Another death due : ਭਵਾਨੀਗੜ੍ਹ ਦੇ ਨੇੜਲੇ ਪਿੰਡ ਘਰਾਚੋਂ ਵਿਖੇ ਇੱਕ ਵੱਡੀ ਘਟਨਾ ਸਾਹਮਣੇ ਆਈ ਹੈ। ਤੁਹਾਨੂੰ ਦੱਸ ਦਈਏ ਕਿ ਬੀਤੇ ਕੱਲ੍ਹ ਪਿੰਡ ਘਰਾਚੋਂ ਵਿਖੇ ਸੰਘਰੇੜੀ ਨੂੰ ਜਾਂਦੀ ਸੜਕ ਵਾਲੇ ਮੋੜ ‘ਤੇ ਇੱਕ ਇੱਟਾਂ ਢੋਣ ਵਾਲੇ ਟਰੈਕਟਰ ਟਰਾਲੀ ਨੇ ਰੇਹੜੀ ‘ਤੇ ਸਬਜ਼ੀ ਵੇਚਣ ਵਾਲੇ ਇੱਕ ਵਿਅਕਤੀ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ ਜਿਸ ਕਾਰਨ ਇਹ ਸੜਕ ਕਿਨਾਰੇ ਦੁਕਾਨ ਦੀ ਕੰਧ ਅਤੇ ਟਰੈਕਟਰ ਵਿਚਕਾਰ ਆ ਕੇ ਰੇਹੜੀ ਵਾਲਾ ਵਿਅਕਤੀ ਬੁਰੇ ਤਰੀਕੇ ਨਾਲ ਜ਼ਖ਼ਮੀ ਹੋ ਗਿਆ ਅਤੇ ਗੰਭੀਰ ਰੂਪ ਨਾਲ ਉਸ ਵਿਅਕਤੀ ਦਾ ਪੇਟ ਪਾੜ ਜਾਣ ਕਾਰਨ ਸਮੇਂ ਉੱਪਰ ਹੀ ਉਸਦੀ ਮੌਤ ਹੋ ਗਈ ਜਿਸ ਦੀ ਕਿ ਉਮਰ ਪਚਵੰਜਾ ਸੱਠ ਸਾਲ ਦੇ ਲਗਭਗ ਸੀ ਅਤੇ ਉਸ ਦਾ ਨਾਂ ਪਾਲਾ ਸਿੰਘ ਸੀ। ਉਸ ਨੂੰ ਉਸ ਵਕਤ ਪਟਿਆਲਾ ਹਸਪਤਾਲ ਵਿਖੇ ਲਿਜਾਇਆ ਗਿਆ ਜਿੱਥੇ ਕਿ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ ।
ਇਸ ਸੰਬੰਧੀ ਜਦੋਂ ਘਰਾਚੋਂ ਪੁਲਸ ਚੌਂਕੀ ਦੇ ਇੰਚਾਰਜ ਕਿਰਪਾਲ ਸਿੰਘ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਇੱਕ ਭੱਠੇ ਦੀਆਂ ਇੱਟਾਂ ਢੋਣ ਵਾਲਾ ਟਰੈਕਟਰ ਟਰਾਲੀ ਜੋ ਕਿ ਤੇਜ਼ ਸਪੀਡ ਵਿੱਚ ਆ ਰਹੀ ਸੀ, ਉਸ ਨੇ ਪਾਲਾ ਸਿੰਘ ਜੋ ਕੀ ਰੇਹੜੀ ਉੱਪਰ ਸਬਜ਼ੀ ਵੇਚਣ ਦਾ ਕੰਮ ਕਰਦਾ ਸੀ। ਸਿੱਧਾ ਟਰੈਕਟਰ ਪਾਲੇ ‘ਚ ਲਿਆ ਕੇ ਮਾਰਿਆ ਅਤੇ ਉਸਦੀ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਜਾਣ ਕਾਰਨ ਮੌਤ ਹੋ ਗਈ ਉਨ੍ਹਾਂ ਦੱਸਿਆ ਕਿ ਸਾਰੀ ਘਟਨਾ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ ਹੈ ਤੇ ਉਸ ਦੇ ਆਧਾਰ ‘ਤੇ ਉੱਪਰ ਅਤੇ ਬਿਆਨਾਂ ਦੇ ਆਧਾਰ ਤੇ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ ਤੇ ਦੋਸ਼ੀ ਨੂੰ ਫੜਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
