Haryana delegation meets : ਵਿਧਾਨ ਸਭਾ ‘ਚ ਪੰਜਾਬ ਤੋਂ ਆਪਣੇ ਹਿੱਸੇ ਦੇ 20 ਕਮਰੇ ਲੈਣ ਲਈ ਹਰਿਆਣਾ ਦਾ ਪ੍ਰਤੀਨਿਧੀ ਮੰਡਲ ਮੁੱਖ ਮੰਤਰੀ ਮਨੋਹਰ ਲਾਲ ਦੀ ਅਗਵਾਈ ‘ਚ ਪੰਜਾਬ ਦੇ ਰਾਜਪਾਲ ਵੀ. ਪੀ. ਸਿੰਘ ਬਦਨੌਰ ਨੂੰ ਮਿਲਿਆ। ਵਿਧਾਨ ਸਭਾ ਸੈਸ਼ਨ ‘ਚ ਸਰਬ ਸੰਮਤੀ ਨਾਲ ਪਾਸ ਇੱਕ ਪ੍ਰਸਤਾਵ ਦੀ ਇੱਕ ਕਾਪੀ ਤੇ ਮੰਗ ਪੱਤਰ ਉਨ੍ਹਾਂ ਨੂੰ ਸੌਂਪਿਆ ਗਿਆ। ਬਦਨੌਲ ਨੇ ਭਰੋਸਾ ਦਿੱਤਾ ਕਿ ਹਰਿਆਣਾ ਨੂੰ ਵਿਧਾਨ ਸਭਾ ‘ਚ ਉਨ੍ਹਾਂ ਦਾ ਹਿੱਸਾ ਜ਼ਰੂਰ ਮਿਲੇਗਾ।
ਪ੍ਰਤੀਨਿਧੀ ਮੰਡਲ ‘ਚ ਮੁੱਖ ਮੰਤਰੀ ਮਨੋਹਰ ਲਾਲ, ਵਿਧਾਨ ਸਭਾ ਪ੍ਰਧਾਨ ਗਿਆਨਚੰਦ ਗੁਪਤਾ, ਪੁਰਾਤਤਵ ਮੰਤਰੀ ਅਨੂਪ ਧਾਨਕ, ਨੇਤਾ ਭੁਪਿੰਦਰ ਸਿੰਘ ਹੁੱਡਾ, ਵਿਧਾਇਕ ਰਘੁਵੀਰ ਸਿੰਘ ਕਾਦੀਆਨ ਤੇ ਕਿਰਨ ਚੌਧਰੀ ਸ਼ਾਮਲ ਹਨ। ਬਦਨੌਰ ਨੂੰ ਸੌਂਪੇ ਮੰਗ ਪੱਤਰ ‘ਚ ਹਰਿਆਣਾ ਨੇ ਕਿਹਾ ਹੈ ਕਿ ਵਿਧਾਨ ਸਭਾ ਭਵਨ’ ‘ਚ 20 ਕਮਰੇ ਜੋ ਸਾਡੇ ਹਿੱਸੇ ਦੇ ਹਨ ਉਨ੍ਹਾਂ ‘ਤੇ ਅੱਜ ਵੀ ਪੰਜਾਬ ਨੇ ਨਾਜਾਇਜ਼ ਤੌਰ ‘ਤੇ ਕਬਜ਼ਾ ਕੀਤਾ ਹੋਇਆ ਹੈ। ਸਾਡੇ ਮੁਲਾਜ਼ਮਾਂ, ਵੱਖ-ਵੱਖ ਪਾਰਟੀ ਦੇ ਨੇਤਾ, ਮੰਤਰੀਆਂ ਤੇ ਸੰਮਤੀਆਂ ਦੀ ਬੈਠਕ ਲਈ ਉਥੇ ਸਹੀ ਥਾਂ ਨਹੀਂ ਹੈ। ਵਿਧਾਨ ਸਭਾ ਭਵਨ ਦੀ ਇਮਾਰਤ ‘ਚ ਆਪਣਾ ਹਿੱਸਾ ਲੈਣ ਲਈ ਕਿਸੇ ਵੀ ਮੰਚ ‘ਤੇ ਹਰਿਆਣਾ ਆਪਣੀ ਗੱਲ ਪੁਰਜ਼ੋਰ ਤਰੀਕੇ ਨਾਲ ਚੁੱਕੇਗਾ।
ਪੰਜਾਬ ਸਰਕਾਰ ਜਾਂ ਪੰਜਾਬ ਵਿਧਾਨ ਸਭਾ ਪ੍ਰਧਾਨ ਤੋਂ ਹਰਿਆਣਾ ਦਾ ਸਦਨ ਅਪੀਲ ਕਰਦਾ ਹੈ ਕਿ ਪੰਜਾਬ ਪੁਨਰ ਗਠਨ ਅਧਿਨਿਯਮ 1966 ਤਹਿਤ ਜੋ ਹਰਿਆਣਾ ਤੇ ਪੰਜਾਬ ਵਿਧਾਨ ਸਭਾ ਭਵਨ ਦੀ ਵੰਡ 17 ਅਕਤੂਬਰ 1966 ਨੂੰ ਹੋਇਆ ਸੀ, ਉਸ ਦਾ ਸਨਮਾਨ ਕਰਦੇ ਹੋਏ ਹਰਿਆਣਾ ਤੇ ਪੰਜਾਬ ਭਵਨ ਦੀ ਇਮਾਰਤ ‘ਚ 24630 ਵਰਗ ਫੁੱਟ ਥਾਂ ਖਾਲੀ ਕਰਕੇ ਹਰਿਆਣਾ ਵਿਧਾਨ ਸਭਾ ਨੂੰ ਸੌਂਪਿਆ ਜਾਵੇ। ਮਨੋਹਰ ਲਾਲ ਨੇ ਕਿਹਾ ਕਿ ਰਾਜਪਾਲ ਬਦਨੌਰ ਨੇ ਭਰੋਸਾ ਦਿੱਤਾ ਹੈ ਕਿ ਉਹ ਵਿਧਾਨ ਸਭਾ ਦੀ ਸਹੀ ਵੰਡ ਲਈ ਚੰਡੀਗੜ੍ਹ ਦੇ ਚੀਫ ਇੰਜੀਨੀਅਰ ਨੂੰ ਬੁਲਾ ਕੇ ਇਸ ਵਿਸ਼ੇ ਦੀ ਜਾਂਚ ਕਰਵਾਉਣਗੇ। ਇਸ ਮਾਮਲੇ ‘ਤੇ ਤਿੰਨ ਮੈਂਬਰੀ ਇੱਕ ਕਮੇਟੀ ਗਠਿਤ ਕੀਤੀ ਜਾਵੇਗੀ ਤੇ ਹਰਿਆਣਾ ਦੇ ਹਿੱਸਾ ਜ਼ਰੂਰ ਮਿਲੇਗਾ।
