Punjab Agro Gives : ਨਵੇਂ ਸਾਲ ਮੌਕੇ ਪੰਜਾਬ ਐਗਰੋ ਨੇ ਲੋਕਾਂ ਨੂੰ ਤੋਹਫਾ ਦਿੱਤਾ ਹੈ। ਹੁਣ ਤੁਸੀਂ ਘਰ ਬੈਠੇ ਹੀ ਆਰਗੈਨਿਕ ਸਬਜੀਆਂ ਮੰਗਵਾ ਸਕਦੇ ਹੋ। ਪੰਜਾਬ ਐਗਰੋ ਨੇ ਲੋਕਾਂ ਨੂੰ ਘਰ ਘਰ ਸਬਜੀਆਂ ਪਹੁੰਚਾਉਣ ਦਾ ਬੀੜਾ ਚੁਕਿਆ ਹੈ। ਪੰਜਾਬ ਐਗਰੋ ਫ਼ਿਲਹਾਲ ਟਰਾਈ ਸਿਟੀ ਵਿੱਚ ਹੋਮ ਡਲਿਵਰੀ ਦਾ ਕੰਮ ਸ਼ੁਰੂ ਕਰ ਰਿਹਾ ਹੈ। ਤੁਸੀਂ ਪੰਜਾਬ ਐਗਰੋ ਦੀ ਵੈਬਸਾਈਟ ‘ਤੇ ਜਾ ਕੇ ਮਨਪਸੰਦ ਦੀ ਸਬਜ਼ੀ ਦਾ ਆਰਡਰ ਕਰ ਸਕਦੇ ਹੋ। shop.fiveriverspb.com ‘ਤੇ ਆਰਡਰ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਆਰਗੈਨਿਕ ਐੱਫ ਐਂਡ ਬੀ ਜਾਂ ਐੱਫ ਐਂਡ ਵੀ ‘ਤੇ ਆਰਡਰ ਦੇ ਸਕਦੇ ਹਨ ਫਿਲਹਾਲ, ਪੰਜਾਬ ਐਗਰੋ ਖੁਦ ਟ੍ਰਾਈਸਿਟੀ ਦੇ ਲੋਕਾਂ ਨੂੰ ਘਰ ਘਰ ਜੈਵਿਕ ਸਬਜ਼ੀਆਂ ਪ੍ਰਦਾਨ ਕਰੇਗੀ, ਤਾਂ ਜੋ ਤੁਸੀਂ ਆਪਣੀ ਪਸੰਦ ਦੀਆਂ ਸਬਜ਼ੀਆਂ ਮੰਗਵਾ ਸਕੋ।
ਪੰਜਾਬ ਐਗਰੋ ਦੇ ਐਮ ਡੀ ਮਨਜੀਤ ਸਿੰਘ ਬਰਾੜ ਨੇ ਕਿਹਾ ਕਿ ਅਸੀਂ ਇਹ ਸੇਵਾ ਟਰਾਈ ਸ਼ਹਿਰ ਨਿਵਾਸੀਆਂ ਲਈ ਆਰੰਭ ਕਰ ਰਹੇ ਹਾਂ ਅਤੇ ਇਹ ਉਨ੍ਹਾਂ ਨੂੰ ਨਵੇਂ ਸਾਲ ‘ਤੇ ਇੱਕ ਤੋਹਫਾ ਹੋਵੇਗਾ। ਉਸਨੇ ਕਿਹਾ ਕਿ ਲੋਕ ਐਪ ਦੀ ਵਰਤੋਂ ਕਰਕੇ ਆਪਣੀ ਪਸੰਦ ਦਾ ਆਰਡਰ ਦੇ ਸਕਦੇ ਹਨ ਜਾਂ ਵੈਬਸਾਈਟ ‘ਤੇ ਆਰਗੈਨਿਕ ਐੱਫ ਐਂਡ ਵੀ ਜਾਂ ਤਾਜ਼ਾ ਐਫ ਐਂਡ ਵੀ ਦਾ ਆਰਡਰ ਦੇ ਸਕਦੇ ਹਨ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਕਿਸਾਨਾਂ ਵੱਲੋਂ ਵੀ ਪੰਜਾਬ ਐਗਰੋ ਨੂੰ ਆਪਣੇ ਆਰਗੈਨਿਕ ਉਤਪਾਦਾਂ ਨੂੰ ਆਨਲਾਈਨ ਵੇਚਣ ਦਾ ਸਵਾਗਤ ਕੀਤਾ ਗਿਆ ਹੈ।
