ਭਾਰਤ ਪੁਲਾੜ ਵਿਚ ਦੋ ਸਪੇਸਕ੍ਰਾਫਟ ਨੂੰ ਸਫਲਾਪੂਰਵਕ ਡੌਕ ਕਰਨ ਵਾਲਾ ਚੌਥਾ ਦੇਸ਼ ਬਣ ਗਿਆ ਹੈ। ਇਸ ਤੋਂ ਪਹਿਲਾਂ ਰੂਸ, ਅਮਰੀਕਾ ਤੇ ਚੀਨ ਹੀ ਅਜਿਹਾ ਕਰਨ ਵਿਚ ਸਫਲ ਰਹੇ ਹਨ। ਈਸਰੋ ਨੇ ਦੱਸਿਆ ਕਿ 16 ਜਨਵਰੀ ਨੂੰ ਸਵੇਰੇ ਡੌਕਿੰਗ ਪ੍ਰਯੋਗ ਨੂੰ ਪੂਰਾ ਕੀਤਾ ਗਿਆ। ਇਸ ਮਿਸ਼ਨ ਦੀ ਸਫਲਤਾ ‘ਤੇ ਚੰਦਰਯਾਨ-4, ਗਗਨਯਾਨ ਤੇ ਭਾਰਤੀ ਪੁਲਾੜ ਸਟੇਸ਼ਨ ਵਰਗੇ ਮਿਸ਼ਨ ਨਿਰਭਰ ਸਨ। ਚੰਦਰਯਾਨ-4 ਮਿਸ਼ਨ ਵਿਚ ਚੰਦਰਮਾ ਦੀ ਮਿੱਟੀ ਦੇ ਸੈਂਪਲ ਧਰਤੀ ‘ਤੇ ਲਿਆਂਦੇ ਜਾਣਗੇ। ਉਥੇ ਗਗਨਯਾਨ ਮਿਸ਼ਨ ਵਿਚ ਮਨੁੱਖ ਨੂੰ ਪੁਲਾੜ ਵਿਚ ਭੇਜਿਆ ਜਾਵੇਗਾ। PM ਨਰਿੰਦਰ ਮੋਦੀ ਨੇ ਈਸਰੋ ਦੀ ਇਸ ਸਫਲਤਾ ‘ਤੇ ਵਧਾਈ ਦਿੱਤੀ ਤੇ ਕਿਹਾ- “ਇਹ ਆਉਣ ਵਾਲੇ ਸਾਲਾਂ ‘ਚ ਭਾਰਤ ਦੇ ਪੁਲਾੜ ਮਿਸ਼ਨਾਂ ਲਈ ਇੱਕ ਮਹੱਤਵਪੂਰਨ ਕਦਮ ਹੈ”

ਈਸਰੋ ਨੇ 30 ਦਸੰਬਰ 2024 ਨੂੰ ਸ੍ਰੀਹਰਿਕੋਟਾ ਦੇ ਸਤੀਸ਼ ਧਵਨ ਸਪੇਸ ਸੈਂਟਰ ਵਿਚ ਰਾਤ 10 ਵਜੇ ਸਪੇਸ ਡੌਕਿੰਗ ਪ੍ਰਯੋਗ ਮਿਸ਼ਨ ਲਾਂਚ ਕੀਤਾ ਸੀ। ਇਸ ਤਹਿਤ PSLV-C60 ਰਾਕੇਟ ਤੋਂ ਸਪੇਸਕ੍ਰਾਫਟ ਧਰਤੀ ਤੋਂ 470 ਕਿਲੋਮੀਟਰ ਉਪਰ ਤਾਇਨਾਤ ਕੀਤੇ ਗਏ। 7 ਜਨਵਰੀ ਨੂੰ ਇਸ ਮਿਸ਼ਨ ਵਿਚ ਦੋਵੇਂ ਸਪੇਸਕ੍ਰਾਫਟਸ ਨੂੰ ਕਨੈਕਟ ਕੀਤਾ ਜਾਣਾ ਸੀ ਪਰ ਇਸ ਨੂੰ ਟਾਲ ਦਿੱਤਾ ਗਿਆ। ਫਿਰ 9 ਜਨਵਰੀ ਨੂੰ ਵੀ ਤਕਨੀਕੀ ਦਿੱਕਤਾਂ ਕਾਰਨ ਡੌਕਿੰਗ ਟਲ ਗਈ। 12 ਜਨਵਰੀ ਨੂੰ ਸਪੇਸਕ੍ਰਾਫਟਸ ਨੂੰ 3 ਮੀਟਰ ਤੱਕ ਪਾਸ ਲਿਆਉਣ ਦੇ ਬਾਅਦ ਵਾਪਸ ਇਨ੍ਹਾਂ ਨੂੰ ਸੁਰੱਖਿਅਤ ਦੂਰੀ ‘ਤੇ ਲਿਜਾਇਆ ਗਿਆ ਸੀ।

