29 ਜੂਨ ਤੋਂ ਪਵਿੱਤਰ ਅਮਰਨਾਥ ਯਾਤਰਾ ਸ਼ੁਰੂ ਹੋਣ ਜਾ ਰਹੀ ਹੈ । ਇਹ ਯਾਤਰਾ 52 ਦਿਨ ਤੱਕ ਚੱਲੇਗੀ । ਪਿਛਲੀ ਵਾਰ 1 ਜੁਲਾਈ ਤੋਂ 60 ਦਿਨਾਂ ਤੱਕ ਚੱਲੀ ਸੀ । ਇਸ ਵਾਰ ਬਰਫਬਾਰੀ ਦੇਰੀ ਨਾਲ ਹੋਈ ਅਤੇ ਅਜੇ ਵੀ ਜਾਰੀ ਹੈ । ਗੁਫਾ ਖੇਤਰ ਵਿੱਚ 10 ਫੁੱਟ ਤੋਂ ਜ਼ਿਆਦਾ ਬਰਫ ਜੰਮੀ ਹੋਈ ਹੈ । ਯਾਤਰਾ ਦੇ ਦੋਵੇਂ ਰੂਟ ਪਹਿਲਗਾਮ ਅਤੇ ਬਾਲਟਾਲ ਤੋਂ ਗੁਫਾ ਤੱਕ 2 ਤੋਂ 10 ਫੁੱਟ ਤੱਕ ਬਰਫ ਵਿੱਚ ਦੱਬੇ ਹੋਏ ਹਨ। ਇਸ ਲਈ ਇਸਦੇ ਜੂਨ ਤੱਕ ਪਿਘਲਣ ਦੀ ਸੰਭਾਵਨਾ ਘੱਟ ਹੈ । ਅਜਿਹੇ ਵਿੱਚ ਫੌਜ ਹਰ ਮੌਸਮ ਦੇ ਹਿਸਾਬ ਨਾਲ ਯਾਤਰਾ ਦਾ ਰਸਤਾ ਤਿਆਰ ਕਰ ਰਹੀ ਹੈ।
Amarnath Yatra 2024
ਪਹਿਲੀ ਵਾਰ, ਦੋਵੇਂ ਰੂਟ ਪੂਰੀ ਤਰ੍ਹਾਂ 5ਜੀ ਫਾਈਬਰ ਨੈੱਟਵਰਕ ਨਾਲ ਲੈਸ ਹੋਣਗੇ । ਬਰਫ਼ ਪਿਘਲਦੇ ਹੀ 10 ਮੋਬਾਈਲ ਟਾਵਰ ਲਗਾਏ ਜਾਣਗੇ । 24 ਘੰਟੇ ਬਿਜਲੀ ਦੇ ਲਈ ਜ਼ਿਆਦਾਤਰ ਖੰਭੇ ਲਗਾਏ ਗਏ ਹਨ। ਕਸ਼ਮੀਰ ਦੇ ਡਿਵੀਜ਼ਨਲ ਕਮਿਸ਼ਨਰ ਵਿਜੇ ਕੁਮਾਰ ਬਿਧੂੜੀ ਦੇ ਮੁਤਾਬਕ ਇਸ ਵਾਰ ਸਾਡਾ ਧਿਆਨ ਯਾਤਰੀਆਂ ਦੀ ਸਹੂਲਤ ਵਧਾਉਣ ‘ਤੇ ਹੈ। ਪੂਰੇ ਰੂਟ ‘ਤੇ ਖਾਣ ਪੀਣ, ਰੁਕਣ ਅਤੇ ਸਿਹਤ ਜਾਂਚ ਲਈ ਵੱਧ ਤੋਂ ਵੱਧ ਪ੍ਰਬੰਧ ਕੀਤੇ ਜਾ ਰਹੇ ਹਨ। ਇਸ ਤੋਂ ਪਹਿਲਾਂ ਪਹਿਲਗਾਮ ਤੋਂ ਗੁਫਾ ਤੱਕ ਦਾ 46 ਕਿਲੋਮੀਟਰ ਲੰਬਾ ਰਸਤਾ 3 ਤੋਂ 4 ਫੁੱਟ ਚੌੜਾ ਸੀ ਜਦਕਿ ਬਾਲਟਾਲ ਦਾ ਰਸਤਾ ਸਿਰਫ 2 ਫੁੱਟ ਚੌੜਾ ਸੀ । ਹੁਣ ਇਸ ਨੂੰ 14 ਫੁੱਟ ਚੌੜਾ ਕਰ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ: ਸੰਗਰੂਰ ਜ਼ਹਿਰੀਲੀ ਸ਼ਰਾਬ ਮਾਮਲਾ: ਪੀੜਤ ਪਰਿਵਾਰਾਂ ਨੂੰ ਮਿਲਣ ਪਹੁੰਚੇ CM ਮਾਨ, ਦਿੱਤਾ ਵੱਡਾ ਬਿਆਨ
ਉਨ੍ਹਾਂ ਅੱਗੇ ਕਿਹਾ ਕਿ ਬਰਫ ਹਟਾ ਕੇ ਰਸਤੇ ਦੀ ਮੁਰੰਮਤ ਕੀਤੀ ਜਾਵੇਗੀ । ਪਿਛਲੀ ਵਾਰ 4.50 ਲੱਖ ਸ਼ਰਧਾਲੂ ਆਏ ਸਨ। ਇਸ ਵਾਰ ਇਹ ਅੰਕੜਾ 6 ਲੱਖ ਤੱਕ ਜਾ ਸਕਦਾ ਹੈ। ਯਾਤਰਾ ਥੋੜ੍ਹੇ ਸਮੇਂ ਦੀ ਹੈ ਅਤੇ ਸੰਗਤ ਜ਼ਿਆਦਾ ਹੋਵੇਗੀ, ਇਸ ਲਈ ਹੋਰ ਪ੍ਰਬੰਧ ਕੀਤੇ ਜਾ ਰਹੇ ਹਨ। ਫੌਜ ਨੇ ਬਾਲਟਾਲ-ਗੁਫਾ ਸੜਕ ‘ਤੇ ਬਰਫ ਹਟਾਉਣੀ ਸ਼ੁਰੂ ਕਰ ਦਿੱਤੀ ਹੈ।
Amarnath Yatra 2024
ਦੱਸ ਦੇਈਏ ਕਿ ਸ਼੍ਰਾਈਨ ਬੋਰਡ ਵੀ ਪਹਿਲੀ ਵਾਰ ਮੈਡੀਕਲ ਪ੍ਰਬੰਧ ਵਧਾ ਰਿਹਾ ਹੈ। ਬਾਲਟਾਲ ਅਤੇ ਚੰਦਨਬਾੜੀ ਵਿੱਚ ਦੋ ਕੈਂਪ ਹਸਪਤਾਲ ਹੋਣਗੇ ਜੋ 100-100 ਆਈਸੀਯੂ ਬੈੱਡਾਂ, ਉੱਨਤ ਉਪਕਰਣ, ਐਕਸ-ਰੇ, ਅਲਟਰਾਸੋਨੋਗ੍ਰਾਫੀ ਮਸ਼ੀਨ, ਗੰਭੀਰ ਦੇਖਭਾਲ ਮਾਹਿਰ, ਕਾਰਡੀਆਕ ਮਾਨੀਟਰ, ਤਰਲ ਆਕਸੀਜਨ ਪਲਾਂਟ ਨਾਲ ਲੈਸ ਹੋਣਗੇ । ਇੱਥੇ ਹਵਾ ਵਿੱਚ ਆਕਸੀਜਨ ਘੱਟ ਰਹਿੰਦੀ ਹੈ, ਇਸ ਲਈ ਯਾਤਰਾ ਦੇ ਰੂਟ ‘ਤੇ 100 ਸਥਾਈ ਆਕਸੀਜਨ ਬੂਥ ਅਤੇ ਮੋਬਾਈਲ ਆਕਸੀਜਨ ਬੂਥ ਹੋਣਗੇ । ਪਵਿੱਤਰ ਗੁਫਾ, ਸ਼ੇਸ਼ਨਾਗ ਅਤੇ ਪੰਚਤਰਨੀ ਵਿਖੇ ਤਿੰਨ ਛੋਟੇ ਹਸਪਤਾਲ ਹੋਣਗੇ।
ਵੀਡੀਓ ਲਈ ਕਲਿੱਕ ਕਰੋ -:
