basti jodhewal police station closed: ਲੁਧਿਆਣਾ (ਤਰਸੇਮ ਭਾਰਦਵਾਜ)- ਜ਼ਿਲ੍ਹੇ ‘ਚ ਬਸਤੀ ਜੋਧੇਵਾਲਾ ਥਾਣੇ ਨੂੰ 6 ਸਤੰਬਰ ਤੱਕ ਬੰਦ ਕਰ ਦਿੱਤਾ ਗਿਆ ਹੈ। ਦੱਸ ਦੇਈਏ ਕਿ ਥਾਣੇ ਦੇ 63 ‘ਚੋਂ 15 ਪੁਲਿਸ ਕਰਮਚਾਰੀ ਬੀਮਾਰ ਪਏ ਹੋਏ ਹਨ। ਖੁਦ ਏ.ਸੀ.ਪੀ ਨਾਰਥ ਗੁਰਵਿੰਦਰ ਸਿੰਘ ਦੀ ਵੀ ਤਬੀਅਤ ਖਰਾਬ ਹੋਣ ਕਾਰਨ ਛੁੱਟੀ ‘ਤੇ ਹੈ।
ਪੁਲਿਸ ਕਮਿਸ਼ਨਰ ਰਾਕੇਸ਼ ਅਗਰਵਾਲ ਦੇ ਆਦੇਸ਼ਾਂ ਤੋਂ ਬਾਅਦ ਥਾਣੇ ਨੂੰ ਕੁਝ ਦਿਨਾਂ ਲਈ ਬੰਦ ਕਰ ਦਿੱਤਾ ਗਿਆ ਹੈ। ਇਸ ਦੇ ਚੱਲਦਿਆਂ 6 ਸਤੰਬਰ ਭਾਵ ਐਤਵਾਰ ਤੱਕ ਥਾਣੇ ‘ਚ ਪਬਲਿੰਗ ਡੀਲਿੰਗ ਨਹੀਂ ਹੋਵੇਗੀ। ਇਸ ਥਾਣੇ ਨਾਲ ਸਬੰਧਿਤ ਕੋਈ ਵੀ ਸ਼ਿਕਾਇਤ ਦਰੇਸੀ ਥਾਣੇ ‘ਚ ਅਟੈਂਡ ਕੀਤੀਆਂ ਜਾਣਗੀਆਂ ਅਤੇ ਈ-ਮੇਲ ਰਾਹੀਂ ਵੀ ਲੋਕ ਆਪਣੀਆਂ ਸ਼ਿਕਾਇਤਾਂ ਭੇਜ ਸਕਦੇ ਹਨ।
