Harnaaz Sandhu punjabi debut: ਮਿਸ ਯੂਨੀਵਰਸ ਹਰਨਾਜ਼ ਕੌਰ ਸੰਧੂ ਦੀ ਖ਼ੂਬਸੂਰਤੀ ਦਾ ਹੁਨਰ ਪੂਰੀ ਦੁਨੀਆ ‘ਚ ਚੱਲ ਚੁਕਿਆ ਹੈ। ਹੁਣ ਪ੍ਰਸ਼ੰਸਕ ਉਸ ਦੀ ਅਦਾਕਾਰੀ ਦੇ ਹੁਨਰ ਤੋਂ ਵੀ ਜਾਣੂ ਹੋਣ ਜਾ ਰਹੇ ਹਨ। ਹਰਨਾਜ਼ ਸੰਧੂ ਜਲਦ ਹੀ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕਰਨ ਜਾ ਰਹੀ ਹੈ।
ਹਾਲਾਂਕਿ ਇਹ ਹਰਨਾਜ਼ ਦਾ ਬਾਲੀਵੁੱਡ ਡੈਬਿਊ ਨਹੀਂ ਹੋਵੇਗਾ। ਸਗੋਂ ਉਹ ਪੰਜਾਬੀ ਇੰਡਸਟਰੀ ਤੋਂ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕਰੇਗੀ। ਹਰਨਾਜ਼ ਸੰਧੂ ਪੰਜਾਬੀ ਫਿਲਮ ‘ਬਾਈ ਜੀ ਕੁਟਾਂਗੇ’ ‘ਚ ਨਜ਼ਰ ਆਉਣਗੀ। ਰਿਪੋਰਟ ਮੁਤਾਬਕ ਹਰਨਾਜ਼ ਸੰਧੂ ਆਪਣੀ ਪਹਿਲੀ ਫਿਲਮ ‘ਨਾਨਕ’ ‘ਚ ਦਿੱਗਜ ਅਦਾਕਾਰਾ ਉਪਾਸਨਾ ਸਿੰਘ ਦੇ ਬੇਟੇ ਨਾਲ ਨਜ਼ਰ ਆਉਣਗੇ। ਫਿਲਮ ਦਾ ਨਿਰਮਾਣ ਉਪਾਸਨਾ ਸਿੰਘ ਦੇ ਪ੍ਰੋਡਕਸ਼ਨ ਹਾਊਸ ਸੰਤੋਸ਼ ਐਂਟਰਟੇਨਮੈਂਟ ਸਟੂਡੀਓ ਦੇ ਅਧੀਨ ਕੀਤਾ ਗਿਆ ਹੈ। ਫਿਲਮ ‘ਚ ਐਕਸ਼ਨ ਹੀਰੋ ਦੇਵ ਖਰੌੜ, ਗੁਰਪ੍ਰੀਤ ਘੁੱਗੀ, ਉਪਾਸਨਾ ਮੁੱਖ ਭੂਮਿਕਾਵਾਂ ‘ਚ ਨਜ਼ਰ ਆਉਣਗੇ। ਇਹ ਫਿਲਮ 27 ਮਈ 2022 ਨੂੰ ਰਿਲੀਜ਼ ਹੋਵੇਗੀ। ਹਰਨਾਜ਼ ਕੌਰ ਸੰਧੂ ਦੀ ਇੱਕ ਵੀਡੀਓ ਵੀ ਸਾਹਮਣੇ ਆਈ ਹੈ ਜਿਸ ਵਿੱਚ ਉਸਨੇ ਆਪਣੀ ਪਹਿਲੀ ਫਿਲਮ ਬਾਰੇ ਗੱਲ ਕੀਤੀ ਹੈ।
ਹਰਨਾਜ਼ ਨੇ ਕਿਹਾ- ਫਿਲਮ ਵਿੱਚ ਮੇਰਾ ਬਹੁਤ ਵਧੀਆ ਰੋਲ ਹੈ। ਮੈਨੂੰ ਆਪਣਾ ਵੱਖਰਾ ਪੱਖ ਦਿਖਾਉਣ ਦਾ ਮੌਕਾ ਮਿਲਿਆ। ਇਹ ਫਿਲਮ ਜ਼ਰੂਰ ਦੇਖਣੀ ਚਾਹੀਦੀ ਹੈ। ਇਹ ਬਹੁਤ ਵਧੀਆ ਫਿਲਮ ਹੈ। ਜਦੋਂ ਹਰਨਾਜ਼ ਕੌਰ ਸੰਧੂ ਤੋਂ ਉਸ ਦੇ ਬਾਲੀਵੁੱਡ ਡੈਬਿਊ ਬਾਰੇ ਸਵਾਲ ਕੀਤਾ ਤਾਂ ਹਰਨਾਜ਼ ਨੇ ਕਿਹਾ- ਇਸ ਦਾ ਜਵਾਬ ਬਹੁਤ ਜਲਦੀ ਮਿਲੇਗਾ। ਮੈਨੂੰ ਮਿਸ ਯੂਨੀਵਰਸ ਬਣੇ ਸਿਰਫ 3 ਮਹੀਨੇ ਹੋਏ ਹਨ। ਹਰਨਾਜ਼ ਸੰਧੂ ਇਨ੍ਹੀਂ ਦਿਨੀਂ ਇਕ ਹੋਰ ਕਾਰਨ ਕਰਕੇ ਚਰਚਾ ‘ਚ ਬਣੀ ਹੋਈ ਹੈ। ਹਰਨਾਜ਼ ਨੂੰ ਆਪਣੇ ਵਧੇ ਹੋਏ ਵਜ਼ਨ ਨੂੰ ਲੈ ਕੇ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਮਿਸ ਯੂਨੀਵਰਸ ਬਣਨ ਦੇ 3 ਮਹੀਨੇ ਬਾਅਦ ਹਰਨਾਜ਼ ਨੇ ਜਿਸ ਤਰ੍ਹਾਂ ਨਾਲ ਆਪਣਾ ਭਾਰ ਵਧਾਇਆ ਹੈ, ਉਸ ਨੂੰ ਲੈ ਕੇ ਉਹ ਲੋਕਾਂ ਦੇ ਨਿਸ਼ਾਨੇ ‘ਤੇ ਆ ਗਈ ਹੈ। ਟ੍ਰੋਲਿੰਗ ‘ਤੇ ਬੋਲਦੇ ਹੋਏ ਹਰਨਾਜ਼ ਨੇ ਕਿਹਾ ਕਿ ਉਹ ਸੇਲੀਏਕ ਦੀ ਬੀਮਾਰੀ ਨਾਲ ਜੂਝ ਰਹੀ ਹੈ, ਜਿਸ ਕਾਰਨ ਉਸ ਨੂੰ ਵਜ਼ਨ ਕੰਟਰੋਲ ਕਰਨਾ ਮੁਸ਼ਕਲ ਹੋ ਰਿਹਾ ਹੈ।
