afsana khan’s bollywood debut : ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਦੀ ਗਾਇਕਾ AFSANA KHAN ਹੁਣ ਆਪਣੀ ਵਿਲੱਖਣ ਆਵਾਜ਼ ਲਈ ਜਾਣੀ ਜਾਂਦੀ ਹੈ। ਕੋਈ ਹੀ ਗੀਤ ਹੋਵੇਗਾ ਜਿਸ ਵਿੱਚ ਹੁਣ ਅਫਸਾਨਾ ਨੇ ਆਪਣੀ ਆਵਾਜ਼ ਦਾ ਜਾਦੂ ਨਾ ਚਲਾਇਆ ਹੋਵੇ।
ਅਫਸਾਨਾ ਖਾਨ ਇਕ ਪਲੇਅਬੈਕ ਗਾਇਕਾ,ਅਦਾਕਾਰਾ ਅਤੇ ਗੀਤਕਾਰ ਹੈ, ਜਿਸ ਆਪਣੇ ਗਾਇਕੀ ਦੇ ਤੌਰ ‘ਤੇ ਆਪਣੇ ਕੈਰੀਅਰ ਦੀ ਸ਼ੁਰੂਆਤ ਸਾਲ 2012 ਵਿਚ ਸਿੰਗਇੰਗ ਰਿਐਲਿਟੀ ਸ਼ੋਅ, ਵਾਇਸ ਆਫ ਪੰਜਾਬ ਸੀਜ਼ਨ 3 ਵਿਚ ਭਾਗੀਦਾਰ ਵਜੋਂ ਕੀਤੀ ਸੀ।
ਉਸਨੂੰ G-KHAN ਦੇ ਪ੍ਰਸਿੱਧ ਗਾਣੇ ‘ਮੁੰਡੇ ਚੰਡੀਗੜ੍ਹ ਸ਼ਹਿਰ ਦੇ’ ਤੋਂ ਵੱਖਰੀ ਪਛਾਣ ਮਿਲੀ। ਬਾਅਦ ਵਿੱਚ ਉਸਨੇ ਸਿੱਧੂ ਮੂਸੇਵਾਲੇ ਨਾਲ ‘ਜੱਟਾ ਸ਼ਰੇਆਮ ਤੂ ਤਾ ਧੱਕਾ ਕਰਦਾ ‘ ਵਰਗੇ ਸੁਪਰਹਿੱਟ ਟਰੈਕ ਦਿੱਤੇ ਹਨ।
ਸੋਸ਼ਲ ਮੀਡੀਆ ਤੇ ਵੀ ਅਫਸਾਨਾ ਕਾਫੀ ਸਰਗਰਮ ਰਹਿੰਦੀ ਹੈ। ਉਹ ਆਪਣੀ ਨਿੱਜੀ ਜ਼ਿੰਦਗੀ ਤੋਂ ਲੈ ਕੇ ਹਰ ਆਮ-ਖਾਸ ਗੱਲ ਆਪਣੇ ਪ੍ਰਸ਼ੰਸਕਾਂ ਨਾਲ ਸਾਂਝੀ ਕਰਦੀ ਰਹਿੰਦੀ ਹੈ। ਉਸਦੀ ਜ਼ਿੰਦਗੀ ਉਸਦੇ ਦਰਸ਼ਕਾਂ ਲਈ ਇੱਕ ਖੁੱਲੀ ਕਿਤਾਬ ਹੈ।
ਉਸਦੇ ਇੰਡਸਟਰੀ ਵਿੱਚ ਕੀਤੇ ਸੰਘਰਸ਼ ਤੋਂ ਲੈ ਕੇ ਉਸਦੀ ਕਾਮਯਾਬੀ ਤੱਕ ਕੋਈ ਵੀ ਤੱਥ ਲੁਕਿਆ ਨਹੀਂ ਹੈ। ਉਹ ਖੁੱਲ ਕੇ ਹਰ ਮੁੱਦੇ ਤੇ ਗੱਲ ਕਰਦੀ ਹੈ।
ਹਾਲ ਹੀ ਦੇ ਵਿੱਚ ਅਫਸਾਨਾ ਨੇ ਆਪਣੇ ਇੰਸਟਾਗ੍ਰਾਮ ਤੇ ਬਾਲੀਵੁੱਡ ਦੇ ਮਸ਼ਹੂਰ ਮਿਊਜ਼ਿਕ ਡਾਇਰੈਕਟਰ ਅਤੇ ਸਿੰਗਰ ਸਲੀਮ-ਸੁਲੇਮਾਨ ਦੇ ਸਟੂਡੀਓ ਬਲੂ ਪ੍ਰੋਡਕਸ਼ਨਜ਼ ਦੀਆਂ ਤਸਵੀਰਾਂ ਆਪਣੇ ਦਰਸ਼ਕਾਂ ਨਾਲ ਸਾਂਝੀਆਂ ਕੀਤੀਆਂ ਸਨ।
ਉਸਨੇ ਸਾਫ ਤੌਰ ਤੇ ਤਾਂ ਕੁਝ ਸਪਸ਼ਟ ਨਹੀ ਕੀਤਾ ਕਿ ਉਹ ਕੀ ਕਰਨ ਗਈ ਸੀ ਜਾਂ ਕਿਦਾਂ ਉਹ ਉੱਥੇ ਪਹੁੰਚੀ ਪਰ ਉਸਨੇ ‘ਸ਼ਾਇਰਾਨਾ’ ਗਾਣਾ ਗਾਇਆ ਜੋ ਕਿ ਸਲੀਮ ਦੀ ਹੀ ਕੰਪੋਜਿਸ਼ਨ ਸੀ।
ਵੀਡੀਓ ਵਿੱਚ ਸਲੀਮ ਕੀ-ਬੋਰਡ ਪਲੇ ਕਰਦੇ ਦਿਖਾਈ ਦਿੱਤੇ ਅਤੇ ਅਫਸਾਨਾ ਗਾਉਂਦੀ ਹੋਈ ਦਿਖਾਈ ਦੇ ਰਹੀ ਸੀ। ਉਸਨੇ ਇਦਾਂ ਦੀਆਂ 3-4 ਵੀਡਿਓਜ਼ ਸ਼ੇਅਰ ਕੀਤੀਆਂ ਹਨ।
ਤਸਵੀਰਾਂ ਵਿੱਚ ਅਸੀਂ ਰੈਪਰ ਰਫਤਾਰ ਨੂੰ ਵੀ ਉਹਨਾਂ ਦੇ ਨਾਲ ਵੇਖ ਸਕਦੇ ਹਾਂ। ਮੁੱਕਦੀ ਗੱਲ ਉਹਨਾਂ ਨੇ ਬਾਲੀਵੁੱਡ ਵਿੱਚ ਕਦੋ ਐਂਟਰੀ ਕਰਨੀ ਹੈ ਇਹ ਤਾ ਉਹ ਖੁਦ ਹੀ ਦਸਣਗੇ ਪਰ ਜਦ ਤੱਕ ਕੋਈ official ਅਨਾਊਂਸਮੈਂਟ ਨਹੀਂ ਆ ਜਾਂਦੀ ਤਦ ਤੱਕ ਸਾਨੂੰ ਉਡੀਕ ਕਰਨੀ ਪਏਗੀ।
ਇਹ ਵੀ ਦੇਖੋ : ਮਰ ਚੁੱਕੀ ਹੈ ਇਨਸਾਨਿਅਤ ! Blood Bank ਵਾਲੇ ਦੀ ਖੂਨ ਦੇਣ ਤੋਂ ਨਾਂਹ ਪਿੱਛੇ ਦਮ ਤੋੜ ਗਈ ਬੱਚੀ!
