ਰੇਲਵੇ ਲਾਂਚ ਕਰੇਗਾ ਸੁਪਰ ਐਪ, ਇੱਕ ਹੀ ਐਪ ਨਾਲ ਹੋਣਗੇ ਟਿਕਟ ਬੁਕਿੰਗ ਤੋਂ ਲੈ ਕੇ ਟ੍ਰੇਨ ਸਟੇਟਸ ਚੈਕਿੰਗ ਵਰਗੇ ਕੰਮ

ਭਾਰਤੀ ਰੇਲਵੇ ਇੱਕ ਸੁਪਰ ਐਪ ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਰੇਲਵੇ ਦੇ ਇਸ ਸੁਪਰ ਐਪ ਨਾਲ ਕਈ ਕੰਮ ਕੀਤੇ ਜਾ ਸਕਦੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਰੇਲਵੇ ਦੇ ਸੁਪਰ ਐਪ ਦੇ ਜ਼ਰੀਏ ਟਿਕਟ ਬੁਕਿੰਗ ਤੋਂ ਲੈ ਕੇ ਟਰੇਨ ਨੂੰ ਰੀਅਲ ਟਾਈਮ ‘ਚ ਟਰੈਕ ਕਰਨ ਵਰਗੇ ਕਈ ਫੰਕਸ਼ਨ ਇਕ ਐਪ ‘ਚ ਕੀਤੇ ਜਾਣਗੇ। ਰਿਪੋਰਟ ਮੁਤਾਬਕ ਇਸ ਐਪ ‘ਤੇ ਕੁੱਲ 90 ਕਰੋੜ ਰੁਪਏ ਖਰਚ ਕੀਤੇ ਜਾਣਗੇ ਅਤੇ ਇਸ ‘ਚ ਤਿੰਨ ਸਾਲ ਤੋਂ ਜ਼ਿਆਦਾ ਦਾ ਸਮਾਂ ਲੱਗੇਗਾ। ਰੇਲਵੇ ਦੀ ਸੁਪਰ ਐਪ ਨੂੰ CRIS ਦੁਆਰਾ ਤਿਆਰ ਕੀਤਾ ਜਾਵੇਗਾ ਜੋ ਰੇਲਵੇ ਲਈ ਆਈ.ਟੀ. ਦਾ ਕੰਮ ਦੇਖਦਾ ਹੈ।

ਵਰਤਮਾਨ ਵਿੱਚ, IRCTC ਰੇਲ ਕਨੈਕਟ ਦੀ ਵਰਤੋਂ ਰੇਲਵੇ ਟਿਕਟ ਬੁਕਿੰਗ ਲਈ ਕੀਤੀ ਜਾਂਦੀ ਹੈ। ਫਿਲਹਾਲ ਫੋਨ ਰਾਹੀਂ ਟਿਕਟ ਬੁੱਕ ਕਰਨ ਲਈ ਇਹ ਇਕੋ-ਇਕ ਅਧਿਕਾਰਤ ਐਪ ਹੈ। 100 ਮਿਲੀਅਨ ਤੋਂ ਵੱਧ ਲੋਕ ਇਸ ਐਪ ਦੀ ਵਰਤੋਂ ਕਰ ਰਹੇ ਹਨ। ਇਸ ਤੋਂ ਇਲਾਵਾ Rail Madad, UTS, Satark, TMS-Nirikshan, IRCTC Air ਅਤੇ PortRead ਵਰਗੀਆਂ ਐਪਸ ਵੀ ਹਨ ਜੋ ਰੇਲਵੇ ਯਾਤਰੀਆਂ ਦੀ ਮਦਦ ਕਰਦੀਆਂ ਹਨ। ਹੁਣ ਰੇਲਵੇ ਇਨ੍ਹਾਂ ਸਾਰੇ ਐਪਸ ਨੂੰ ਇਕ ਐਪ ‘ਚ ਸ਼ਾਮਲ ਕਰਨ ਦੀ ਤਿਆਰੀ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ : ਬਠਿੰਡਾ ‘ਚ ਚੋਰ ਗਿਰੋਹ ਦਾ ਪਰਦਾਫਾਸ਼, ਆਮ ਆਦਮੀ ਕਲੀਨਿਕ ‘ਚ ਚੋਰੀ ਕਰਨ ਵਾਲੇ 3 ਮੁਲਜ਼ਮਾਂ ਨੂੰ ਕੀਤਾ ਕਾਬੂ

ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਹਾਲ ਹੀ ਵਿੱਚ ਇੱਕ ਰਿਪੋਰਟ ਆਈ ਸੀ ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਭਾਰਤੀ ਰੇਲਵੇ ਨੇ ਧੁੰਦ ਤੋਂ ਬਚਾਅ ਲਈ 20,000 ਫੋਗਪਾਸ ਡਿਵਾਈਸ ਤਿਆਰ ਕੀਤੇ ਹਨ, ਜਿਸ ਦੀ ਮਦਦ ਨਾਲ ਸਰਦੀਆਂ ਵਿੱਚ ਧੁੰਦ ਕਾਰਨ ਲੇਟ ਹੋਣ ਵਾਲੀਆਂ ਟਰੇਨਾਂ ਦੀ ਗਿਣਤੀ ਘੱਟ ਜਾਵੇਗੀ। ਫੋਗਪਾਸ ਇੱਕ ਪੋਰਟੇਬਲ ਡਿਵਾਈਸ ਹੈ ਜੋ ਲੋਕੋ ਪਾਇਲਟ ਨੂੰ ਗੰਭੀਰ ਧੁੰਦ ਦੇ ਹਾਲਾਤ ਵਿੱਚ ਵੀ ਟਰੈਕ ਦੀ ਜਾਣਕਾਰੀ ਪ੍ਰਦਾਨ ਕਰਦਾ ਹੈ।

ਵੀਡੀਓ ਲਈ ਕਲਿੱਕ ਕਰੋ –

“ਰੇਡਾਂ ਮਾਰਨ ਵਾਲਾ ਧਾਕੜ ਅਫ਼ਸਰ ਕਿਉਂ ਰੋ ਪਿਆ ? ਕਹਿੰਦਾ, ਕਦੇ ਵੀ ਵਿਆਹ ਦੀ ਰੋਟੀ ਨਾ ਖਾਓ”