ਰਾਮਲੱਲਾ ਦੇ ਪਵਿੱਤਰ ਸਮਾਰੋਹ ਵਿੱਚ ਆਉਣ ਵਾਲੇ ਮਹਿਮਾਨਾਂ ਨੂੰ ਦੇਸੀ ਪਕਵਾਨਾਂ ਦਾ ਸਵਾਦ ਚੱਖਣ ਨੂੰ ਮਿਲੇਗਾ । ਅਯੁੱਧਿਆ ਦੀ ਮਰਿਆਦਾ ਨੂੰ ਮੁੱਖ ਰੱਖਦਿਆਂ ਸ਼ੁੱਧ ਸਾਤਵਿਕ ਭੋਜਨ ਹੀ ਪਰੋਸਿਆ ਜਾਵੇਗਾ। ਇਸ ਸਬੰਧੀ ਵੱਡੇ ਪੱਧਰ ‘ਤੇ ਤਿਆਰੀਆਂ ਚੱਲ ਰਹੀਆਂ ਹਨ । ਵੱਖ-ਵੱਖ ਰਾਜਾਂ ਦੀ ਪਛਾਣ ਰੱਖਣ ਵਾਲੇ ਪਕਵਾਨ ਵੀ ਤਿਆਰ ਕੀਤੇ ਜਾਣਗੇ। ਜਿਵੇਂ ਕਿ ਲਿੱਟੀ-ਚੋਖਾ, ਰਾਜਸਥਾਨੀ ਦਾਲ ਬਾਟੀ ਚੂਰਮਾ, ਪੰਜਾਬੀ ਤੜਕਾ, ਦੱਖਣੀ ਭਾਰਤੀ ਮਸਾਲਾ ਡੋਸਾ ਅਤੇ ਇਡਲੀ, ਬੰਗਾਲੀ ਰਸਗੁੱਲੇ ਤੇ ਜਲੇਬੀ ਵਰਗੇ ਖਾਸ ਪਕਵਾਨ ਤੇ ਮਿਠਾਈਆਂ ਨੂੰ Menu ਵਿੱਚ ਸ਼ਾਮਿਲ ਕੀਤਾ ਗਿਆ ਹੈ।
Pran pratishtha guests will taste
ਸੰਘ ਆਗੂ ਗਜੇਂਦਰ ਸਿੰਘ ਨੇ ਦੱਸਿਆ ਕਿ ਤੀਰਥ ਖੇਤਰ ਪੁਰਮ ਵਿੱਚ ਸਾਧੂ-ਸੰਤਾਂ ਅਤੇ ਮਹਾਂਪੁਰਖਾਂ ਲਈ ਭੋਜਨ ਦਾ ਪ੍ਰਬੰਧ ਕੀਤਾ ਗਿਆ ਹੈ । ਇੱਥੇ ਛੇ ਉਪਨਗਰ ਬਣਾਏ ਗਏ ਹਨ। ਵੱਖ-ਵੱਖ ਰਾਜਾਂ ਲਈ ਵੱਖ-ਵੱਖ ਰੈਸਟੋਰੈਂਟ ਬਣਾਏ ਗਏ ਹਨ । ਬਾਗ ਬੀਜੇਸੀ ਦੇ ਇੱਕ ਕਸਬੇ ਵਿੱਚ ਪੰਜਾਬੀ ਰੈਸਟੋਰੈਂਟ ਬਣੇਗਾ । ਹੋਰ ਸ਼ਹਿਰਾਂ ਵਿੱਚ ਤੇਲੰਗਾਨਾ, ਮਹਾਰਾਸ਼ਟਰ ਅਤੇ ਰਾਜਸਥਾਨ ਦੇ ਸ਼ਰਧਾਲੂਆਂ ਲਈ ਲੰਗਰ ਦਾ ਪ੍ਰਬੰਧ ਕੀਤਾ ਜਾਵੇਗਾ । ਇਸ ਦੇ ਨਾਲ ਹੀ ਵੱਖ-ਵੱਖ ਥਾਵਾਂ ‘ਤੇ ਰੈਸਟੋਰੈਂਟ ਵੀ ਚਲਾਏ ਜਾਣਗੇ। ਉਦਾਸੀਨ ਆਸ਼ਰਮ ਦੇ ਸਾਹਮਣੇ ਸਥਿਤ ਰੈਸਟੋਰੈਂਟ ਦਾ ਸੰਚਾਲਨ ਇਸਕੋਨ ਮੰਦਿਰ ਵੱਲੋਂ ਕੀਤਾ ਜਾਵੇਗਾ। ਅਕਸ਼ੈ ਪਾਤਰ ਫਾਊਂਡੇਸ਼ਨ ਨੇ ਵੀ ਇੱਕ ਰੈਸਟੋਰੈਂਟ ਦਾ ਚਾਰਜ ਸੰਭਾਲਿਆ ਹੈ। ਇਸ ਰੈਸਟੋਰੈਂਟ ਨੂੰ ਦੱਖਣੀ ਭਾਰਤ ਦੀ ਅੰਮਾ ਜੀ ਰਸੋਈ ਵੀ ਚਲਾਏਗੀ।
