Congress dominates in : ਜ਼ੀਰਕਪੁਰ : ਪੰਜਾਬ ‘ਚ ਨਾਗਰਿਕ ਚੋਣਾਂ ਦੀਆਂ 31 ਸੀਟਾਂ ‘ਤੇ ਵੋਟਿੰਗ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ। 117 ਸਥਾਨਕ ਲੋਕਲ ਬਾਡੀਜ਼ ‘ਤੇ ਚੋਣਾਂ ਹੋਈਆਂ ਸਨ ਜਿਨ੍ਹਾਂ ‘ਚੋਂ 109 ਨਗਰ ਪਾਲਿਕਾ ਪ੍ਰੀਸ਼ਦ ਤੇ ਨਗਰ ਪੰਚਾਇਤ ਹਨ। ਉਥੇ 8 ਨਗਰ ਨਿਗਮ ਸ਼ਾਮਲ ਹਨ। ਇਸ ਚੋਣ ‘ਚ ਕੁੱਲ 9,222 ਉਮੀਦਵਾਰ ਸ਼ਾਮਲ ਹੋਏ ਸਨ। ਸ਼ੁਰੂਆਤੀ ਪੜਾਅ ਵਿਚ, ਕਾਂਗਰਸ ਦੇ ਉਮੀਦਵਾਰ ਦਬਦਬਾ ਬਣਾ ਰਹੇ ਹਨ। ਜ਼ੀਰਕਪੁਰ ਚੋਣਾਂ ਦੇ ਨਤੀਜਿਆਂ ‘ਚ ਵੀ ਕਾਂਗਰਸ ਦਾ ਦਬਦਬਾ ਦੇਖਣ ਨੂੰ ਮਿਲ ਰਿਹਾ ਹੈ। ਵਾਰਡ ਨੰਬਰ 1, 2, 4, 5, 6 ਅਤੇ 7 ‘ਤੇ ਕਾਂਗਰਸੀ ਉਮੀਦਵਾਰ ਜੇਤੂ ਰਹੇ ਹਨ। ਇਸ ਦੇ ਨਾਲ ਹੀ ਵਾਰਡ 3 ਅਤੇ ਵਾਰਡ ਨੰਬਰ 8 ਵਿਖੇ ਅਕਾਲੀ ਦਲ ਦੇ ਉਮੀਦਵਾਰ ਜਿੱਤੇ ਹਨ।
ਡੇਰਾਬਸੀ ਦੇ ਪਹਿਲੀ ਗੇੜ ਦੀਆਂ ਚੋਣਾਂ ਦੇ ਚਾਰ ਵਾਰਡਾਂ ਦੇ ਨਤੀਜੇ ‘ਚ ਦੋ ਅਕਾਲੀ ਦਲ ਅਤੇ ਦੋ ਕਾਂਗਰਸ ਉਮੀਦਵਾਰ ਜੇਤੂ ਰਹੇ। ਇਨ੍ਹਾਂ ਵਿੱਚ ਵਾਰਡ ਨੰਬਰ -1 ਤੋਂ ਜਸਵਿੰਦਰ ਕੌਰ (ਅਕਾਲੀ ਦਲ), ਵਾਰਡ ਨੰਬਰ -2 ਤੋਂ ਭੁਪਿੰਦਰ ਸਿੰਘ ਬੰਟੀ ਰਾਣਾ (ਕਾਂਗਰਸ), ਵਾਰਡ ਨੰਬਰ -3 ਤੋਂ ਰਜਨੀ (ਕਾਂਗਰਸ) ਅਤੇ ਵਾਰਡ ਨੰਬਰ -4 ਤੋਂ ਮਨਿੰਦਰਪਾਲ ਸਿੰਘ ਟੋਨੀ ਰਾਣਾ (ਅਕਾਲੀ) ਸ਼ਾਮਲ ਹਨ। ਦੂਜੇ ਗੇੜ ਦੀਆਂ ਚੋਣਾਂ ਵਿਚ ਕਾਂਗਰਸ ਦੇ ਉਮੀਦਵਾਰ ਵਾਰਡ 5, 6, 7 ਅਤੇ 8 ਤੋਂ ਜੇਤੂ ਰਹੇ ਹਨ, ਚੋਣ ਵਿਚ ਆਜ਼ਾਦ ਖੜੇ ਹੋਏ ਉਮੀਦਵਾਰ ਭੁਪੇਂਦਰ ਸ਼ਰਮਾ, ਡੇਰਾਬਸੀ ਦੀ ਵਾਰਡ ਨੰਬਰ 9 ਸੀਟ ਤੋਂ ਜੇਤੂ ਰਹੇ ਸਨ। ਵਾਰਡ ਨੰਬਰ -10 ਤੋਂ ਕਾਂਗਰਸੀ ਉਮੀਦਵਾਰ ਜਸਪ੍ਰੀਤ ਲੱਕੀ ਅਤੇ ਵਾਰਡ ਨੰਬਰ 11 ਤੋਂ ਚਮਨ ਸੈਣੀ (ਕਾਂਗਰਸ)। ਹੁਣ ਤੱਕ 11 ਵਾਰਡਾਂ ਦੇ ਨਤੀਜੇ ਆ ਚੁੱਕੇ ਹਨ, ਜਿਨ੍ਹਾਂ ਵਿਚੋਂ ਅੱਠ ਕਾਂਗਰਸ, ਦੋ ਅਕਾਲੀ ਦਲ ਅਤੇ ਇੱਕ ਆਜ਼ਾਦ ਜੇਤੂ ਰਹੀ ਹੈ।
ਇਸ ਦੇ ਨਾਲ ਹੀ ਖਰੜ ਨਗਰ ਪਾਲਿਕਾ ਚੋਣਾਂ ਵਿੱਚ ਕਾਂਗਰਸ ਨੇ ਤਿੰਨ ਸੀਟਾਂ ਜਿੱਤੀਆਂ ਹਨ, ਅਕਾਲੀ ਦਲ ਨੇ ਇੱਕ ਅਤੇ ਆਜ਼ਾਦ ਉਮੀਦਵਾਰ ਨੇ ਹੁਣ ਤੱਕ ਤਿੰਨ ਸੀਟਾਂ ਜਿੱਤੀਆਂ ਹਨ। ਇਸ ਵਾਰ ਜ਼ੀਰਕਪੁਰ ਨਾਗਰਿਕ ਚੋਣਾਂ ਦਾ ਮੁਕਾਬਲਾ ਬਹੁਤ ਦਿਲਚਸਪ ਹੈ। ਨਗਰ ਕੌਂਸਲ ਨੂੰ ਆਪਣੇ ਕਬਜ਼ੇ ‘ਚ ਲੈਣ ਲਈ ਕਾਂਗਰਸ ਅਤੇ ਅਕਾਲੀ ਦਲ ਨੇ ਆਪਣੀ ਪੂਰੀ ਤਾਕਤ ਦਿੱਤੀ ਸੀ, ਜਦਕਿ ਭਾਜਪਾ ਵਾਰਡ ਨੰਬਰ 10 ਅਤੇ 6 ਵਿਚ ਵੀ ਸਖਤ ਟੱਕਰ ਦੇ ਰਹੀ ਹੈ।
