ਦੁਨੀਆ ਭਰ ਵਿਚ ਕੈਂਸਰ ਦੇ ਮਾਮਲੇ ਤੇਜ਼ੀ ਨਾਲ ਵਧ ਰਹੇ ਹਨ। ਇਹ ਬੀਮਾਰੀ ਵਿਸ਼ਵ ਪੱਧਰ ‘ਤੇ ਮੌਤ ਦੇ ਮੁੱਖ ਕਾਰਨਾਂ ਵਿਚੋਂ ਇਕ ਹੈ। ਗਲੋਬਲ ਬਰਡਨ ਆਫ ਡਿਡੀਜ਼ ਦੇ ਅਨੁਮਾਨਾਂ ਮੁਤਾਬਕ ਦੁਨੀਆ ਵਿਚ ਹਰ 6 ਵਿਚੋਂ ਇਕ ਮੌਤ ਕੈਂਸਰ ਕਾਰਨ ਹੁੰਦੀ ਹੈ। ਅਜਿਹੇ ਵਿਚ ਸਿਹਤਮੰਦ ਖਾਣ-ਪੀਣ ਤੇ ਬੇਹਤਰ ਜੀਵਨਸ਼ੈਲੀ ਅਪਨਾਉਣਾ ਜ਼ਰੂਰੀ ਹੈ।
ਸਿਹਤ ਮਾਹਿਰਾਂ ਮੁਤਾਬਕ ਖਰਾਬ ਖਾਣਪੀਣ ਤੇ ਜੀਵਨਸ਼ੈਲੀ ਦੀ ਗੜਬੜੀ ਵੀ ਕੈਂਸਰ ਦੇ ਜੋਖਿਮਾਂ ਨੂੰ ਵਧਾਉਣ ਵਾਲੀ ਹੋ ਸਕਦੀ ਹੈ। ਕੁਝ ਮਸਾਲਿਆਂ ਤੇ ਕੁਦਰਤੀ ਖਾਧ ਪਦਾਰਥਾਂ ਵਿਚ ਐਂਟੀ ਆਕਸੀਡੈਂਟ ਤੇ ਐਂਟੀ ਇੰਫਲੇਮੇਟਰੀ ਗੁਣ ਪਾਏ ਜਾਂਦੇ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਖਾਣ-ਪੀਣ ਦੀਆਂ ਚੀਜ਼ਾਂ ਸਿੱਧੇ ਕੈਂਸਰ ਨੂੰ ਤਾਂ ਖਤਮ ਨਹੀਂ ਕਰਦੀਆਂ ਹਨ ਪਰ ਇਨ੍ਹਾਂ ਦੇ ਸੇਵਨ ਨਾਲ ਕੈਂਸਰ ਦੇ ਕਾਰਨਾਂ ਨੂੰ ਘੱਟ ਕਰਨ ਵਿਚ ਜ਼ਰੂਰ ਲਾਭ ਮਿਲ ਸਕਦਾ ਹੈ।
ਹਲਦੀ ਦਾ ਸੇਵਨ ਹੋ ਸਕਦਾ ਹੈ ਫਾਇਦੇਮੰਦ
ਭਾਰਤੀ ਰਸੋਈ ਵਿਚ ਇਸਤੇਮਾਲ ਹੋਣ ਵਾਲੀ ਹਲਦੀ ਨੂੰ ਆਯੁਰਵੇਦ ਵਿਚ ਲੰਬੇ ਸਮੇਂ ਤੋਂ ਖਾਸ ਮਹੱਤਵ ਦਿੱਤਾ ਗਿਆ ਹੈ। ਇਸ ਵਿਚ ਐਂਟੀ ਇੰਫਲੇਮੇਟਰੀ ਤੇ ਐਂਟੀ ਆਕਸੀਡੈਂਟ ਗੁਣ ਪਾਏ ਜਾਂਦੇ ਹਨ। ਹਲਦੀ ਵਿਚ ਮੌਜੂਦ ਕਰਕਿਊਮਿਨ ਨਾਂ ਦੇ ਐਕਟਿਵ ਕੰਪਾਊਂਟ ਨੂੰ ਇਸ ਦੇ ਕਈ ਸਿਹਤਮੰਦ ਫਾਇਦਿਆਂ ਲਈ ਜਾਣਿਆ ਜਾਂਦਾ ਹੈ।