PM Modi virtual address: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੁਰਗਾ ਪੂਜਾ ਦੇ ਆਯੋਜਨ ਵਿੱਚ ਸ਼ਾਮਿਲ ਹੋਣਗੇ। ਪੀਐੱਮ ਮੋਦੀ 22 ਅਕਤੂਬਰ ਨੂੰ ਪੱਛਮੀ ਬੰਗਾਲ ਦੇ ਸੌ ਤੋਂ ਵੱਧ ਪੰਡਾਲਾਂ ਨੂੰ ਵੀਡੀਓ ਕਾਨਫਰੰਸਿੰਗ ਰਾਹੀਂ ਜੋੜਨਗੇ ਅਤੇ ਦੁਰਗਾ ਪੂਜਾ ਉਤਸਵ ਵਿੱਚ ਹਿੱਸਾ ਲੈਣਗੇ। ਪੀਐਮ ਮੋਦੀ ਤੋਂ ਇਲਾਵਾ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਵੀ ਦੁਰਗਾ ਪੂਜਾ ਮਨਾਉਣਗੇ। ਉਹ ਖੁਦ ਕੋਲਕਾਤਾ ਜਾ ਰਹੇ ਹਨ । ਅਮਿਤ ਸ਼ਾਹ ਕੋਲਕਾਤਾ ਦੇ ਦੁਰਗਾ ਪੂਜਾ ਦੇ ਪੰਡਾਲਾਂ ਵਿੱਚ ਸ਼ਾਮਿਲ ਹੋ ਕੇ ਲੋਕਾਂ ਨਾਲ ਦੁਰਗਾ ਪੂਜਾ ਦਾ ਜਸ਼ਨ ਮਨਾਉਣਗੇ। ਦੁਰਗਾ ਪੂਜਾ ਦੇ ਪ੍ਰੋਗਰਾਮਾਂ ਵਿੱਚ ਹਿੱਸਾ ਲੈਣ ਤੋਂ ਇਲਾਵਾ 2021 ਦੀਆਂ ਵਿਧਾਨ ਸਭਾ ਚੋਣਾਂ ਲਈ ਭਾਜਪਾ ਆਪਣਾ ਚੋਣਾਂ ਦਾ ਬਿਗੁਲ ਵਜਾਵੇਗੀ । ਨਵੰਬਰ ਦੇ ਪਹਿਲੇ ਹਫਤੇ ਤੋਂ ਹੀ ਭਾਜਪਾ ਬੰਗਾਲ ਦੀ ਮਮਤਾ ਬੈਨਰਜੀ ਸਰਕਾਰ ਅਤੇ ਉਸਦੀ ਪਾਰਟੀ ਟੀਐਮਸੀ ਦੇ ਖਿਲਾਫ ਚੋਣ ਪ੍ਰਚਾਰ ਕਰੇਗੀ ।
ਗੌਰਤਲਬ ਹੈ ਕਿ ਗੈਰ ਹਿੰਦੀ ਪੱਟੀ ਵਾਲੇ ਰਾਜਾਂ ਵਿੱਚ ਬੰਗਾਲ ਹੀ ਅਜਿਹਾ ਰਾਜ ਹੈ ਜਿੱਥੇ ਪਿਛਲੇ ਕੁਝ ਸਾਲਾਂ ਵਿੱਚ ਭਾਜਪਾ ਸਖਤ ਮਿਹਨਤ ਕਰਦੀ ਨਜ਼ਰ ਆਈ ਹੈ। ਭਾਜਪਾ ਦੀ ਸਰਗਰਮੀ ਦਾ ਅਸਰ ਉਦੋਂ ਵੀ ਵੇਖਣ ਨੂੰ ਮਿਲਿਆ ਜਦੋਂ ਇਸ ਨੂੰ 2019 ਦੀਆਂ ਲੋਕ ਸਭਾ ਚੋਣਾਂ ਵਿੱਚ ਅਚਾਨਕ ਸਫਲਤਾ ਮਿਲੀ।
ਹੁਣ ਭਾਜਪਾ ਦੀ ਨਜ਼ਰ ਅਗਲੇ ਸਾਲ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ‘ਤੇ ਹੈ। ਭਾਜਪਾ ਦੀ ਚੋਟੀ ਦੀ ਲੀਡਰਸ਼ਿਪ ਤੋਂ ਲੈ ਕੇ ਰਾਜ ਇਕਾਈ ਤੱਕ, ਬੰਗਾਲ ਦੇ ਮੁੱਦਿਆਂ ‘ਤੇ ਲਗਾਤਾਰ ਪ੍ਰਦਰਸ਼ਨ ਹੁੰਦੇ ਰਹੇ ਹਨ ਤੇ ਮਮਤਾ ਰਾਜ ਨੂੰ ਗੁੰਡਾ ਰਾਜ ਦੀ ਸ਼੍ਰੇਣੀ ਵਿਚ ਰੱਖਦਿਆਂ ਤਬਦੀਲੀਆਂ ਦੀ ਗੱਲ ਕਰਦੇ ਰਹੇ ਹਨ । ਰਾਜ ਵਿੱਚ ਭਾਜਪਾ ਵਰਕਰਾਂ ਦੀਆਂ ਹੱਤਿਆਵਾਂ ਲਈ ਭਾਜਪਾ ਤ੍ਰਿਣਮੂਲ ਕਾਂਗਰਸ ਨੂੰ ਸਿੱਧੇ ਤੌਰ ‘ਤੇ ਜ਼ਿੰਮੇਵਾਰ ਠਹਿਰਾਉਂਦੀ ਹੈ । ਇਥੋਂ ਤੱਕ ਕਿ ਰਾਜਪਾਲ ਨੇ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੇ ਖਿਲਾਫ ਮੋਰਚਾ ਖੋਲ੍ਹ ਦਿੱਤਾ ਹੈ।
ਦੱਸ ਦੇਈਏ ਕਿ ਦੋਵਾਂ ਪਾਰਟੀਆਂ ਵਿਚਾਲੇ ਸਿਆਸੀ ਘਮਾਸਾਨ ਇਸ ਹੱਦ ਤੱਕ ਪਹੁੰਚ ਗਿਆ ਹੈ ਕਿ ਬੰਗਾਲ ਦੀ ਰਾਜਨੀਤੀ ਤੋਂ ਬਾਕੀ ਦਲ ਬਾਹਰ ਨਜ਼ਰ ਆਉਂਦੇ ਹਨ। ਖੱਬੇ ਤੋਂ ਕਾਂਗਰਸ ਤੱਕ ਦੀ ਪੂਰੀ ਰਾਜਨੀਤਿਕ ਤਸਵੀਰ ਵਿੱਚ ਕਿਤੇ ਵੀ ਨਹੀਂ ਹੈ। ਭਾਜਪਾ ਸਿੱਧੇ ਤੌਰ ‘ਤੇ ਟੀਐਮਸੀ ਨਾਲ ਮੁਕਾਬਲਾ ਕਰ ਰਹੀ ਹੈ ਅਤੇ ਟੀਐਮਸੀ ਵੀ ਹਰ ਸੰਭਵ ਤਰੀਕੇ ਨਾਲ ਭਾਜਪਾ ਨਾਲ ਟੱਕਰ ਲੈ ਰਹੀ ਹੈ।
