ENG Vs WI WI 1st Test Day 5: ਇੰਗਲੈਂਡ ਅਤੇ ਵੈਸਟਇੰਡੀਜ਼ ਵਿਚਾਲੇ ਖੇਡੇ ਜਾ ਰਹੇ ਪਹਿਲੇ ਟੈਸਟ ਦੇ ਪੰਜਵੇਂ ਦਿਨ ਮੇਜ਼ਬਾਨ ਦੂਸਰੀ ਪਾਰੀ ਵਿੱਚ 313 ਦੌੜਾਂ ਬਣਾ ਕੇ ਆਲ ਆਊਟ ਹੋ ਗਏ ਹਨ। ਵੈਸਟਇੰਡੀਜ਼ ਦੇ ਸਾਹਮਣੇ ਜਿੱਤ ਲਈ ਹੁਣ 200 ਦੌੜਾਂ ਦੀ ਚੁਣੌਤੀ ਹੈ। ਮੈਚ ਦੇ ਆਖਰੀ ਦਿਨ ਤਕਰੀਬਨ 89 ਓਵਰਾਂ ਦਾ ਮੈਚ ਖੇਡਿਆ ਜਾਣਾ ਬਾਕੀ ਹੈ। ਇੰਗਲੈਂਡ ਦੀ ਟੀਮ ਨੇ ਪਹਿਲੀ ਪਾਰੀ ਵਿੱਚ 204 ਦੌੜਾਂ ਬਣਾਈਆਂ ਸਨ, ਜਿਸ ਦੇ ਜਵਾਬ ‘ਚ ਵੈਸਟਇੰਡੀਜ਼ ਨੇ 318 ਦੌੜਾਂ ਬਣਾ ਕੇ 114 ਦੌੜਾਂ ਦੀ ਫੈਸਲਾਕੁੰਨ ਲੀਡ ਹਾਸਿਲ ਕਰ ਲਈ। ਆਖਰੀ ਦਿਨ ਪਹਿਲੇ ਸੈਸ਼ਨ ਵਿੱਚ ਇੰਗਲੈਂਡ ਨੇ ਆਪਣੇ ਸਕੋਰ ਵਿੱਚ 29 ਦੌੜਾਂ ਜੋੜੀਆਂ ਅਤੇ ਬਾਕੀ ਦੋ ਵਿਕਟਾਂ ਗੁਆ ਦਿੱਤੀਆਂ। ਪੰਜਵੇਂ ਦਿਨ ਦੀ ਸ਼ੁਰੂਆਤ ਵਿੱਚ ਇੰਗਲੈਂਡ ਨੇ ਆਪਣੀ ਪਾਰੀ ਨੂੰ 8 ਵਿਕਟਾਂ ਦੇ ਨੁਕਸਾਨ ‘ਤੇ 284 ਦੌੜਾਂ ਤੋਂ ਅੱਗੇ ਵਧਾਉਣਾ ਸ਼ੁਰੂ ਕੀਤਾ। ਆਰਚਰ ਅਤੇ ਵੁੱਡ ਨੇ ਨੌਵੀਂ ਵਿਕਟ ਲਈ 25 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਵੁੱਡ ਦੋ ਦੌੜਾਂ ਬਣਾ ਕੇ ਗ੍ਰੈਬੀਅਲ ਦਾ ਸ਼ਿਕਾਰ ਬਣਿਆ। ਇਸ ਤੋਂ ਬਾਅਦ ਆਰਚਰ ਅਤੇ ਐਂਡਰਸਨ ਵਿਚਕਾਰ ਆਖਰੀ ਵਿਕਟ ਲਈ 10 ਦੌੜਾਂ ਦੀ ਭਾਈਵਾਲੀ ਬਣ ਗਈ। ਆਰਚਰ 23 ਦੌੜਾਂ ਬਣਾ ਕੇ ਗਰੈਬਿਅਲ ਦਾ ਸ਼ਿਕਾਰ ਬਣਿਆ ਅਤੇ ਇਸ ਤਰ੍ਹਾਂ ਇੰਗਲੈਂਡ ਦੀ ਪਾਰੀ ਖਤਮ ਹੋ ਗਈ।
ਇੰਗਲੈਂਡ ਲਈ ਦੂਜੀ ਪਾਰੀ ਵਿੱਚ ਕੁਆਰੀਅਲ ਨੇ 76 ਦੌੜਾਂ ਬਣਾਈਆਂ। ਸਿਬਲੀ ਨੇ ਆਖਰੀ ਦਿਨ ਵੈਸਟਇੰਡੀਜ਼ ਨੂੰ ਚੁਣੌਤੀਪੂਰਨ ਟੀਚਾ ਦਿਵਾਉਣ ਲਈ 50, ਬਾਰਨਜ਼ ਨੇ 42 ਅਤੇ ਸਟੋਕਸ ਨੇ 46 ਦੌੜਾਂ ਦਾ ਯੋਗਦਾਨ ਪਾਇਆ। ਵੈਸਟਇੰਡੀਜ਼ ਲਈ ਗਰੈਬਿਆਲ ਦੂਜੀ ਪਾਰੀ ਵਿੱਚ ਸਭ ਤੋਂ ਸਫਲ ਗੇਂਦਬਾਜ਼ ਰਿਹਾ ਜਿਸ ਨੇ 75 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ। ਚੇਜ਼ ਅਤੇ ਜੋਸਫ ਨੇ 2-2 ਵਿਕਟਾਂ ਪ੍ਰਾਪਤ ਕੀਤੀਆਂ, ਜਦਕਿ ਕਪਤਾਨ ਹੋਲਡਰ ਨੂੰ ਇੱਕ ਵਿਕਟ ਮਿਲੀ। ਇਸ ਤੋਂ ਪਹਿਲਾਂ ਇੰਗਲੈਂਡ ਨੇ ਟੈਸਟ ਮੈਚ ਵਿੱਚ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ। ਇੰਗਲੈਂਡ ਨੇ ਆਪਣੀ ਪਹਿਲੀ ਪਾਰੀ ਵਿੱਚ 204 ਦੌੜਾਂ ਬਣਾਈਆਂ ਸਨ। ਇੰਗਲੈਂਡ ਦੀ ਪਹਿਲੀ ਪਾਰੀ ਦੇ ਜਵਾਬ ਵਿੱਚ ਵੈਸਟਇੰਡੀਜ਼ ਨੇ 318 ਦੌੜਾਂ ਬਣਾ ਕੇ 114 ਦੌੜਾਂ ਦੀ ਫੈਸਲਾਕੁੰਨ ਲੀਡ ਹਾਸਿਲ ਕਰ ਲਈ ਸੀ। ਅੱਜ ਮੈਚ ਦਾ ਆਖਰੀ ਦਿਨ ਹੈ ਅਤੇ ਲੱਗਭਗ 89 ਓਵਰਾਂ ਦਾ ਮੈਚ ਖੇਡਣਾ ਬਾਕੀ ਹੈ। ਵੈਸਟਇੰਡੀਜ਼ ਨੂੰ ਲੜੀ ਵਿੱਚ ਬੜ੍ਹਤ ਲੈਣ ਲਈ 200 ਦੌੜਾਂ ਬਣਾਉਣੀਆਂ ਪੈਣਗੀਆਂ।
