ਆਲੀਆ ਭੱਟ ਤੋਂ ਬਾਅਦ ਬਿਪਾਸ਼ਾ ਬਾਸੂ ਨੇ ਦਿਖਾਇਆ ਬੇਟੀ ਦੇਵੀ ਦਾ ਚਿਹਰਾ, ਸ਼ੇਅਰ ਕੀਤੀ ਪੋਸਟ

Bipasha Basu devi face: ਇਸ ਸਾਲ ਦਾ ਕ੍ਰਿਸਮਸ ਬਾਲੀਵੁੱਡ ਸੈਲੇਬਸ ਲਈ ਬਹੁਤ ਖਾਸ ਰਿਹਾ ਹੈ। ਕ੍ਰਿਸਮਸ ਦੇ ਮੌਕੇ ‘ਤੇ ਸੈਲੇਬਸ ਨੇ ਆਪਣੇ ਪ੍ਰਸ਼ੰਸਕਾਂ ਨੂੰ ਅਜਿਹਾ ਸਰਪ੍ਰਾਈਜ਼ ਦਿੱਤਾ ਹੈ, ਜਿਸ ਬਾਰੇ ਉਨ੍ਹਾਂ ਨੇ ਸੋਚਿਆ ਵੀ ਨਹੀਂ ਸੀ। ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਨੇ ਪ੍ਰਸ਼ੰਸਕਾਂ ਨੂੰ ਬੇਟੀ ਰਾਹਾ ਦਾ ਚਿਹਰਾ ਦਿਖਾਇਆ ਹੈ। ਰਣਬੀਰ ਅਤੇ ਆਲੀਆ ਨੇ ਰਾਹਾ ਨੂੰ ਪਾਪਰਾਜ਼ੀ ਦੇ ਸਾਹਮਣੇ ਲਿਆਂਦਾ ਸੀ। ਰਾਹਾ ਦੇ ਕਿਊਟਨੇਸ ਦੇ ਬੁਖਾਰ ਤੋਂ ਪ੍ਰਸ਼ੰਸਕ ਬਾਹਰ ਆਉਣ ਤੋਂ ਪਹਿਲਾਂ ਬਿਪਾਸ਼ਾ ਬਾਸੂ ਨੇ ਵੀ ਦਿੱਤਾ ਸਰਪ੍ਰਾਈਜ਼।

ਕ੍ਰਿਸਮਸ ਦੇ ਮੌਕੇ ‘ਤੇ ਬਿਪਾਸ਼ਾ ਨੇ ਪਹਿਲੀ ਵਾਰ ਪ੍ਰਸ਼ੰਸਕਾਂ ਨੂੰ ਦੇਵੀ ਦਾ ਚਿਹਰਾ ਵੀ ਦਿਖਾਇਆ ਹੈ। ਦੇਵੀ ਦੀ ਤਸਵੀਰ ਦੇਖ ਕੇ ਪ੍ਰਸ਼ੰਸਕ ਉਸ ਦੀ ਕਿਊਟਨੇਸ ਦੇ ਦੀਵਾਨੇ ਹੋ ਗਏ ਹਨ। ਬਿਪਾਸ਼ਾ ਬਾਸੂ ਅਤੇ ਕਰਨ ਸਿੰਘ ਗਰੋਵਰ ਪਿਛਲੇ ਸਾਲ ਮਾਤਾ-ਪਿਤਾ ਬਣੇ ਸਨ। ਦੇਵੀ ਦੇ ਜਨਮ ਤੋਂ ਹੀ ਬਿਪਾਸ਼ਾ ਦਾ ਪਰਿਵਾਰ ਸੁਰਖੀਆਂ ‘ਚ ਹੈ। ਇਸ ਸਾਲ ਦੇਵੀ ਨੇ ਦੀਵਾਲੀ ‘ਤੇ ਆਪਣਾ ਪਹਿਲਾ ਜਨਮਦਿਨ ਮਨਾਇਆ। ਜਿਸ ਤੋਂ ਬਾਅਦ ਪ੍ਰਸ਼ੰਸਕਾਂ ਨੇ ਸੋਚਿਆ ਸੀ ਕਿ ਬਿਪਾਸ਼ਾ ਅਤੇ ਕਰਨ ਪ੍ਰਸ਼ੰਸਕਾਂ ਨੂੰ ਆਪਣੀ ਬੇਟੀ ਦਾ ਚਿਹਰਾ ਦਿਖਾਉਣਗੇ ਪਰ ਹੁਣ ਕ੍ਰਿਸਮਿਸ ‘ਤੇ ਉਨ੍ਹਾਂ ਦੀ ਇਹ ਇੱਛਾ ਪੂਰੀ ਹੋ ਗਈ ਹੈ। ਬਾਸੂ ਨੇ ਦੇਵੀ ਦੀ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ ਜਿਸ ਵਿੱਚ ਉਨ੍ਹਾਂ ਦਾ ਸਾਈਡ ਚਿਹਰਾ ਨਜ਼ਰ ਆ ਰਿਹਾ ਹੈ। ਰੈੱਡ ਕਲਰ ਦੀ ਡਰੈੱਸ ਅਤੇ ਹੇਅਰਬੈਂਡ ‘ਚ ਦੇਵੀ ਕਾਫੀ ਕਿਊਟ ਲੱਗ ਰਹੀ ਹੈ। ਫੋਟੋ ਸ਼ੇਅਰ ਕਰਦੇ ਹੋਏ ਬਿਪਾਸ਼ਾ ਨੇ ਲਿਖਿਆ- ਇਸ ਕ੍ਰਿਸਮਸ ਸਾਂਤਾ ਕੋਲ ਇੱਕ ਨਵਾਂ ਸਹਾਇਕ ਹੈ ਜੋ ਆਪਣੇ ਨਾਲ ਸਾਰਿਆਂ ਲਈ ਖੁਸ਼ੀ ਅਤੇ ਪਿਆਰ ਦਾ ਤੋਹਫਾ ਲੈ ਕੇ ਆਇਆ ਹੈ।