health minister satyendar jain says: ਦਿੱਲੀ ਵਿੱਚ ਵੱਧ ਰਹੇ ਕੋਰੋਨਾ ਦੇ ਮਾਮਲਿਆਂ ਵਿਚਕਾਰ ਸਿਹਤ ਮੰਤਰੀ ਸਤੇਂਦਰ ਜੈਨ ਨੇ ਐਲਾਨ ਕੀਤਾ ਹੈ ਕਿ ਕੋਰੋਨਾ ਦਾ ਹੇਠਲਾ ਰੁਝਾਨ ਸ਼ੁਰੂ ਹੋ ਗਿਆ ਹੈ। ਪਿੱਛਲੇ ਇੱਕ ਹਫਤੇ ਤੋਂ, ਰੋਜ਼ਾਨਾ 4 ਹਜ਼ਾਰ ਤੋਂ ਘੱਟ ਕੇਸ ਦਰਜ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ, ਦਿੱਲੀ ਦੀ ਕੇਸ ਡਬਲ ਹੋਣ ਦੀ ਦਰ ਹੁਣ ਲੱਗਭਗ 50 ਦਿਨਾਂ ਤੱਕ ਪਹੁੰਚ ਗਈ ਹੈ। ਸਿਹਤ ਮੰਤਰੀ ਨੇ ਕਿਹਾ ਕਿ 2 ਹਫਤਿਆਂ ਵਿੱਚ ਇਹ ਰੁਝਾਨ ਦਿੱਲੀ ਵਿੱਚ ਹੇਠਾਂ ਆ ਜਾਵੇਗਾ ਕਿਉਂਕਿ ਕੋਰੋਨਾ ਦਾ ਰੁਝਾਨ ਕਾਫੀ ਚੜ੍ਹਨ ਤੋਂ ਬਾਅਦ ਰੁੱਕ ਗਿਆ ਹੈ, ਜਿਸ ਵਿੱਚ ਹੁਣ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੇਗੀ। ਸਤੇਂਦਰ ਜੈਨ ਨੇ ਦੱਸਿਆ ਕਿ ਰੋਜ਼ਾਨਾ 50 ਤੋਂ 60 ਹਜ਼ਾਰ ਦੇ ਵਿੱਚ ਟੈਸਟਿੰਗ ਕੀਤੀ ਜਾਂਦੀ ਹੈ। ਸਤੇਂਦਰ ਜੈਨ ਨੇ ਕਿਹਾ ਕਿ ਦਿੱਲੀ ਵਿੱਚ ਸਰੀਰ ‘ਚ ਐਂਟੀਬਾਡੀਜ਼ ਦੀ ਜਾਂਚ ਕਰਨ ਵਾਲੇ ਸੀਰੋ ਸਰਵੇ ਦੀ ਤਰੀਕ ਨੂੰ ਹਰ ਮਹੀਨੇ ਵਧਾਇਆ ਜਾ ਸਕਦਾ ਹੈ। ਅਦਾਲਤ ਨੇ ਆਦੇਸ਼ ਦਿੱਤੇ ਸਨ ਕੇ ਇਸ ਦੇ ਕਾਰਨ, 30 ਸਤੰਬਰ ਨੂੰ, ਸੀਰੋ ਸਰਵੇ ਅਦਾਲਤ ਦੇ ਸਾਹਮਣੇ ਰੱਖਿਆ ਜਾਵੇਗਾ। ਅਜਿਹੀ ਸਥਿਤੀ ਵਿੱਚ ਅਕਤੂਬਰ ਮਹੀਨੇ ਦਾ ਸਰਵੇਖਣ ਕੁੱਝ ਦੇਰ ਨਾਲ ਹੋ ਸਕਦਾ ਹੈ। 1 ਅਕਤੂਬਰ ਤੋਂ ਸੀਰੋ ਸਰਵੇ ਨਹੀਂ ਕੀਤਾ ਜਾਵੇਗਾ। ,ਹਾਲਾਂਕਿ ਸੀਰੋ ਸਰਵੇ ਨੂੰ ਮੁਲਤਵੀ ਨਹੀਂ ਕੀਤਾ ਗਿਆ ਹੈ।
ਉਪ ਮੁੱਖ ਮੰਤਰੀ ਮਨੀਸ਼ ਸਿਸੋਦੀਆ ਦੀ ਸਿਹਤ ਬਾਰੇ ਸਿਹਤ ਮੰਤਰੀ ਨੇ ਕਿਹਾ ਕਿ ਉਪ ਮੁੱਖ ਮੰਤਰੀ ਨੂੰ ਪਲਾਜ਼ਮਾ ਥੈਰੇਪੀ ਦਿੱਤੀ ਗਈ ਹੈ। ਉਨ੍ਹਾਂ ਦੀ ਸਿਹਤ ਕਾਫ਼ੀ ਚੰਗੀ ਹੈ। ਜਦੋਂ ਇਹ ਪੁੱਛਿਆ ਗਿਆ ਕਿ ਕੋਰੋਨਾ ਦਿੱਲੀ ਵਿੱਚ ਮੰਤਰੀਆਂ, ਵਿਧਾਇਕਾਂ, ਮੇਅਰਾਂ ਅਤੇ ਨੇਤਾਵਾਂ ਨੂੰ ਵੀ ਚਪੇਟ ਚ ਲੈ ਰਿਹਾ ਹੈ, ਤਾਂ ਸਤੇਂਦਰ ਜੈਨ ਨੇ ਕਿਹਾ ਕਿ ਵਾਇਰਸ ਵਿਤਕਰਾ ਨਹੀਂ ਕਰਦਾ, ਤੁਸੀਂ ਮੰਤਰੀ ਹੋ ਜਾਂ ਇੱਕ ਸੰਤਰੀ। ਸਰਕਾਰ ਨੇ ਸਾਰਿਆਂ ਲਈ ਰੋਕਥਾਮ ਅਤੇ ਇਲਾਜ ਦਾ ਪ੍ਰਬੰਧ ਕਰਨਾ ਹੈ। ਜੇ ਮੰਤਰੀ ਅਤੇ ਮੇਅਰ ਨੂੰ ਕੋਰੋਨਾ ਦੀ ਚਪੇਟ ‘ਚ ਆ ਹਨ ਤਾਂ ਗਰੀਬ ਲੋਕ ਵੀ ਕੋਰੋਨਾ ਨਾਲ ਸੰਕਰਮਿਤ ਹੋ ਰਹੇ ਹਨ।
