amrita singh birthday kareena : ਅੰਮ੍ਰਿਤਾ ਸਿੰਘ 80 ਦੇ ਦਹਾਕੇ ਦੀ ਮਸ਼ਹੂਰ ਅਦਾਕਾਰਾ ਸੀ। ਅੱਜ ਯਾਨੀ 9 ਫਰਵਰੀ ਨੂੰ ਉਹ ਆਪਣਾ 63ਵਾਂ ਜਨਮਦਿਨ ਮਨਾ ਰਹੀ ਹੈ। ਸੈਫ ਬਾਲੀਵੁੱਡ ‘ਚ ਉਸ ਸਮੇਂ ਸੰਘਰਸ਼ ਕਰ ਰਹੇ ਸਨ ਜਦੋਂ ਦੋ ਵਾਰ ਪਿਆਰ ‘ਚ ਧੋਖਾ ਖਾ ਕੇ ਅੰਮ੍ਰਿਤਾ ਸਿੰਘ ਨੇ ਸੈਫ ਨਾਲ ਵਿਆਹ ਕਰ ਲਿਆ ਸੀ।
ਅੰਮ੍ਰਿਤਾ ਨੇ ਸਿਰਫ ਤਿੰਨ ਮਹੀਨਿਆਂ ਦੀ ਡੇਟਿੰਗ ‘ਚ 20 ਸਾਲ ਦੇ ਸੈਫ ਨਾਲ ਵਿਆਹ ਕਰਨ ਦਾ ਫੈਸਲਾ ਕਰ ਲਿਆ ਸੀ। ਕਿਉਂਕਿ ਇਹ ਵਿਆਹ ਪਟੌਦੀ ਪਰਿਵਾਰ ਦੇ ਬੇਟੇ ਦਾ ਸੀ, ਇਸ ਲਈ ਉਸ ਸਮੇਂ ਇਸ ਵਿਆਹ ‘ਚ ਕਈ ਵੱਡੇ ਦਿੱਗਜਾਂ ਨੇ ਸ਼ਿਰਕਤ ਕੀਤੀ ਸੀ।
ਇਸ ਵਿਆਹ ‘ਚ ਕਪੂਰ ਪਰਿਵਾਰ ਵੀ ਸ਼ਾਮਲ ਹੋਇਆ ਸੀ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਕਰੀਨਾ ਵੀ ਸੈਫ ਅਤੇ ਅੰਮ੍ਰਿਤਾ ਦੇ ਵਿਆਹ ‘ਚ ਮਹਿਮਾਨ ਦੇ ਤੌਰ ‘ਤੇ ਪਹੁੰਚੀ ਸੀ ਅਤੇ ਵਿਆਹ ਦੀ ਵਧਾਈ ਦਿੱਤੀ ਸੀ।
ਸੈਫ ਨੂੰ ਉਨ੍ਹਾਂ ਦੇ ਵਿਆਹ ਦੀ ਵਧਾਈ ਦਿੰਦੇ ਹੋਏ ਕਰੀਨਾ ਨੇ ਕਿਹਾ, ‘ਮੁਬਾਰਕ ਹੋ ਸੈਫ ਅੰਕਲ’। ਸੈਫ ਨੇ ਵੀ ਮੁਸਕਰਾਉਂਦੇ ਹੋਏ ਕਿਹਾ- ‘ਥੈਂਕ ਯੂ ਬੇਟਾ’। ਹਾਲਾਂਕਿ, ਸਮੇਂ ਨੇ ਅਜਿਹਾ ਮੋੜ ਲਿਆ ਕਿ ਕਰੀਨਾ ਅਤੇ ਸੈਫ ਨੂੰ ਇੱਕ ਦੂਜੇ ਨਾਲ ਪਿਆਰ ਹੋ ਗਿਆ।
ਅੱਜ ਕਰੀਨਾ ਸੈਫ ਦੀ ਬੇਗਮ ਹੈ। ਅੰਮ੍ਰਿਤਾ ਅਤੇ ਸੈਫ ਦਾ ਰਿਸ਼ਤਾ ਕਾਫੀ ਕੁੜੱਤਣ ਤੋਂ ਬਾਅਦ ਖਤਮ ਹੋਇਆ। 2004 ‘ਚ ਪੈਸਿਆਂ ਨੂੰ ਲੈ ਕੇ ਹੋਏ ਝਗੜੇ ਅਤੇ ਸੈਫ ਦੇ ਐਕਸਟਰਾ ਮੈਰਿਟਲ ਅਫੇਅਰ ਕਾਰਨ ਦੋਹਾਂ ਦਾ ਤਲਾਕ ਹੋ ਗਿਆ।
ਅੰਮ੍ਰਿਤਾ ਤੋਂ ਵੱਖ ਹੋਣ ਤੋਂ ਬਾਅਦ ਸੈਫ ਨੇ ਸਵਿਸ ਮਾਡਲ ਰੋਜ਼ਾ ਕੈਟਾਲਾਨੋ ਨੂੰ 3 ਸਾਲ ਤੱਕ ਡੇਟ ਕੀਤਾ ਅਤੇ ਫਿਰ ਦੋਹਾਂ ਦਾ ਬ੍ਰੇਕਅੱਪ ਹੋ ਗਿਆ। ਕੁਝ ਸਾਲਾਂ ਬਾਅਦ ਫਿਲਮ ਦੀ ਸ਼ੂਟਿੰਗ ਦੌਰਾਨ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਖਾਨ ਦੀ ਮੁਲਾਕਾਤ ਹੋਈ ਅਤੇ ਕੰਮ ਦੇ ਨਾਲ-ਨਾਲ ਦੋਵਾਂ ਵਿਚਾਲੇ ਨੇੜਤਾ ਵਧਦੀ ਗਈ।
ਦੋਵਾਂ ਨੇ 5 ਸਾਲ ਤੱਕ ਇੱਕ ਦੂਜੇ ਨੂੰ ਡੇਟ ਕੀਤਾ ਅਤੇ ਫਿਰ 2012 ਵਿੱਚ ਵਿਆਹ ਕਰ ਲਿਆ। ਸੈਫ ਅਲੀ ਖਾਨ ਦੇ ਚਾਰ ਬੱਚੇ ਹਨ। ਦੋ ਪਹਿਲੀ ਪਤਨੀ ਅੰਮ੍ਰਿਤਾ ਸਿੰਘ ਤੋਂ ਅਤੇ ਦੋ ਕਰੀਨਾ ਕਪੂਰ ਖਾਨ ਤੋਂ। ਸੈਫ ਦੀ ਬੇਟੀ ਸਾਰਾ ਅਲੀ ਖਾਨ ਇਕ ਮਸ਼ਹੂਰ ਅਭਿਨੇਤਰੀ ਹੈ।
