Mango side effects: ਗਰਮੀਆਂ ਆਉਂਦੇ ਹੀ ਲੋਕ ਫਲਾਂ ਦਾ ਜ਼ਿਆਦਾ ਸੇਵਨ ਕਰਨਾ ਸ਼ੁਰੂ ਕਰ ਦਿੰਦੇ ਹਨ। ਇਸ ਮੌਸਮ ਵਿਚ ਅੰਬਾਂ ਦੀ ਮੰਗ ਵੀ ਵੱਧ ਜਾਂਦੀ ਹੈ। ਇਹ ਸਿਰਫ ਫਲਾਂ ਦੇ ਰੂਪ ਵਿਚ ਹੀ ਨਹੀਂ ਬਲਕਿ ਸ਼ੇਕ, ਚਟਨੀ, ਅਚਾਰ ਦੇ ਰੂਪ ਵਿਚ ਵੀ ਇਸ ਨੂੰ ਬਹੁਤ ਪਸੰਦ ਕੀਤਾ ਜਾਂਦਾ ਹੈ, ਪਰ ਕੁਝ ਲੋਕ ਇਸ ਨੂੰ ਇਸ ਤਰ੍ਹਾਂ ਨਹੀਂ ਖਾ ਪਾਉਂਦੇ ਜਿਵੇਂ ਉਹ ਚਾਹੁੰਦੇ ਹਨ, ਕਿਉਂਕਿ ਇਸ ਦੀ ਤਾਸੀਰ ਬਹੁਤ ਗਰਮ ਹੁੰਦੀ ਹੈ, ਇਹ ਖਾਣ ਤੋਂ ਬਾਅਦ ਮੂੰਹ ਵਿਚ ਛਾਲੇ, ਗਲੇ ਵਿਚ ਸੋਜ ਅਤੇ ਪੱਕ ਜਾਣਾ, ਹੇਮਰੇਜ ਅਤੇ ਗਰਮੀ ਕਾਰਨ ਮੁਹਾਸੇ ਦੀ ਸਮੱਸਿਆ ਹੋਣ ਲੱਗਦੀ ਹੈ। ਅਜਿਹੀ ਸਥਿਤੀ ਵਿੱਚ ਅੰਬਾਂ ਦੇ ਸ਼ੌਕੀਨਾਂ ਦੀ ਇਸ ਨੂੰ ਖਾਣ ਦੀ ਲਾਲਸਾ ਵਿਚ ਹੀ ਰਹਿ ਜਾਂਦੀ ਹੈ, ਪਰ ਜੇ ਤੁਸੀਂ ਕੁਝ ਘਰੇਲੂ ਨੁਸਖ਼ੇ ਅਪਣਾਉਂਦੇ ਹੋ, ਤਾਂ ਤੁਸੀਂ ਖੁਦ ਸਮੱਸਿਆ ਦਾ ਹੱਲ ਕਰ ਸਕਦੇ ਹੋ…
ਠੰਡੀ ਤਾਸੀਰ ਵਾਲੇ ਖਾਓ ਭੋਜਨ: ਜੇਕਰ ਅੰਬ ਖਾਣ ਤੋਂ ਬਾਅਦ ਗਰਮੀ ਪੈ ਜਾਣ ਦੀ ਸਮੱਸਿਆ ਆਉਂਦੀ ਹੈ ਤਾਂ ਅੰਬ ਖਾਣ ਤੋਂ ਬਾਅਦ ਠੰਡੇ ਦੁੱਧ, ਕੱਚੀ ਲੱਸੀ, ਖੱਟੀ ਲੱਸੀ ਆਦਿ ਦਾ ਸੇਵਨ ਕਰਨ ਨਾਲ ਅੰਬ ਦੀ ਤਾਸੀਰ ਗਰਮ ਨਹੀਂ ਲੱਗੇਗੀ। ਦੂਜੇ ਪਾਸੇ ਤੁਸੀਂ ਮੈਂਗੋ ਸ਼ੇਕ ਬਣਾ ਕੇ ਵੀ ਪੀ ਸਕਦੇ ਹੋ।
ਹੋਰ ਫਲਾਂ ਦਾ ਕਰੋ ਸੇਵਨ: ਇਸ ਤੋਂ ਇਲਾਵਾ ਠੰਡੇ ਤਾਸੀਰ ਵਾਲੇ ਫਲਾਂ ਦਾ ਵੀ ਸੇਵਨ ਕਰੋ। ਇਸ ਨਾਲ ਸਰੀਰ ‘ਚ ਗਰਮੀ ਨਹੀਂ ਪਵੇਗੀ।
ਘੱਟ ਮਾਤਰਾ ‘ਚ ਕਰੋ ਸੇਵਨ: ਕਿਸੇ ਵੀ ਚੀਜ਼ ਦੀ ਜ਼ਿਆਦਾ ਵਰਤੋਂ ਸਿਹਤ ਲਈ ਨੁਕਸਾਨਦੇਹ ਹੈ। ਜੇ ਹੋ ਸਕੇ ਤਾਂ ਅੰਬਾਂ ਦਾ ਸੇਵਨ ਘੱਟ ਮਾਤਰਾ ‘ਚ ਕਰੋ।
