ਸਿਆਚਿਨ ਗਲੇਸ਼ੀਅਰ ਵਿੱਚ ਫੌਜ ਦੀ ਆਪ੍ਰੇਸ਼ਨਲ ਪੋਸਟ ‘ਤੇ ਪਹਿਲੀ ਵਾਰ ਮਹਿਲਾ ਮੈਡੀਕਲ ਅਫਸਰ ਦੀ ਤਾਇਨਾਤੀ ਕੀਤੀ ਗਈ ਹੈ। ਕੈਪਟਨ ਫਾਤਿਮਾ ਵਸੀਮ ਨੂੰ ਇਹ ਜ਼ਿੰਮੇਵਾਰੀ ਸੌਂਪੀ ਗਈ ਹੈ। ਉਨ੍ਹਾਂ ਦੀ ਪੋਸਟ 15 ਹਜ਼ਾਰ 200 ਫੁੱਟ ਦੀ ਉਚਾਈ ‘ਤੇ ਹੋਵੇਗੀ। ਸੋਸ਼ਲ ਮੀਡੀਆ ‘ਤੇ ਫੌਜ ਦੇ ਫਾਇਰ ਐਂਡ ਫਿਊਰੀ ਕੋਰ ਨੇ ਸੋਮਵਾਰ ਨੂੰ ਇਸ ਗੱਲ ਦੀ ਜਾਣਕਾਰੀ ਦਿੱਤੀ। ਫਾਇਰ ਐਂਡ ਫਿਊਰੀ ਕੋਰ ਨੇ ਇੱਕ ਵੀਡੀਓ ਜਾਰੀ ਕੀਤੀ, ਜਿਸ ਵਿੱਚ ਸਿਆਚਿਨ ਬੈਟਲ ਸਕੂਲ ਵਿੱਚ ਫਾਤਿਮਾ ਟ੍ਰੇਨਿੰਗ ਲੈਂਦੀ ਦਿਖਾਈ ਦਿੱਤੀ।
Capt Fatima wasim became first woman
ਫਾਇਰ ਐਂਡ ਫਿਊਰੀ ਕਾਰਪਸ ਨੂੰ ਅਧਿਕਾਰਿਕ ਤੌਰ ‘ਤੇ 14 ਵਾਂ ਕਾਰਪਸ ਕਿਹਾ ਜਾਂਦਾ ਹੈ। ਇਸਦਾ ਹੈੱਡਕੁਆਰਟਰ ਲੇਹ ਵਿੱਚ ਹੈ। ਇਸਦੀ ਤਾਇਨਾਤੀ ਚੀਨ-ਪਾਕਿਸਤਾਨ ਦੀਆਂ ਸਰਹੱਦਾਂ ‘ਤੇ ਹੁੰਦੀ ਹੈ। ਨਾਲ ਹੀ ਇਹ ਸਿਆਚਿਨ ਗਲੇਸ਼ੀਅਰ ਦੀ ਰਾਖੀ ਕਰਦੇ ਹਨ। ਇਸ ਤੋਂ ਪਹਿਲਾਂ 5 ਦਸੰਬਰ 2023 ਨੂੰ ਫੌਜ ਨੇ ਦੱਸਿਆ ਕਿ ਸਨੋਅ ਲੈਪਰਡ ਬ੍ਰਿਗੇਡ ਦੀ ਕੈਪਟਨ ਗੀਤਿਕਾ ਕੌਲ ਪਹਿਲੀ ਮੈਡੀਕਲ ਅਫਸਰ ਬਣੀ ਸੀ। ਉਨ੍ਹਾਂ ਨੂੰ ਸਿਆਚਿਨ ਦੀ ਬੈਟਲਫ਼ੀਡ ‘ਤੇ ਤਾਇਨਾਤ ਕੀਤਾ ਗਿਆ ਹੈ। ਜਿਸਦੀ ਉਚਾਈ 15,600 ਫੁੱਟ ਹੈ।
ਇਹ ਵੀ ਪੜ੍ਹੋ: ਪਟਿਆਲਾ ‘ਚ ਗਾਇਕ ਸਤਿੰਦਰ ਸਰਤਾਜ ਦੇ ਚਲਦੇ ਸ਼ੋਅ ਨੂੰ ਪੁਲਿਸ ਨੇ ਕਰਵਾਇਆ ਬੰਦ, ਇਹ ਸੀ ਵਜ੍ਹਾ
ਦੱਸ ਦੇਈਏ ਕਿ ਸਿਆਚਿਨ ਗਲੇਸ਼ੀਅਰ ਭਾਰਤ-ਪਾਕਿ ਬਾਰਡਰ ਨੇੜੇ ਕਰੀਬ 78 ਕਿਮੀ ਵਿਚ ਫੈਲਿਆ ਹੋਇਆ ਹੈ। ਇਸਦੇ ਇੱਕ ਪਾਸੇ ਪਾਕਿਸਤਾਨ, ਦੂਜੇ ਪਾਸੇ ਅਕਸਾਈ ਚੀਨ ਹੈ। 1972 ਦੇ ਸ਼ਿਮਲਾ ਸਮਝੌਤੇ ਵਿੱਚ ਸਿਆਚਿਨ ਨੂੰ ਬੇਜਾਨ ਤੇ ਬੰਜਰ ਦੱਸਿਆ ਗਿਆ ਸੀ। ਹਾਲਾਂਕਿ ਉਦੋਂ ਭਾਰਤ-ਚਾਂ ਦੇ ਵਿਚਾਲੇ ਇਸਦੀ ਸੀਮਾ ਦਾ ਨਿਰਧਾਰਣ ਨਹੀਂ ਹੋਇਆ ਸੀ।
ਵੀਡੀਓ ਲਈ ਕਲਿੱਕ ਕਰੋ : –
