The state government : ਸੂਬਾ ਸਰਕਾਰ 15 ਅਗਸਤ ਤੋਂ ਬਾਅਦ ਸਾਲ 2018-19 ਲਈ ਬੇਹਤਰੀਨ ਖਿਡਾਰੀਆਂ ਨੂੰ ਕੈਸ਼ ਐਵਾਰਡ ਦੇਣ ਬਾਰੇ ਸੋਚ ਰਹੀ ਹੈ। ਖਿਡਾਰੀਆਂ ਨੂੰ ਸਨਮਾਨਿਤ ਕਰਨ ਲਈ ਕੋਈ ਸਨਮਾਨ ਸਮਾਰੋਹ ਨਹੀਂ ਰੱਖਿਆ ਜਾ ਰਿਹਾ ਹੈ। ਖਿਡਾਰੀਆਂ ਦੇ ਬੈਂਕ ਅਕਾਊਂਟ ਵਿਚ ਆਨਲਾਈਨ ਕੈਸ਼ ਐਵਾਰਡ ਦੀ ਰਕਮ ਪਾ ਦਿੱਤੀ ਜਾਵੇਗੀ। ਜਿਲ੍ਹਾ ਖੇਡ ਅਧਿਕਾਰੀਆਂ ਨੇ ਖਿਡਾਰੀਆਂ ਦੀ ਸੂਚੀ ਬਣਾ ਸੂਬਾ ਸਰਕਾਰ ਨੂੰ ਭੇਜ ਦਿੱਤੀ ਹੈ। ਜਲੰਧਰ ਤੋਂ ਨੇੜੇ 100 ਖਿਡਾਰੀਆਂ ਦੀ ਸੂਚੀ ਵਿਭਾਗ ਕੋਲ ਭੇਜੀ ਜਾਵੇਗੀ। ਇਸ ‘ਚ ਪਿਛਲੇ ਸਾਲਾਂ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਨ ਵਾਲੇ ਖਿਡਾਰੀਆਂ ਦੀ ਚੋਣ ਕੀਤੀ ਜਾਵੇਗੀ। ਕਿਸ ਖਿਡਾਰੀ ਨੂੰ ਕੈਸ਼ ਐਵਾਰਡ ਲਈ ਚੁਣਿਆ ਗਿਆ ਹੈ ਇਹ ਆਉਣ ਵਾਲੇ ਕੁਝ ਦਿਨਾਂ ਵਿਚ ਪਤਾ ਲੱਗ ਜਾਵੇਗਾ। ਵਿਭਾਗ ਨੇ ਆਨਲਾਈਨ ਵਿਭਾਗ ਨਾਲ ਕੈਸ਼ ਐਵਾਰਡ ਦੀ ਰਕਮ ਸਿੱਧੇ ਖਿਡਾਰੀਆਂ ਦੇ ਬੈਂਕ ਖਾਤੇ ਵਿਚ ਭੇਜਣ ਦੀ ਗੱਲ ਕਹੀ ਹੈ।
ਕੋਰੋਨਾ ਵਾਇਰਸ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਸਮਾਰੋਹ ਨਹੀਂ ਕਰਵਾਇਆ ਜਾਵੇਗਾ। ਸਰਕਾਰ ਨੇ ਜਿਲ੍ਹਾ, ਸੂਬਾ, ਰਾਸ਼ਟਰੀ ਤੇ ਕੌਮਾਂਤਰੀ ਪੱਧਰ ‘ਤੇ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਖਿਡਾਰੀਆਂ ਨੂੰ ਦੇਣ ਲਈ ਕੈਸ਼ ਪ੍ਰਾਈਜ਼ ਫਿਕਸ ਕੀਤਾ ਹੋਇਆ ਹੈ। ਖੇਡ ਵਿਭਾਗ ਮੁਤਾਬਕ ਜਿਲ੍ਹਾ ਪੱਧਰ ‘ਤੇ ਤਮਗਾ ਜਿੱਤਣ ਵਾਲੇ ਖਿਡਾਰੀ ਨੂੰ 2000 ਰੁਪਏ, ਸੂਬਾ ਪੱਧਰ ਦੇ ਖਿਡਾਰੀ ਨੂੰ 5000 ਤੇ ਰਾਸ਼ਟਰੀ ਪੱਧਰ ਦੇ ਖਿਡਾਰੀ ਨੂੰ 10 ਹਜ਼ਾਰ ਰੁਪਏ ਦਿੱਤੇ ਜਾਣਗੇ। ਓਲੰਪਿਕ ਵਿਚ ਤਮਗਾ ਜੇਤੂਆਂ ਨੂੰ 2.50 ਕਰੋੜ ਰੁਪਏ, ਏਸ਼ੀਅਨ, ਕਾਮਨਵੈਲਥ ਗੇਮਸ ਵਿਚ ਤਮਗਾ ਜੇਤੂਆਂ ਨੂੰ 50 ਲੱਖ ਰੁਪਏ ਮਿਲਣ ਦੀ ਉਮੀਦ ਪ੍ਰਗਟਾਈ ਜਾ ਰਹੀ ਹੈ।
