ਹਿਮਾਚਲ ਨਾਲਾਗੜ੍ਹ ਕੋਰਟ ਫਾਇਰਿੰਗ ‘ਚ ਮੋੜ: ਬੰਬੀਹਾ ਗੈਂਗ ਦਾ ਦਾਅਵਾ – ਗੋਲੀਬਾਰੀ ਉਨ੍ਹਾਂ ਨੇ ਕੀਤੀ, ਲਾਰੈਂਸ ਗੈਂਗ ਨੇ ਨਹੀਂ

ਹਿਮਾਚਲ ਦੇ ਨਾਲਾਗੜ੍ਹ ਅਦਾਲਤ ‘ਚ ਹੋਈ ਗੋਲੀਬਾਰੀ ‘ਚ ਨਵਾਂ ਮੋੜ ਆਇਆ ਹੈ। ਬੰਬੀਹਾ ਗੈਂਗ ਨੇ ਦਾਅਵਾ ਕੀਤਾ ਕਿ ਗੋਲੀਬਾਰੀ ਉਨ੍ਹਾਂ ਨੇ ਕੀਤੀ, ਲਾਰੈਂਸ ਗੈਂਗ ਨੇ ਨਹੀਂ। ਉਹ ਸ਼ੂਟਰ ਸੰਨੀ ਲੈਫਟੀ ਨੂੰ ਬਚਾਉਣ ਗਿਆ ਸੀ। ਇਹ ਦਾਅਵਾ ਸੋਸ਼ਲ ਮੀਡੀਆ ‘ਚ ਬੰਬੀਹਾ ਗੈਂਗ ਦੇ ਸ਼ੂਟਰ ਗੈਂਗਸਟਰ ਕੌਸ਼ਲ ਚੌਧਰੀ ਦੇ ਹਵਾਲੇ ਨਾਲ ਕੀਤਾ ਗਿਆ ਹੈ। ਚੌਧਰੀ ਨੇ ਇਹ ਵੀ ਕਿਹਾ ਕਿ ਪੁਲਿਸ ਨੇ ਉਨ੍ਹਾਂ ਦੇ ਦੋ ਵਿਅਕਤੀਆਂ ਨੂੰ ਫੜ ਲਿਆ ਹੈ, ਪਰ ਇਸ ਦਾ ਖੁਲਾਸਾ ਨਹੀਂ ਕਰ ਰਹੀ ਹੈ। ਕੱਲ੍ਹ ਚਰਚਾ ਸੀ ਕਿ ਵਿੱਕੀ ਮਿੱਡੂਖੇੜਾ ਦੇ ਕਤਲ ਵਿੱਚ ਸ਼ਾਮਲ ਸ਼ੂਟਰ ਸੰਨੀ ਨੂੰ ਮਾਰਨ ਲਈ ਲਾਰੈਂਸ ਗੈਂਗ ਨੇ ਇਹ ਹਮਲਾ ਕੀਤਾ ਸੀ।

ਅੱਜ ਨਾਲਾਗੜ੍ਹ ਕੋਰਟ ਕੰਪਲੈਕਸ ਵਿਖੇ ਗੋਲੀਬਾਰੀ ਕਰਨ ਵਾਲਾ ਗੈਂਗਸਟਰ ਕੌਸ਼ਲ ਚੌਧਰੀ ਸਾਡੇ ਭਰਾ ਸੰਨੀ ਲੈਫਟੀ ਨੂੰ ਲੈਣ ਗਿਆ ਸੀ। ਪੁਲਿਸ ਦੀ ਗੋਲੀਬਾਰੀ ਕਾਰਨ ਸਾਡੇ 2 ਭਰਾ ਭੱਜਣ ਵਿੱਚ ਕਾਮਯਾਬ ਹੋ ਗਏ। ਸਾਡੇ ਭਰਾਵਾਂ ਚਸਕਾ ਜੈਤੂ ਅਤੇ ਮਾਨ ਜੈਤੂ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ।

ਵੀਡੀਓ ਲਈ ਕਲਿੱਕ ਕਰੋ -:

“ਸਿੱਖ ਗੱਭਰੂ ਨੇ ਫੱਟੇ ਚੱਕ’ਤੇ ! ਕੈਨੇਡਾ ਦੀ Top University ਤੋਂ ਮਿਲੀ 2 ਕਰੋੜ ਦੀ ਸਕਾਲਰਸ਼ਿਪ ! ਪੁੱਤ ‘ਤੇ ਮਾਣ ਕਰਦੇ ਨੇ ਮਾਪੇ ! “

ਸੰਨੀ ਲੈਫਟੀ ਨੂੰ ਸ਼ੁੱਕਰਵਾਰ ਨੂੰ ਨਾਲਾਗੜ੍ਹ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਜਦੋਂ ਪੁਲਿਸ ਮੁਲਾਜ਼ਮ ਸੰਨੀ ਨਾਲ ਨਾਲਾਗੜ੍ਹ ਕੋਰਟ ਕੰਪਲੈਕਸ ਦੀਆਂ ਪੌੜੀਆਂ ‘ਤੇ ਚੜ੍ਹ ਰਹੇ ਸਨ ਤਾਂ ਉਸੇ ਸਮੇਂ ਚਾਰ-ਪੰਜ ਹਮਲਾਵਰਾਂ ਨੇ ਉਸ ‘ਤੇ ਗੋਲੀਆਂ ਚਲਾ ਦਿੱਤੀਆਂ। ਹਮਲਾਵਰ ਹਰਿਆਣਾ ਨੰਬਰ ਦੇ ਮੋਟਰਸਾਈਕਲ ‘ਤੇ ਸਵਾਰ ਸਨ। ਗੋਲੀਬਾਰੀ ਦੌਰਾਨ ਇੱਕ ਗੋਲੀ ਸੰਨੀ ਦੇ ਮੱਥੇ ਦੇ ਨੇੜੇ ਤੋਂ ਲੰਘ ਗਈ। ਗੋਲੀਆਂ ਚਲਦੇ ਹੀ ਸੰਨੀ ਕੋਰਟ ਰੂਮ ਵੱਲ ਭੱਜਿਆ। ਜਿਸ ਤੋਂ ਬਾਅਦ ਹਮਲਾਵਰ ਵੀ ਆਪਣੇ ਮੋਟਰਸਾਈਕਲ ‘ਤੇ ਉੱਥੋਂ ਫ਼ਰਾਰ ਹੋ ਗਏ। ਕੁਝ ਦੂਰ ਜਾ ਕੇ ਉਸ ਨੇ ਨਾਲਾਗੜ੍ਹ ਥਾਣੇ ਦੇ ਕੋਲ ਆਪਣੀ ਸਾਈਕਲ ਸੜਕ ’ਤੇ ਛੱਡ ਦਿੱਤੀ।