gurchet chitarkar post for laddi:ਗੁਰਚੇਤ ਚਿੱਤਰਕਾਰ ਦੀਆਂ ਟੈਲੀ ਫਿਲਮਾਂ ਵਿੱਚ ਜੂੜੇ ਆਲੇ ਜਵਾਕ ਲਾਡੀ ਦਾ ਕਿਰਦਾਰ ਨਿਭਾਉਣ ਵਾਲੇ ਗੁਰਪ੍ਰੀਤ ਲਾਡੀ ਦੀ ਅਚਾਨਕ ਹੋਈ ਮੌਤ ਨੇ ਹਰ ਇੱਕ ਦੀ ਅੱਖਾਂ ਨੂੰ ਨਮ ਕਰ ਦਿੱਤਾ ਹੈ ।ਉਸਨੇ ਨਿੱਕੀ ਜਿਹੀ ਉਮਰ ‘ਚ ਅਦਾਕਾਰੀ ਦੇ ਖੇਤਰ ‘ਚ ਵਾਹ ਵਾਹੀ ਖੱਟੀ ਸੀ ।ਰਿਸ਼ਤੇ ਵਿੱਚ ਉਹ ਗੁਰਚੇਤ ਚਿੱਤਰਕਾਰ ਦਾ ਭਾਣਜਾ ਸੀ।ਅਤੇ ਨਿੱਕੀ ਉਮਰੇ ਪਿਤਾ ਦਾ ਸਾਇਆ ਸਿਰ ਤੋਂ ਉੱਠ ਜਾਣ ਕਾਰਨ ਗੁਰਚੇਤ ਚਿੱਤਰਕਾਰ ਦੇ ਪਰਿਵਾਰ ਕੋਲ ਹੀ ਰਿਹਾ ਸੀ।ਫੈਮਿਲੀ 420 ‘ਚ ਆਪਣੇ ਕਿਰਦਾਰ ਨਾਲ ਰੌਣਕਾਂ ਲਗਾਉਣ ਵਾਲੇ ਗੁਰਪ੍ਰੀਤ ਲਾਡੀ ਦਾ ਦਿਹਾਂਤ ਕੁਝ ਦਿਨ ਪਹਿਲਾ ਹੀ ਹੋਇਆ ਹੈ । ਅਦਾਕਾਰ ਅਤੇ ਕਮੇਡੀਅਨ ਗੁਰਚੇਤ ਚਿੱਤਰਕਾਰ ਨੇ ਆਪਣੇ ਸੋਸ਼ਲ ਮੀਡੀਆ ਉੱਤੇ ਪੋਸਟ ਪਾ ਕੇ ਲਾਡੀ ਦੇ ਦਿਹਾਂਤ ਦੀ ਜਾਣਕਾਰੀ ਦਿੱਤੀ ਸੀ ।
ਹੁਣ ਉਨ੍ਹਾਂ ਨੇ ਆਪਣੇ ਸੋਸ਼ਲ ਮੀਡੀਆ ਉੱਤੇ ਭਾਵੁਕ ਪੋਸਟ ਪਾ ਕੇ ਭੋਗ ਦੀ ਜਾਣਕਾਰੀ ਦਿੱਤੀ ਹੈ । ਉਨ੍ਹਾਂ ਨੇ ਲਿਖਿਆ ਹੈ- ‘ਮੋਏ ਮੁੜ ਨੀ ਮੁੜਦੇ ਕਿਥੇ ਜਾ ਕੇ ਹਾਕਾਂ ਮਾਰਾਂ…….ਲਾਡੀ ਸਿੱਧੂ 6 ਨਵੰਬਰ ਨੂੰ ਸਭ ਨੂੰ ਰੋਂਦੇ ਕੁਰਲਾਉਦੇ ਛੱਡ ਗਿਆ’ ।
ਉਨ੍ਹਾਂ ਨੇ ਅੱਗੇ ਲਿਿਖਆ ਹੈ- ‘ਰਿਸ਼ਤੇ ਵਜੋਂ ਲਾਡੀ ਬੇਸ਼ਕ ਮੇਰੇ ਸਾਲੇ ਦਾ ਲੜਕਾ ਸੀ ਮੇਰੀ ਪਤਨੀ ਉਸ ਨੂੰ ਦਮਨ ਤੋਂ ਵੱਧ ਪਿਆਰ ਕਰਦੀ ਸੀ ਉਸ ਦਾ ਬਚਪਨ ਸਾਡੇ ਕੋਲ ਤੇ ਫ਼ਿਲਮਾਂ ਵਿੱਚ ਹੀ ਗੁਜ਼ਰਿਆ । 15 ਨਵੰਬਰ ਨੂੰ ਉਹਦੇ ਜੱਦੀ ਪਿੰਡ ਲਿੱਦੜਾ ਨੇੜੇ ( ਮੱਸਤੁਆਣਾ ਸਾਹਿਬ ਸੰਗਰੂਰ) ਵਿਖੇ ਪਵੇਗਾ’ । ਇਸ ਪੋਸਟ ਉੱਤੇ ਦਰਸ਼ਕ ਵੀ ਕਮੈਂਟ ਕਰਕੇ ਆਪਣਾ ਦੁੱਖ ਪ੍ਰਗਟ ਕਰ ਰਹੇ ਨੇ ।