ਇਹ ਵੀ ਪੜ੍ਹੋ: ਚੰਡੀਗੜ੍ਹ ਪ੍ਰਸ਼ਾਸ਼ਨ ਨੇ ਸਕੂਲਾਂ ਦੀਆਂ ਛੁੱਟੀਆਂ ‘ਚ ਕੀਤਾ ਵਾਧਾ, ਠੰਢ ਦੇ ਮੱਦੇਨਜ਼ਰ ਲਿਆ ਫੈਸਲਾ
ਸਮਾਗਮ ਵਿੱਚ ਸੰਤਾਂ-ਮਹਾਂਪੁਰਸ਼ਾਂ ਲਈ ਵਿਸ਼ੇਸ਼ ਪ੍ਰਬੰਧ ਕੀਤੇ ਗਏ ਹਨ । ਉਨ੍ਹਾਂ ਲਈ ਫਲਾਂ ਤੋਂ ਇਲਾਵਾ ਕੁੱਟੂ ਦੇ ਆਟੇ ਦੀ ਪੁਰੀ, ਸਾਬੂਦਾਣੇ ਦੀਆਂ ਆਈਟਮਾਂ ਅਤੇ ਮੂੰਗਫਲੀ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ ਕਣਕ ਦੇ ਆਟੇ ਦੀ ਪੁਰੀ, ਚਾਰ ਕਿਸਮ ਦੀਆਂ ਸਬਜ਼ੀਆਂ, ਰੋਟੀਆਂ, ਬਾਸਮਤੀ ਚਾਵਲ, ਗੋਵਿੰਦ ਭੋਗ ਚੌਲ, ਕਚੌਰੀ, ਦਾਲ, ਪਾਪੜ, ਖੀਰ ਅਤੇ ਕਰੀਬ 10 ਤਰ੍ਹਾਂ ਦੀਆਂ ਮਠਿਆਈਆਂ ਦਿੱਤੀਆਂ ਜਾਣਗੀਆਂ। ਨਾਸ਼ਤੇ ਵਿੱਚ ਦਹੀਂ ਜਲੇਬੀ, ਮੂੰਗੀ ਦੀ ਦਾਲ ਅਤੇ ਗਾਜਰ ਦਾ ਹਲਵਾ, ਚਾਹ, ਕੌਫੀ ਅਤੇ ਚਾਰ-ਪੰਜ ਕਿਸਮਾਂ ਦੇ ਪਕੌੜਿਆਂ ਦਾ ਪ੍ਰਬੰਧ ਕੀਤਾ ਗਿਆ ਹੈ । ਇਸ ਵਿੱਚ ਕੀ ਵਧਾਇਆ ਜਾਂ ਘਟਾਇਆ ਜਾ ਸਕਦਾ ਹੈ, ਇਸ ਬਾਰੇ ਵੀ ਚਰਚਾ ਚੱਲ ਰਹੀ ਹੈ।
ਦੱਸ ਦੇਈਏ ਕਿ ਹਜ਼ਾਰਾਂ ਮਹਿਮਾਨਾਂ ਅਤੇ ਸ਼ਰਧਾਲੂਆਂ ਲਈ ਭੋਜਨ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ । ਦਿੱਲੀ ਤੋਂ ਇੱਕ ਮਸ਼ੀਨ ਮੰਗਾਈ ਜਾ ਰਹੀ ਹੈ ਜੋ ਇੱਕ ਵਾਰ ਵਿੱਚ 10 ਹਜ਼ਾਰ ਇਡਲੀ ਬਣਾਏਗੀ । ਇਹ ਮਸ਼ੀਨ 15 ਜਨਵਰੀ ਤੱਕ ਅਯੁੱਧਿਆ ਪਹੁੰਚ ਜਾਵੇਗੀ। ਕਨੌਜ ਤੋਂ ਆਲੂ, ਛੱਤੀਸਗੜ੍ਹ ਤੋਂ ਚਾਵਲ, ਅਸਾਮ ਤੋਂ ਚਾਹ ਪੱਤੀ ਅਤੇ ਅਦਰਕ, ਅਮੇਠੀ ਤੋਂ ਰਾਜੇਸ਼ ਮਸਾਲੇ, ਬੁਲੰਦਸ਼ਹਿਰ ਤੋਂ ਚੀਨੀ ਅਤੇ ਰਾਜਸਥਾਨ ਤੋਂ ਘਿਓ ਸਮੇਤ ਵੱਡੀ ਮਾਤਰਾ ਵਿੱਚ ਅਨਾਜ ਦੀ ਆਮਦ ਲਗਾਤਾਰ ਹੋ ਰਹੀ ਹੈ।
ਵੀਡੀਓ ਲਈ ਕਲਿੱਕ ਕਰੋ –
“ਰੇਡਾਂ ਮਾਰਨ ਵਾਲਾ ਧਾਕੜ ਅਫ਼ਸਰ ਕਿਉਂ ਰੋ ਪਿਆ ? ਕਹਿੰਦਾ, ਕਦੇ ਵੀ ਵਿਆਹ ਦੀ ਰੋਟੀ ਨਾ ਖਾਓ”
