ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਨੇ ਕੰਮ ਕਰਨ ਦੇ ਤਰੀਕੇ ਵਿਚ ਬਦਲਾਅ ਕਰ ਦਿੱਤਾ ਹੈ। ਕੰਪਿਊਟਰ ਨੇ ਘੰਟਿਆਂ ਦਾ ਕੰਮ ਮਿੰਟਾਂ ਵਿਚ ਤਬਦੀਲ ਕੀਤਾ ਸੀ ਤੇ ਏਆਈ ਨੇ ਉਸ ਨੂੰ ਕੁਝ ਸੈਕੰਡਾਂ ਦੇ ਕੰਮ ਵਿਚ ਤਬਦੀਲ ਕਰ ਦਿੱਤਾ ਹੈ। ਹੁਣ ਏਆਈ ਵਿਚ ਵੱਡਾ ਬਦਲਾਅ ਆਉਣ ਵਾਲਾ ਹੈ। ਜਲਦ ਹੀ ਏਆਈ ਠੀਕ ਇਨਸਾਨਾਂ ਦੀ ਤਰ੍ਹਾਂ ਕੰਮ ਕਰਨ ਲੱਗੇਗੀ। ਏਆਈ ਇਨਸਾਨਾਂ ਦੀ ਤਰ੍ਹਾਂ ਗੱਲ ਕਰੇਗੀ, ਤਰਕ ਕਰੇਗੀ, ਯੋਜਨਾ ਬਣਾ ਸਕੇਗੀ ਤੇ ਉਸ ਦੀ ਯਾਦਦਾਸ਼ਤ ਵੀ ਹੋਵੇਗੀ। ਓਪਨ ਏਆਈ ਤੇ ਮੇਟਾ ਪਲੇਟਫਾਰਮਸ ਇਸ ਦਿਸ਼ਾ ਵਿਚ ਕਾਫੀ ਅੱਗੇ ਵੱਧ ਚੁੱਕੇ ਹਨ। ਜਲਦ ਹੀ ਇਹ ਕੰਪਨੀਆਂ ਏਆਈ ਦੇ ਵਰਜਨ 2.0 ਦਾ ਐਲਾਨ ਕਰ ਸਕਦੇ ਹਨ।
Open AI ਤੇ ਮੇਟਾ ਪਲਟੇਫਾਰਸਮ ਆਪਣੇ-ਆਪਣੇ ਏਆਈ ਮਾਡਲ ਦਾ ਅਪਗ੍ਰੇਡ ਵਰਜਨ ਜਲਦ ਹੀ ਮਾਰਕੀਟ ਵਿਚ ਆ ਸਕਦੀ ਹੈ। ਨਵੇਂ ਏਾਈ ਮਾਡਲ ਵੱਡੀ ਤੋਂ ਵੱਡੀ ਸਮੱਸਿਆ ਦਾ ਹੱਲ ਕੱਢ ਸਕਣਗੇ। ਨਾਲ ਹੀ ਉਨ੍ਹਾਂ ਤੋਂ ਮੁਸ਼ਕਲ ਕੰਮ ਵੀ ਆਸਾਨੀ ਨਾਲ ਕਰਵਾਇਆ ਜਾ ਸਕੇਗਾ। ਓਪਨਏਆਈ ਦੇ ਚੀਫ ਆਪ੍ਰੇਟਿੰਗ ਆਫਿਸਰ ਬ੍ਰੈਡ ਲਾਈਟਕੈਪ ਨੇ ਦੱਸਿਆ ਕਿ ਚੈਟ ਜੀਪੀਟੀ ਦਾ ਅਗਲਾ ਵਰਜਨ ਤਰਕ ਕਰਨ ਵਿਚ ਸਮਰੱਥ ਹੋਵੇਗਾ।
ਰਿਪੋਰਟ ਮੁਤਾਬਕ ਨਵੇਂ ਏਆਈ ਮਾਡਲ ਰੀਜਨਿੰਗ ਦੇ ਨਾਲ ਪਲਾਨਿੰਗ ਵੀ ਕਰ ਸਕਣਗੇ। ਉਨ੍ਹਾਂ ਵਿਚ ਸੋਚਣ ਤੇ ਸਮਝਣ ਦੀ ਸਮਰੱਥਾ ਹੋਵੇਗੀ। ਵਰਜਨ 2.0 ਸਿਰਫ ਸ਼ਬਦਾਂ ਨੂੰ ਪੜ੍ਹ ਕੇ ਕੰਮ ਨਹੀਂ ਕਰਨਗੇ। ਉਹ ਇਸ ਤੋਂ ਬਹੁਤ ਜ਼ਿਆਦਾ ਕਰ ਸਕਣਗੇ। ਇਹ ਏਆਈ ਨੂੰ ਹਾਸਲ ਕਰਨ ਦੀ ਦਿਸ਼ਾ ਵਿਚ ਵੱਡਾ ਕਦਮ ਰੱਖਣਗੇ। ਮੇਟਾ ਏਆਈ ਰਿਸਰਚ ਦੇ ਵਾਈਸ ਪ੍ਰੈਜ਼ੀਡੈਂਟ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਕੰਪਨੀ ਏਆਈ ਨੂੰ ਗੱਲ ਕਰਨ, ਰੀਜਨਿੰਗ ਕਰਨ, ਪਲਾਨਿੰਗ ਕਰਨ ਤੇ ਯਾਦਦਾਸ਼ਤ ਵਿਕਸਿਤ ਕਰਨ ਵਿਚ ਸਮਰੱਥ ਬਣਾਉਣ ‘ਤੇ ਕੰਮ ਕਰ ਰਹੀ ਹੈ।
ਇਹ ਵੀ ਪੜ੍ਹੋ : KKR ਨੇ ਲਖਨਊ ਨੂੰ IPL ‘ਚ ਪਹਿਲੀ ਵਾਰ ਹਰਾਇਆ, 8 ਵਿਕਟਾਂ ਨਾਲ ਜਿੱਤ ਕੀਤੀ ਦਰਜ
ਜੇਕਰ ਓਪਨ ਏਆਈ ਤੇ ਮੇਟਾ ਵਰਗੀਆਂ ਕੰਪਨੀਆਂ ਅਜਿਹੇ ਮਾਡਲ ਵਿਕਸਿਤ ਕਰ ਲੈਂਦੀਆਂ ਹਨ ਤਾਂ 2030 ਤਕ ਏਆਈ ਇੰਡਸਟਰੀ ਇਕ ਟ੍ਰਿਲੀਅਨ ਡਾਲਰ ਦਾ ਅੰਕੜਾ ਪਾਰ ਕਰ ਲਵੇਗੀ। ਐਲੋਨ ਮਸਕ ਨੇ ਹੁਣ ਜਿਹੇ ਕਿਹਾ ਸੀ ਕਿ ਆਉਣ ਵਾਲੇ 2 ਸਾਲਾਂ ਵਿਚ ਏਆਈ ਇਨਸਾਨਾਂ ਨੂੰ ਪਿੱਛੇ ਛੱਡ ਦੇਵੇਗੀ। ਉਹ ਨਾ ਸਿਰਫ ਸੋਚ ਸਕੇਗੀ ਸਗੋਂ ਆਜ਼ਾਦ ਤੌਰ ‘ਤੇ ਕੰਮ ਵੀ ਕਰ ਸਕੇਗੀ।
