Former Deputy Director : ਚੰਡੀਗੜ੍ਹ : ਲੋਕ ਸੰਪਰਕ ਵਿਭਾਗ ਪੰਜਾਬ ਦੇ ਸਾਬਕਾ ਡਿਪਟੀ ਡਾਇਰੈਕਟਰ ਅਸ਼ੋਕ ਬਾਂਸਲ ਦਾ ਦੇਹਾਂਤ ਹੋ ਗਿਆ। ਉਨ੍ਹਾਂ ਨੇ 2007 ਵਿੱਚ ਸੂਚਨਾ ਅਤੇ ਲੋਕ ਸੰਪਰਕ ਪੰਜਾਬ ਦੇ ਡਿਪਟੀ ਡਾਇਰੈਕਟਰ ਵਜੋਂ ਸੇਵਾ ਨਿਭਾਈ। ਉਨ੍ਹਾਂ ਦੀ ਪ੍ਰਾਰਥਨਾ ਸਭਾ 25 ਮਾਰਚ ਨੂੰ ਕਲੱਬ ਹਾਊਸ, ਇੰਪੀਰੀਅਲ ਰੈਜ਼ੀਡੈਂਸੀ, ਪੀਰ ਮੁਛੱਲਾ ਵਿਖੇ ਹੋਵੇਗੀ।
ਲੋਕ ਸੰਪਰਕ ਵਿਭਾਗ ਦੇ ਸਾਰੇ ਉੱਚ ਅਧਿਕਾਰੀਆਂ ਵੱਲੋਂ ਉਨ੍ਹਾਂ ਦੇ ਦੇਹਾਂਤ ‘ਤੇ ਡੂੰਘੇ ਅਫਸੋਸ ਦਾ ਪ੍ਰਗਟਾਵਾ ਕੀਤਾ ਗਿਆ ਅਤੇ ਉਨ੍ਹਾਂ ਨੇ ਪ੍ਰਮਾਤਮਾ ਅੱਗੇ ਅਸ਼ੋਕ ਬਾਂਸਲ ਦੀ ਆਤਮਾ ਦੀ ਸ਼ਾਂਤੀ ਲਈ ਅਰਦਾਸ ਮੰਗੀ ਤੇ ਪਰਿਵਾਰ ਨੂੰ ਇਹ ਭਾਣਾ ਸਹਿਣ ਦੀ ਸ਼ਕਤੀ ਲਈ ਅਰਦਾਸ ਕੀਤੀ। ਅਸ਼ੋਕ ਬਾਂਸਲ ਆਪਣੇ ਪਿੱਛੇ ਪਤਨੀ ਸ਼੍ਰੀਮਤੀ ਪਿੰਕੀ ਬਾਂਸਲ ਤੇ ਦੋ ਬੇਟੀਆਂ ਪ੍ਰਿਯੰਕਾ ਤੇ ਅੰਕਿਤਾ ਛੱਡ ਗਏ ਹਨ।
