ਇੰਡੀਅਨ ਪ੍ਰੀਮੀਅਰ ਲੀਗ (IPL) 2024 ਲਈ ਖਿਡਾਰੀਆਂ ਦੀ ਨਿਲਾਮੀ ਮੰਗਲਵਾਰ (19 ਦਸੰਬਰ) ਨੂੰ ਦੁਬਈ ਵਿੱਚ ਹੋਈ । ਇਸ ਦੌਰਾਨ ਫ੍ਰੈਂਚਾਇਜ਼ੀਜ਼ ਨੇ ਆਸਟ੍ਰੇਲੀਆਈ ਟੀਮ ਦੇ ਕਪਤਾਨ ਪੈਟ ਕਮਿੰਸ ਅਤੇ ਮਿਸ਼ੇਲ ਸਟਾਰਕ ‘ਤੇ ਕਾਫੀ ਪੈਸਾ ਖਰਚ ਕੀਤਾ । ਦੋਵਾਂ ਨੇ ਮਿਲ ਕੇ 45.25 ਕਰੋੜ ਰੁਪਏ ਕਮਾਏ ਹਨ । ਇਸ ਨਿਲਾਮੀ ਨੂੰ ਦੇਖ ਕੇ ਕਈ ਦਿੱਗਜ ਖਿਡਾਰੀ ਵੀ ਹੈਰਾਨ ਰਹਿ ਗਏ । ਇਨ੍ਹਾਂ ਵਿੱਚੋਂ ਇੱਕ ਸਾਬਕਾ ਭਾਰਤੀ ਦਿੱਗਜ ਆਕਾਸ਼ ਚੋਪੜਾ ਵੀ ਹੈ, ਜਿਨ੍ਹਾਂ ਨੇ ਇਨ੍ਹਾਂ ਦੋਹਾਂ ਵੱਡੀਆਂ ਨੀਲਾਮੀ ‘ਤੇ ਇਤਰਾਜ਼ ਜਤਾਇਆ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਉਨ੍ਹਾਂ ਨੂੰ ਇੰਨੇ ਪੈਸੇ ਮਿਲੇ ਹਨ ਤਾਂ ਵਿਰਾਟ ਕੋਹਲੀ 42 ਕਰੋੜ ਅਤੇ ਜਸਪ੍ਰੀਤ ਬੁਮਰਾਹ 41 ਕਰੋੜ ਰੁਪਏ ਵਿੱਚ ਵਿਕਣੇ ਚਾਹੀਦੇ ਹਨ।
Aakash chopra on IPL auction 2024
ਆਕਾਸ਼ ਚੋਪੜਾ ਨੇ ਕਿਹਾ ਕਿ ਇਸ ਸਮੇਂ ਟੀ-20 ਦਾ ਨੰਬਰ-1 ਗੇਂਦਬਾਜ਼ ਕੌਣ ਹੈ? ਉਸਦਾ ਨਾਮ ਜਸਪ੍ਰੀਤ ਬੁਮਰਾਹ ਹੈ। ਬੁਮਰਾਹ ਨੂੰ 12 ਕਰੋੜ ਅਤੇ ਮਿਸ਼ੇਲ ਸਟਾਰਕ ਨੂੰ 25 ਕਰੋੜ ਰੁਪਏ ਮਿਲੇ ਹਨ। ਇਹ ਬਹੁਤ ਗਲਤ ਹੈ। ਮੈਂ ਚਾਹੁੰਦਾ ਹਾਂ ਕਿ ਹਰ ਕਿਸੇ ਨੂੰ ਵੱਧ ਤੋਂ ਵੱਧ ਪੈਸਾ ਮਿਲੇ, ਪਰ ਇਹ ਗੱਲ ਵੀ ਸਹੀ ਨਹੀਂ ਹੈ । ਕਿਉਂਕਿ ਇਹ ਇੰਡੀਅਨ ਪ੍ਰੀਮੀਅਰ ਲੀਗ ਹੈ। ਹੁਣ ਇਹ ਮੰਗ ਅਤੇ ਸਪਲਾਈ ਦੀ ਕਹਾਣੀ ਹੈ, ਇੱਕ ਨੂੰ ਇੰਨਾ ਪੈਸਾ ਮਿਲਦਾ ਹੈ ਅਤੇ ਦੂਜੇ ਨੂੰ ਬਹੁਤ ਘੱਟ ਮਿਲਦਾ ਹੈ।
ਆਕਾਸ਼ ਨੇ ਕਿਹਾ ਕਿ ਵਫ਼ਾਦਾਰੀ ਰਾਇਲਟੀ ਹੈ। ਜੇਕਰ ਬੁਮਰਾਹ ਮੁੰਬਈ ਇੰਡੀਅਨਜ਼ ਕਹੇ ਕਿ ਮੈਨੂੰ ਛੱਡ ਦਿਓ ਅਤੇ ਮੈਂ ਨਿਲਾਮੀ ਵਿੱਚ ਜਾਵਾਂਗਾ । ਜਾਂ ਫਿਰ ਕੋਹਲੀ ਇਹੀ ਗੱਲ RCB ਨੂੰ ਕਹਿਣ । ਫਿਰ ਇਨ੍ਹਾਂ ਦੀ ਕੀਮਤ ਨੂੰ ਦੇਖਦੇ ਹੋਏ ਕੀ ਤੁਸੀਂ ਇਸ ਨੂੰ 35 ਕਰੋੜ ਰੁਪਏ ਵਿੱਚ ਖਰੀਦੋਗੇ? ਜੇਕਰ ਇਹ ਨਿਲਾਮੀ ਵਿੱਚ ਮਾਰਕਿਟ ਤੈਅ ਕਰਦੀ ਹੈ ਕਿ ਮਿਚੇਲ ਸਟਾਰਕ ਦੀ ਕੀਮਤ 25 ਕਰੋੜ ਰੁਪਏ ਹੋ ਸਕਦੀ ਹੈ ਤਾਂ ਇਹੀ ਮਾਰਕਿਟ ਇਹ ਵੀ ਤੈਅ ਕਰੇਗੀ ਕਿ ਵਿਰਾਟ ਕੋਹਲੀ ਤਾਂ 42 ਕਰੋੜ ਅਤੇ ਬੁਮਰਾਹ 41 ਕਰੋੜ ਰੁਪਏ ਦੇ ਹੋਣੇ ਚਾਹੀਦੇ ਹਨ ਅਤੇ ਰੋਹਿਤ ਸ਼ਰਮਾ, ਮਹਿੰਦਰ ਸਿੰਘ ਧੋਨੀ ਵੀ ਹੋਣੇ ਚਾਹੀਦੇ ਹਨ।
Aakash chopra on IPL auction 2024
ਆਕਾਸ਼ ਚੋਪੜਾ ਨੇ ਆਪਣੇ ਵਿਚਾਰ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੇ ਮੁਤਾਬਕ ਆਈ.ਪੀ.ਐੱਲ ਇੱਕ ਭਾਰਤੀ ਟੂਰਨਾਮੈਂਟ ਹੈ, ਇਸ ਲਈ ਇਸ ਨਿਲਾਮੀ ਵਿੱਚ ਭਾਰਤੀ ਖਿਡਾਰੀਆਂ ‘ਤੇ ਵੱਧ ਤੋਂ ਵੱਧ ਪੈਸਾ ਖਰਚ ਕਰਨਾ ਚਾਹੀਦਾ ਹੈ। ਆਕਾਸ਼ ਨੇ ਕਿਹਾ ਕਿ ਜੇ ਅਜਿਹਾ ਨਹੀਂ ਹੋ ਰਿਹਾ ਤਾਂ ਕਿਤੇ ਨਾ ਕਿਤੇ ਕੋਈ ਗਲਤੀ ਹੈ। ਹੁਣ ਇਸ ਨੂੰ ਕਿਵੇਂ ਸੁਲਝਾਉਣਾ ਹੈ, ਇਸ ਦਾ ਹੱਲ ਵਿਦੇਸ਼ੀ ਪਰਸ ਬਣਾਉਣਾ ਹੈ । ਮੰਨ ਲਓ ਕਿ 200 ਕਰੋੜ ਰੁਪਏ ਦਾ ਪਰਸ ਹੈ, ਤਾਂ ਇਸ ਵਿੱਚੋਂ 125 ਜਾਂ 150 ਕਰੋੜ ਰੁਪਏ ਭਾਰਤੀ ਖਿਡਾਰੀਆਂ ਲਈ ਰੱਖੋ। ਤੁਹਾਨੂੰ ਬਾਕੀ 8 ਵਿਦੇਸ਼ੀ ਖਿਡਾਰੀਆਂ ਨੂੰ 70 ਕਰੋੜ ਰੁਪਏ ਵਿੱਚ ਖਰੀਦਣਾ ਹੋਵੇਗਾ।
ਵੀਡੀਓ ਲਈ ਕਲਿੱਕ ਕਰੋ : –
