Toddler fell into a dung gas pit : ਬੰਗਾ ਦੇ ਨਜ਼ਦੀਕੀ ਪਿੰਡ ਕੰਗਰੌੜ ਤੋਂ ਇੱਕ ਬਹੁਤ ਹੀ ਮੰਦਭਾਗੀ ਖਬਰ ਸਾਹਮਣੇ ਆਈ ਹੈ, ਜਿਥੇ ਬਹੁਤ ਹੀ ਦਰਦਨਾਕ ਹਾਦਸਾ ਵਾਪਰ ਗਿਆ। ਇੱਕ ਢਾਈ ਸਾਲਾਂ ਦਾ ਬੱਚਾ ਅਚਾਨਕ ਖੇਡਦਾ-ਖੇਡਦਾ ਮੌਤ ਦੇ ਮੂੰਹ ਵਿੱਚ ਚਲਾ ਗਿਆ ਅਤੇ ਘਰ ਵਿੱਚ ਹੀ ਬਣੇ ਗੋਬਰ ਗੈਸ ਵਾਲੇ ਡੂੰਘੇ ਟੋਏ ਵਿੱਚ ਡਿੱਗ ਗਿਆ। ਇਹ ਹਾਦਸਾ ਪਿੰਡ ਕੰਗਰੌੜ ਵਿੱਚ ਵਾਪਰਿਆ। ਮਿਲੀ ਜਾਣਕਾਰੀ ਦਾ ਢਾਈ ਸਾਲਾ ਅਭਿਜੋਤ ਆਪਣੇ ਦਾਦੇ ਕੋਲ ਬੈਠਾ ਖੇਡ ਰਿਹਾ ਸੀ। ਅਚਾਨਕ ਖੇਡਦਾ- ਖੇਡਦਾ ਉਹ ਉਨ੍ਹਾਂ ਦੇ ਘਰ ਬਣੇ ਹੋਏ ਗੋਬਰ ਗੈਸ ਵਾਲੇ ਡੂੰਘੇ ਟੋਏ ਵੱਲ ਚਲਾ ਗਿਆ।
ਉਸ ਦੇ ਦਾਦੇ ਨੇ ਸੋਚਿਆ ਕਿ ਅਭਿਜੋਤ ਸ਼ਾਇਦ ਅੰਦਰ ਚਲਾ ਗਿਆ ਹੈ ਪਰ ਜਦੋਂ ਅਭਿਜੋਤ ਨਾ ਮਿਲਿਆ ਤਾਂ ਉਨ੍ਹਾਂ ਨੇ ਉਸਦੀ ਭਾਲ ਸ਼ੁਰੂ ਕੀਤੀ ਤਾਂ ਉਸ ਦੀ ਲਾਸ਼ ਗੋਬਰ ਗੈਸ ਵਾਲੇ ਡੂੰਘੇ ਟੋਏ ਵਿੱਚੋਂ ਬਰਾਮਦ ਹੋਈ। ਬੱਚੇ ਦੇ ਪਰਿਵਾਰ ਵਾਲਿਆਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਇਸ ਸੰਬੰਧ ਵਿਚ ਜਦੋਂ ਥਾਣਾ ਮੁਖੀ ਬਹਿਰਾਮ ਰਜੀਵ ਕੁਮਾਰ ਦੇ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਨੇ ਕਿਹਾ ਕਿ ਅਜੇ ਤੱਕ ਉਨ੍ਹਾਂ ਨੂੰ ਇਸ ਘਟਨਾ ਸਬੰਧੀ ਕੋਈ ਜਾਣਕਾਰੀ ਨਹੀਂ ਮਿਲੀ ਹੈ।