30 ਦਸੰਬਰ ਨੂੰ PSLV-C60 ਰਾਕੇਟ ਤੋਂ 470 ਕਿਲੋਮੀਟਰ ਦੀ ਉਚਾਈ ‘ਤੇ ਦੋ ਛੋਟੇ ਸਪੇਸਕ੍ਰਾਫਟ ਟਾਰਗੈੱਟ ਤੇ ਚੇਜਰ ਨੂੰ ਵੱਖ-ਵੱਖ ਕਲਾਸਾਂ ਵਿਚ ਲਾਂਚ ਕੀਤਾ ਗਿਆ। ਦੋਵੇਂ ਸਪੇਸਕ੍ਰਾਫਟਸ ਦੀ ਰਫਤਾਰ ਲਗਭਗ 28,800 ਕਿਲੋਮੀਟਰ ਪ੍ਰਤੀ ਘੰਟੇ ਹੋ ਗਈ। ਇਹ ਰਫਤਾਰ ਬੁਲੇਟ ਦੀ ਸਪੀਡ ਨਾਲੋਂ 10 ਗੁਣਾ ਜ਼ਿਆਦਾ ਸੀ। ਦੋਵੇਂ ਸਪੇਸਕ੍ਰਾਫਟਸ ਦੇ ਵਿਚ ਸਿੱਧਾ ਕਮਿਊਨੀਕੇਸ਼ਨ ਲਿੰਕ ਨਹੀਂ ਕੀਤਾ ਗਿਆ। ਇਨ੍ਹਾਂ ਨੂੰ ਜ਼ਮੀਨ ਤੋਂ ਗਾਈਡ ਕੀਤਾ ਗਿਆ। ਦੋਵੇਂ ਸਪੇਸਕ੍ਰਾਫਟ ਨੂੰ ਇਕ-ਦੂਜੇ ਦੇ ਨੇੜੇ ਲਿਆਂਦਾ ਗਿਆ। 5 ਕਿਲੋਮੀਟਰ ਤੋਂ 0.25 ਕਿਲੋਮੀਟਰ ਦੇ ਵਿਚ ਦੀ ਦੂਰੀ ਤੈਅ ਕਰਦੇ ਸਮੇਂ ਲੇਜਰ ਰੇਂਜ ਫਾਈਂਡਰ ਦਾ ਇਸਤੇਮਾਲ ਕੀਤਾ ਗਿਆ। 300 ਮੀਟਰ ਤੋਂ 1 ਮੀਟਰ ਦੀ ਰੇਂਜ ਲਈ ਡੌਕਿੰਗ ਕੈਮਰੇ ਦਾ ਇਸਤੇਮਾਲ ਹੋਇਆ ਤੇ ਦੂਜੇ ਪਾਸੇ 1 ਮੀਟਰ ਤੋਂ 0 ਮੀਟਰ ਤੱਕ ਦੀ ਦੂਰੀ ‘ਤੇ ਵਿਜ਼ੂਅਲ ਕੈਮਰਾ ਇਸਤੇਮਾਲ ਵਿਚ ਲਿਆਂਦਾ ਗਿਆ।

ਇਹ ਵੀ ਪੜ੍ਹੋ : ਖੰਨਾ ਦੇ ਪਿੰਡ ਮਾਜਰੀ ‘ਚ ਖੇਤਾਂ ‘ਚੋਂ ਸ਼ੱ/ਕੀ ਹਾਲਾ/ਤਾਂ ‘ਚ ਮਿਲੀ ਨੌਜਵਾਨ ਦੀ ਦੇ/ਹ, ਪੁਲਿਸ ਕਰ ਰਹੀ ਮਾਮਲੇ ਦੀ ਜਾਂਚ

ਸਫਲ ਡੌਕਿੰਗ ਦੇ ਬਾਅਦ ਹੁਣ ਆਉਣ ਵਾਲੇ ਦਿਨਾਂ ਵਿਚ ਦੋਵੇਂ ਸਪੇਸਕ੍ਰਾਫਟ ਵਿਚ ਇਲੈਕਟ੍ਰੀਕਲ ਪਾਵਰ ਟਰਾਂਸਫਰ ਦਿਖਾਇਆ ਜਾਵੇਗਾ। ਫਿਰ ਸਪੇਸਕ੍ਰਾਫਟਸ ਅਨਡੌਕਿੰਗ ਹੋਵੇਗੀ ਤੇ ਇਹ ਦੋਵੇਂ ਆਪਣੇ-ਆਪਣੇ ਪੋਲੇਡ ਦੇ ਆਪ੍ਰੇਸ਼ਨ ਨੂੰ ਸ਼ੁਰੂ ਕਰਨਗੇ। ਲਗਭਗ 2 ਸਾਲ ਤੱਕ ਇਹ ਇਸ ਨਾਲ ਮਹੱਤਵਪੂਰਨ ਡਾਟਾ ਮਿਲਦਾ ਰਹੇਗਾ।

ਵੀਡੀਓ ਲਈ ਕਲਿੱਕ ਕਰੋ -: