ਉੱਤਰ ਪ੍ਰਦੇਸ਼ ਦੇ ਜਾਲੌਨ ਵਿੱਚ ਤਾਇਨਾਤ ਇੱਕ ਕਾਂਸਟੇਬਲ ਦੀ ਪਤਨੀ ਅਤੇ ਨਵਜੰਮੇ ਬੱਚੇ ਦੀ ਮੌ.ਤ ਹੋ ਗਈ । ਕਾਂਸਟੇਬਲ ਨੇ ਇਲਜ਼ਾਮ ਲਗਾਇਆ ਹੈ ਕਿ ਉਸ ਨੂੰ ਘਰੋਂ ਫੋਨ ਆਇਆ ਸੀ ਕਿ ਉਸ ਦੀ ਪਤਨੀ ਨੂੰ ਜਣੇਪੇ ਦਾ ਦਰਦ ਹੋ ਰਿਹਾ ਹੈ । ਇਸ ਤੋਂ ਬਾਅਦ ਕਾਂਸਟੇਬਲ ਨੇ ਥਾਣਾ ਇੰਚਾਰਜ ਨੂੰ ਛੁੱਟੀ ਲਈ ਅਰਜ਼ੀ ਦਿੱਤੀ। ਪਰ ਥਾਣਾ ਇੰਚਾਰਜ ਨੇ ਛੁੱਟੀ ਦੇਣ ਤੋਂ ਇਨਕਾਰ ਕਰ ਦਿੱਤਾ । ਛੁੱਟੀ ਨਾ ਮਿਲਣ ਤੋਂ ਨਿਰਾਸ਼ ਕਾਂਸਟੇਬਲ ਨੇ ਆਪਣੇ ਪਰਿਵਾਰ ਵਾਲਿਆਂ ਨੂੰ ਬੁਲਾਇਆ ਅਤੇ ਪਤਨੀ ਨੂੰ ਹਸਪਤਾਲ ਲੈ ਜਾਣ ਲਈ ਕਿਹਾ। ਇਸ ਤੋਂ ਬਾਅਦ ਪਰਿਵਾਰ ਪਤਨੀ ਨੂੰ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਉਸਨੇ ਇੱਕ ਬੱਚੀ ਨੂੰ ਜਨਮ ਦਿੱਤਾ, ਪਰ ਦੋਹਾਂ ਦੀ ਹਾਲਤ ਖਰਾਬ ਸੀ । ਡਾਕਟਰਾਂ ਨੇ ਦੋਵਾਂ ਨੂੰ ਆਗਰਾ ਰੈਫਰ ਕਰ ਦਿੱਤਾ, ਪਰ ਆਗਰਾ ਲਿਜਾਂਦੇ ਸਮੇਂ ਰਸਤੇ ਵਿੱਚ ਮਾਂ ਅਤੇ ਬੱਚੇ ਦੀ ਮੌ.ਤ ਹੋ ਗਈ । ਦੱਸ ਦੇਈਏ ਕਿ ਕਾਂਸਟੇਬਲ ਦੀ ਪਤਨੀ ਆਰਪੀਐਫ ਵਿੱਚ ਕਾਂਸਟੇਬਲ ਵਜੋਂ ਤਾਇਨਾਤ ਸੀ । ਵਧੀਕ ਪੁਲਿਸ ਸੁਪਰਡੈਂਟ ਅਸੀਮ ਚੌਧਰੀ ਨੇ ਦੱਸਿਆ ਕਿ ਪੁਲਿਸ ਥਾਣਾ ਮੁਖੀ ਵਿਭਾਗੀ ਜਾਂਚ ਵਿੱਚ ਦੋਸ਼ੀ ਪਾਏ ਗਏ ਹਨ । ਜਿਸ ਤੋਂ ਬਾਅਦ ਉਨ੍ਹਾਂ ਖਿਲਾਫ਼ ਵਿਭਾਗੀ ਕਾਰਵਾਈ ਕੀਤੀ ਜਾਵੇਗੀ।
UP Police Constable’s Wife
ਜਾਣਕਾਰੀ ਮੁਤਾਬਕ ਰਾਮਪੁਰਾ ਥਾਣੇ ਵਿੱਚ ਤਾਇਨਾਤ 2018 ਬੈਚ ਦੇ ਕਾਂਸਟੇਬਲ ਵਿਕਾਸ ਨਿਰਮਲ ਦਿਵਾਕਰ ਜ਼ਿਲ੍ਹਾ ਮੈਨਪੁਰੀ ਦੇ ਰਹਿਣ ਵਾਲੇ ਹਨ । ਕਰੀਬ ਇੱਕ ਹਫ਼ਤੇ ਤੋਂ ਰਾਮਪੁਰਾ ਥਾਣੇ ਦੇ ਇੰਚਾਰਜ ਕਾਂਸਟੇਬਲ ਅਰਜੁਨ ਸਿੰਘ ਨੂੰ ਆਪਣੀ ਗਰਭਵਤੀ ਪਤਨੀ ਦੀ ਡਿਲੀਵਰੀ ਕਰਵਾਉਣ ਦਾ ਹਵਾਲਾ ਦਿੰਦਿਆਂ ਛੁੱਟੀ ਦੇਣ ਲਈ ਕਈ ਵਾਰ ਬੇਨਤੀ ਕੀਤੀ, ਪਰ ਐਸਐਚਓ ਨੇ ਕਾਂਸਟੇਬਲ ਨੂੰ ਛੁੱਟੀ ਨਹੀਂ ਦਿੱਤੀ । ਇਸਦੇ ਚੱਲਦਿਆਂ ਕਾਂਸਟੇਬਲ ਦੀ ਪਤਨੀ ਵੱਲੋਂ ਸਮੇਂ ਸਿਰ ਸਹੀ ਇਲਾਜ ਨਾ ਮਿਲਣ ਕਾਰਨ ਗਰਭਵਤੀ ਮਹਿਲਾ ਅਤੇ ਨਵਜੰਮੇ ਬੱਚੇ ਦੀ ਮੌ.ਤ ਹੋ ਗਈ।
ਇਹ ਵੀ ਪੜ੍ਹੋ: ਪਾਕਿਸਤਾਨ ਦੇ ਗੁ. ਸਾਹਿਬ ਦੇ ਦਰਸ਼ਨ ਕਰਨ ਗਏ ਸ਼ਰਧਾਲੂ ਦੀ ਮੌ.ਤ, ਦਿਲ ਦਾ ਦੌਰਾ ਪੈਣ ਕਾਰਨ ਗਈ ਜਾ.ਨ
ਦੱਸਿਆ ਜਾ ਰਿਹਾ ਹੈ ਕਿ ਵਿਕਾਸ ਕਈ ਦਿਨਾਂ ਤੋਂ ਥਾਣਾ ਇੰਚਾਰਜ ਤੋਂ ਗਰਭਵਤੀ ਪਤਨੀ ਦੀ ਡਿਲੀਵਰੀ ਵਧੀਆ ਜਗ੍ਹਾ ਕਰਵਾਉਣ ਦੇ ਲਈ ਛੁੱਟੀ ਦੀ ਮੰਗ ਕਰ ਰਿਹਾ ਸੀ, ਪਰ ਐਸਐਚਓ ਨੇ ਇੱਕ ਵੀ ਗੱਲ ਨਾ ਸੁਣੀ ਅਤੇ ਛੁੱਟੀ ਦੇਣ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ । ਬੀਤੇ ਸ਼ੁੱਕਰਵਾਰ ਨੂੰ ਮੇਰੀ ਪਤਨੀ ਨੂੰ ਜਣੇਪੇ ਦਾ ਦਰਦ ਹੋਇਆ । ਇਸ ਤੋਂ ਬਾਅਦ ਪਰਿਵਾਰ ਵਾਲੇ ਉਸ ਨੂੰ ਪਿੰਡ ਦੇ ਹਸਪਤਾਲ ਲੈ ਗਏ । ਉਥੋਂ ਉਸ ਨੂੰ ਜ਼ਿਲ੍ਹਾ ਹਸਪਤਾਲ ਮੈਨਪੁਰੀ ਭੇਜਿਆ ਗਿਆ । ਮੈਨਪੁਰੀ ਤੋਂ ਗਰਭਵਤੀ ਨੂੰ ਆਗਰਾ ਰੈਫਰ ਕਰ ਦਿੱਤਾ ਪਰ ਰਸਤੇ ਵਿੱਚ ਹੀ ਦੋਵਾਂ ਦੀ ਮੌ.ਤ ਹੋ ਗਈ।
UP Police Constable’s Wife
ਦੱਸ ਦੇਈਏ ਕਿ ਇਸ ਦੇ ਨਾਲ ਹੀ ਜਾਲੌਨ ਦੇ ਐਸਪੀ ਨੇ ਇੱਕ ਪੱਤਰ ਜਾਰੀ ਕੀਤਾ ਹੈ । ਇਹ ਕਿਹਾ ਗਿਆ ਹੈ ਕਿ ਸਾਰੇ ਏਰੀਆ ਅਫਸਰ (ਸੀਓ) ਅਤੇ ਥਾਣਾ ਮੁਖੀਆ (ਐਸਐਚਓ) ਨੂੰ ਛੁੱਟੀ ਦੇਣ ਲਈ ਕਿਸੇ ਕਾਂਸਟੇਬਲ ਨੂੰ ਪਰੇਸ਼ਾਨ ਨਹੀਂ ਕਰਨਾ ਚਾਹੀਦਾ । ਕਾਂਸਟੇਬਲ ਨੂੰ ਦੁਪਹਿਰ 10 ਤੋਂ 12 ਵਜੇ ਤੱਕ ਬਿਨੈ-ਪੱਤਰ ਥਾਣਾ ਮੁਖੀ ਸੀ.ਓ. ਦਫ਼ਤਰ ਨੂੰ ਪਹੁੰਚਾਉਣਾ ਚਾਹੀਦਾ ਹੈ ਅਤੇ ਇਲਾਕਾ ਅਧਿਕਾਰੀ ਉਕਤ ਦਰਖਾਸਤ ਨੂੰ ਸ਼ਾਮ 6 ਵਜੇ ਤੱਕ ਅੱਗੇ ਭੇਜਣਾ ਚਾਹੀਦਾ ਹੈ । ਜੇਕਰ ਸੀਓ ਅਤੇ ਸਟੇਸ਼ਨ ਹੈੱਡ ਸ਼ਾਮ 6 ਵਜੇ ਤੱਕ ਛੁੱਟੀ ਦੀ ਅਰਜ਼ੀ ਅੱਗੇ ਨਹੀਂ ਭੇਜਦੇ, ਤਾਂ ਛੁੱਟੀ ਦੀ ਅਰਜ਼ੀ ਆਪਣੇ ਆਪ ਸਵੀਕਾਰ ਕੀਤੀ ਜਾਵੇਗੀ । ਵਧੀਕ ਪੁਲੀਸ ਸੁਪਰਡੈਂਟ ਅਸੀਮ ਚੌਧਰੀ ਨੇ ਦੱਸਿਆ ਕਿ ਪੁਲਿਸ ਥਾਣਾ ਮੁਖੀ ਵਿਭਾਗੀ ਜਾਂਚ ਵਿੱਚ ਦੋਸ਼ੀ ਪਾਏ ਗਏ ਹਨ। ਥਾਣਾ ਇੰਚਾਰਜ ਅਰਜਨ ਸਿੰਘ ਨੇ ਗਲਤੀ ਕੀਤੀ ਹੈ, ਉਨ੍ਹਾਂ ਨੂੰ ਕਾਂਸਟੇਬਲ ਨੂੰ ਛੁੱਟੀ ਦੇਣੀ ਚਾਹੀਦੀ ਸੀ। ਉਸ ਖ਼ਿਲਾਫ਼ ਵਿਭਾਗੀ ਕਾਰਵਾਈ ਕੀਤੀ ਜਾਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
