ ਨਾਲ ਮੌਕੇ ‘ਤੇ ਪਹੁੰਚੀ। ਜ਼ਖਮੀ ਨਿਹੰਗ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਦੇ ਹੋਏ ਪ੍ਰਦਰਸ਼ਨਕਾਰੀਆਂ ਨੇ SHO ਨਾਲ ਵੀ ਧੱਕਾਮੁੱਕੀ ਕੀਤੀ। ਇਸ ਦੀ ਵੀਡੀਓ ਵੀ ਸਾਹਮਣੇ ਆਈ ਹੈ।

ਵੀਡੀਓ ਦੀ ਸ਼ੁਰੂਆਤ ਵਿਚ ਧਰਨੇ ‘ਤੇ ਮੌਜੂਦ ਨਿਹੰਗ ਸਿੰਘ ਪੰਜਾਬ ਪੁਲਿਸ ਖਿਲਾਫ ਨਾਰੇਬਾਜ਼ੀ ਕਰਦੇ ਦਿਸਦੇ ਹਨ, ਇਸ ਮਗਰੋਂ ਇੱਕ ਨਿਹੰਗ ਸਿੰਘ ਬਾਈਕ ਰਾਹੀਂ ਮੌਕੇ ‘ਤੇ ਪਹੁੰਚਦਾ ਹੈ। ਮੌਕੇ ‘ਤੇ ਮੌਜੂਦ ਦੂਜੇ ਨਿਹੰਗ ਸਿੰਗ ਉਸ ਨੂੰ ਘੇਰ ਲੈਂਦੇ ਹਨ ਤੇ ਉਸ ਦਾ ਫੋਨ ਚੈੱਕ ਕਰਦੇ ਹੋਏ ਉਸ ਨੂੰ ਥੱਪੜ ਮਾਰਦਾ ਨਜ਼ਰ ਆਉਂਦਾ ਹੈ। ਇਸ ਮਗਰੋਂ ਨਿਹੰਗ ਉਸ ਨੂੰ ਡੇਡੇ ਲੱਤਾਂ ਤੇ ਥੱਪੜ ਮਾਰਦੇ ਨਜ਼ਰ ਆਉਂਦੇ ਹਨ। ਇਸ ਦੌਰਾਨ SHO ਪੁਲਿਸ ਪਾਰਟੀ ਨਾਲ ਮੌਕੇ ‘ਤੇ ਪਹੁੰਚਦੀ ਹੈ ਅਤੇ ਜ਼ਖਮੀ ਨਿਹੰਗ ਸਿੰਘ ਨੂੰ ਉਥੋਂ ਲਿਜਾਣ ਦੀ ਕੋਸ਼ਿਸ਼ ਕਰਦੀ ਹੈ। ਇਸ ਦੌਰਾਨ SHO ਦੇ ਨਾਲ ਵੀ ਖਿੱਚੋਤਾਮ ਹੁੰਦੀ ਦਿਖਾਈ ਦਿੰਦੀ ਹੈ।

ਇਸ ਦੌਰਾਨ ਕੁਝ ਲੋਕ ਨਿਹੰਗ ਨੂੰ ਕੁੱਟਦੇ ਅਤੇ ਉਸ ਦੀ ਪੱਗ ਵੀ ਉਤਾਰਦੇ ਦੇਖੇ ਗਏ। ਦੋਸ਼ ਹੈ ਕਿ ਦਖਲ ਦੇਣ ਆਈ ਮਹਿਲਾ ਐਸਐਚਓ ਨਾਲ ਵੀ ਬਦਸਲੂਕੀ ਕੀਤੀ ਗਈ। ਬਾਅਦ ਵਿੱਚ ਪੁਲਿਸ ਜ਼ਖਮੀ ਨਿਹੰਗ ਨੂੰ ਆਪਣੀ ਗੱਡੀ ਵਿੱਚ ਥਾਣੇ ਲੈ ਗਈ।

ਇਹ ਵੀ ਪੜ੍ਹੋ : ਅੱਜ ਪੰਜਾਬ ‘ਚ ਚੋਣ ਬਿਗੁਲ ਵਜਾਵੇਗੀ AAP, ‘ਮਾਨ ਦੇ ਮੁਨਾਫ਼ੇ’ ਦੇ ਨਾਂ ‘ਤੇ ਕੈਂਪੇਨ ਹੋਵੇਗੀ ਲਾਂਚ

SHO ਮਨਜੀਤ ਕੌਰ ਨੇ ਦੱਸਿਆ ਕਿ ਸੜਕ ‘ਤੇ ਵਾਹਨਾਂ ਦੇ ਲੰਘਣ ਦੇ ਦਾਅਵਿਆਂ ਨੂੰ ਲੈ ਕੇ ਸ਼ੁੱਕਰਵਾਰ ਨੂੰ ਝਗੜਾ ਸ਼ੁਰੂ ਹੋਇਆ। ਧਰਨਾ ਦੇ ਰਹੇ ਨਿਹੰਗਾਂ ਨੇ ਦਾਅਵਾ ਕੀਤਾ ਕਿ ਇਹ ਵਾਹਨ ਮੇਜਰ ਸਿੰਘ ਦੇ ਹਨ। ਹਾਲਾਂਕਿ, ਡਿਊਟੀ ‘ਤੇ ਮੌਜੂਦ ਪੁਲਿਸ ਮੁਤਾਬਕ ਉਸ ਰਾਤ ਕੋਈ ਵਾਹਨ ਉੱਥੋਂ ਨਹੀਂ ਲੰਘਿਆ ਸੀ। ਪੂਰੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਦੋਸ਼ੀਆਂ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।

ਵੀਡੀਓ ਲਈ ਕਲਿੱਕ ਕਰੋ -: 

Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