ਸੋਧਕਰਤਾਵਾਂ ਮੁਤਾਬਕ ਕਰਕਿਊਮਿਨ ਵਿਚ ਸੋਜਿਸ਼ ਘੱਟ ਕਰਨ ਤੇ ਕੈਂਸਰ ਕੋਸ਼ਿਕਾਵਾਂ ਦੇ ਵਿਕਾਸ ਨਾਲ ਜੁੜੀਆਂ ਪ੍ਰਕਿਰਿਆਵਾਂ ਨੂੰ ਪ੍ਰਭਾਵਿਤ ਕਰਨ ਦੀ ਸਮਰੱਥਾ ਹੋ ਸਕਦੀ ਹੈ। ਇਸੇ ਕਾਰਨ ਕੈਂਸਰ ਦੇ ਸੰਭਾਵਿਤ ਜੋਖਮ ਨੂੰ ਘੱਟ ਕਰਨ ਵਿਚ ਇਸ ਦੀ ਭੂਮਿਕਾ ਨੂੰ ਲੈ ਕੇ ਲਗਾਤਾਰ ਅਧਿਐਨ ਕੀਤੇ ਜਾ ਰਹੇ ਹਨ।
ਕਾਲੀ ਮਿਰਚ ਵਿਚ ਵੀ ਪਾਏ ਜਾਂਦੇ ਹਨ ਕੈਂਸਰ ਰੋਕੂ ਗੁਣ
ਕਾਲੀ ਮਿਰਚ ਦਾ ਇਸਤੇਮਾਲ ਖਾਣ ਦਾ ਸੁਆਦ ਵਧਾਉਣ ਦੇ ਨਾਲ-ਨਾਲ ਰਵਾਇਤੀ ਔਸ਼ਧੀ ਵਜੋਂ ਵੀ ਕੀਤਾ ਜਾਂਦਾ ਰਿਹਾ ਹੈ। ਇਸ ਵਿਚ ਪਿਪੇਰਿਨ ਨਾਂ ਦਾ ਮਿਸ਼ਰਣ ਪਾਇਆ ਜਾਂਦਾ ਹੈ ਜਿਸ ਵਿਚ ਐਂਟੀ ਆਕਸੀਡੈਂਟ ਗੁਣ ਹੁੰਦੇ ਹਨ। ਇਕ ਅਧਿਐਨ ਵਿਚ ਪਾਇਆ ਗਿਾ ਕਿ ਕਾਲੀ ਮਿਰਚ ਛਾਤੀ ਦੇ ਕੈਂਸਰ ਦੇ ਟਿਊਮਰ ਵਿਚ ਮੌਜੂਦ ਕੈਂਸਰ ਸਟੇਮ ਕੋਸ਼ਿਕਾਵਾਂ ਦੇ ਵਿਕਾਸ ਨੂੰ ਰੋਕਣ ਵਿਚ ਪ੍ਰਭਾਵੀ ਹੋ ਸਕਦੇ ਹਨ। ਇਸ ਵਿਚ ਮੌਜੂਦ ਪਿਪੇਰਿਨ ਤੇ ਹੋਰ ਸਰਗਰਮ ਤੱਤਾਂ ਦੇ ਸੰਭਾਵਿਤ ਐਂਟੀ ਕੈਂਸਰ ਪ੍ਰਭਾਵਾਂ ‘ਤੇ ਵੀ ਸੋਧ ਕੀਤਾ ਗਿਆ ਹੈ।
ਅਦਰਕ ਵੀ ਹੋ ਸਕਦਾ ਹੈ ਫਾਇਦੇਮੰਦ
ਅਦਰਕ ਵਿਚ ਐਂਟੀ ਇੰਫਲੇਮੇਟਰੀ ਤੇ ਐਂਟੀ ਆਕਸੀਡੈਂਟ ਗੁਣ ਵਾਲੇ ਸਰਗਰਮ ਮਿਸ਼ਰਣ ਪਾਏ ਜਾਂਦੇ ਹਨ। ਕੁਝ ਸੋਧਾਂ ਵਿਚ ਕੈਂਸਰ ਕੋਸ਼ਿਕਾਵਾਂ ਦੇ ਵਿਕਾਸ ‘ਤੇ ਇਨ੍ਹਾਂ ਦੇ ਪ੍ਰਭਾਵ ਦਾ ਅਧਿਐਨ ਕੀਤਾ ਗਿਆ ਹੈ। ਅਦਕਰ ਕੀਮੋਥੈਰੇਪੀ ਵਿਚ ਹੋਣ ਵਾਲੀ ਉਲਟੀ ਨੂੰ ਘੱਟ ਕਰਨ ਵਿਚ ਮਦਦਗਾਰ ਹੋ ਸਕਦਾ ਹੈ। ਸਰਜਰੀ ਦੇ ਆਸ-ਪਾਸ ਇਸ ਦੇ ਸੇਵਨ ਨੂੰ ਲੈ ਕੇ ਡਾਕਟਰ ਦੀ ਸਲਾਹ ਜ਼ਰੂਰੀ ਹੈ।
