burj khalifa welcomes shahrukhs ipl team: ਦੁਨੀਆ ਦੀ ਸਭ ਤੋਂ ਉੱਚੀ ਇਮਾਰਤ ਬੁਰਜ ਖਲੀਫਾ ਨੇ ਸ਼ਾਹਰੁਖ ਖਾਨ ਦੀ ਆਈਪੀਐਲ ਟੀਮ ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਦਾ ਮਨਮੋਹਕ ਐਲਈਡੀ ਡਿਸਪਲੇਅ ਨਾਲ ਸਵਾਗਤ ਕੀਤਾ ਹੈ। ਇਸ ਸਾਲ ਦੇ ਆਈਪੀਐਲ ਲਈ ਉਨ੍ਹਾਂ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ ਹਨ। ਕੇਕੇਆਰ ਦੇ ਰੰਗ ਵਿੱਚ ਰੋਸ਼ਨ ਦੁਬਈ ਸਥਿਤ ਬੁਰਜ ਖਲੀਫਾ ਟਵਿੱਟਰ ‘ਤੇ ਟ੍ਰੈਂਡ ਕਰ ਰਿਹਾ ਹੈ। ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਅਤੇ ਮੁੰਬਈ ਇੰਡੀਅਨਜ਼ (ਐਮਆਈ) ਦੀ ਬੁੱਧਵਾਰ ਨੂੰ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ 13 ਵੇਂ ਸੀਜ਼ਨ ਦੇ ਪੰਜਵੇਂ ਮੈਚ ਵਿੱਚ ਇੱਕ ਦੂਜੇ ਨਾਲ ਟੱਕਰ ਹੋਵੇਗੀ। ਇਸ ਮੈਚ ਦੇ ਨਾਲ ਕੋਲਕਾਤਾ ਦੀ ਟੀਮ ਮੌਜੂਦਾ ਸੀਜ਼ਨ ‘ਚ ਆਪਣੇ ਅਭਿਆਨ ਦੀ ਸ਼ੁਰੂਆਤ ਕਰੇਗੀ। ਕੋਲਕਾਤਾ ਨਾਈਟ ਰਾਈਡਰ ਦੋ ਵਾਰ ਆਈਪੀਐਲ ਚੈਂਪੀਅਨ ਰਿਹਾ ਹੈ। ਕੋਲਕਾਤਾ ਨਾਈਟ ਰਾਈਡਰਜ਼ ਨੇ ਟਵਿੱਟਰ ‘ਤੇ ਲਿਖਿਆ, “ਕਲ੍ਹ (ਬੁੱਧਵਾਰ) ਪਟਾਖੇ ਚਲਾਉਣ ਤੋਂ ਪਹਿਲਾਂ, ਇਹ ‘ਕਰੀਟੇਨ ਰੇਜ਼ਰ (ਝੱਲਕ) ਹੈ! ਅਸੀਂ ਸਿਖਰ ‘ਤੇ ਕਾਬਜ਼ ਹੋਣ ਤੋਂ ਨਹੀਂ ਰੁਕਾਂਗੇ .. ਕੇ ਕੇ ਆਰ ਦੇ ਰੰਗ ‘ਚ ਰੌਸ਼ਨ ਹੋਣ ਲਈ ਬੁਰਜ ਖਲੀਫਾ ਦਾ ਧੰਨਵਾਦ … ਅੱਜ ਰਾਤ (ਮੰਗਲਵਾਰ) ਯੂਏਈ ‘ਚ ਕੀ ਸਵਾਗਤ ਹੋਇਆ ਹੈ!
ਕੋਲਕਾਤਾ ਨਾਈਟ ਰਾਈਡਰਜ਼ (ਕੇਕੇਆਰ) ਦੇ ਕਪਤਾਨ ਦਿਨੇਸ਼ ਕਾਰਤਿਕ ਨੇ ਕਿਹਾ ਕਿ ਮੁੰਬਈ ਇੰਡੀਅਨਜ਼ (ਐਮਆਈ) ਦੇ ਵਿਸ਼ਵ ਪੱਧਰੀ ਖਿਡਾਰੀ ਹਨ ਅਤੇ ਇਹੀ ਕਾਰਨ ਹੈ ਕਿ ਆਈਪੀਐਲ ਵਿੱਚ ਚਾਰ ਵਾਰ ਦੇ ਚੈਂਪੀਅਨਜ਼ ਖਿਲਾਫ ਸ਼ੁਰੂਆਤ ਕਰਨਾ ਸਾਡੇ ਲਈ ਚੰਗਾ ਹੈ। ਇਹ ਮੈਚ ਅਬੂ ਧਾਬੀ ਦੇ ਸ਼ੇਖ ਜ਼ਾਯਦ ਸਟੇਡੀਅਮ ਵਿੱਚ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 7.30 ਵਜੇ ਸ਼ੁਰੂ ਹੋਵੇਗਾ। ਦੋਵਾਂ (ਐਮਆਈ ਅਤੇ ਕੇਕੇਆਰ) ਵਿਚਕਾਰ 25 ਮੈਚ (2008-2019) ਹੋਏ ਹਨ, ਜਿਨ੍ਹਾਂ ਵਿੱਚੋਂ ਮੁੰਬਈ ਨੇ 19 ਜਿੱਤੇ ਹਨ, ਜਦਕਿ ਕੋਲਕਾਤਾ ਨੇ ਸਿਰਫ 6 ਜਿੱਤੇ ਹਨ।
