‘ਓਮੀਕ੍ਰੋਨ’ ‘ਤੇ ਕੋਰੋਨਾ ਵੈਕਸੀਨ ਦੀ ਬੂਸਟਰ ਡੋਜ਼ ਵੀ ਹੋਈ ਫੇਲ੍ਹ, ਸਿੰਗਾਪੁਰ ‘ਚ ਮਿਲੇ ਦੋ ਮਾਮਲੇ

ਕੋਰੋਨਾ ਦੇ ਨਵੇਂ ਰੂਪ ‘ਓਮੀਕ੍ਰੋਨ’ ‘ਤੇ ਕੋਵਿਡ ਵੈਕਸੀਨ ਦੀ ਬੂਸਟਰ ਯਾਨੀ ਤੀਜੀ ਡੋਜ਼ ਲੈ ਕੇ ਦਾਅਵੇ ਕੀਤੇ ਜਾ ਰਹੇ ਹਨ ਕਿ ਇਹ ‘ਓਮੀਕ੍ਰੋਨ’ ਤੋਂ ਲੋਕਾਂ ਨੂੰ ਸੁਰੱਖਿਅਤ ਰੱਖੇਗੀ, ਇਸ ਨੂੰ ਲੈ ਕੇ ਰਿਸਰਚ ਵੀ ਚੱਲ ਰਹੀ ਹੈ। ਇਸੇ ਵਿਚਾਲੇ ਸਿੰਗਾਪੁਰ ਵਿੱਚ ਦੋ ਅਜਿਹੇ ਮਾਮਲੇ ਸਾਹਮਣੇ ਆਏ ਹਨ, ਜਿਨ੍ਹਾਂ ਨੇ ਵੈਕਸੀਨ ਦੀਆਂ ਦੋਵੇਂ ਖੁਰਾਕਾਂ ਦੇ ਨਾਲ ਬੂਸਟਰ ਡੋਜ਼ ਵੀ ਲਈ ਸੀ ਪਰ ਉਹ ‘ਓਮੀਕ੍ਰੋਨ’ ਦੀ ਲਪੇਟ ਵਿੱਚ ਆ ਗਏ।

ਸਿੰਗਾਪੁਰ ਵਿੱਚ ‘ਓਮੀਕ੍ਰੋਨ’ ਵੇਰੀਐਂਟ ਨਾਲ ਸੰਕਰਮਿਤ ਪਾਏ ਗਏ ਦੋਵਾਂ ਲੋਕਾਂ ਨੂੰ ਕੋਵਿਡ ਵੈਕਸੀਨ ਦੀ ਬੂਸਟਰ ਡੋਜ਼ ਮਿਲੀ ਹੈ। ਇਸ ਦੇ ਬਾਵਜੂਦ, ਉਨ੍ਹਾਂ ਦੇ ਉਨ੍ਹਾਂ ਵਿੱਚ ‘ਓਮੀਕ੍ਰੋਨ’ ਪਾਇਆ ਗਿਆ ਹੈ। ਹੁਣ ਵਾਇਰਸ ਤੋਂ ਸੁਰੱਖਿਆ ਦੇਣ ਲਈ ਬੂਸਟਰ ਡੋਜ਼ ਦੀ ਸਮਰੱਥਾ ‘ਤੇ ਸਵਾਲ ਖੜ੍ਹੇ ਹੋ ਰਹੇ ਹਨ।

ਸਿੰਗਾਪੁਰ ‘ਚ ‘ਓਮੀਕ੍ਰੋਨ’ ਦਾ ਪਹਿਲਾ ਮਾਮਲਾ 24 ਸਾਲਾ ਔਰਤ ਦਾ ਹੈ ਜੋ ਏਅਰਪੋਰਟ ‘ਤੇ ਪੈਸੇਂਜਰ ਸਰਵਿਸ ‘ਚ ਕੰਮ ਕਰਦੀ ਹੈ। ਸ਼ੁਰੂਆਤੀ ਜਾਂਚ ਵਿੱਚ ਇਹ ਔਰਤ ‘ਓਮੀਕ੍ਰੋਨ’ ਪਾਜ਼ੀਟਿਵ ਪਾਈ ਗਈ ਹੈ। ਸਿੰਗਾਪੁਰ ਦੇ ਸਿਹਤ ਮੰਤਰਾਲੇ ਨੇ ਕਿਹਾ ਕਿ ਇਹ ਸ਼ਹਿਰ ਵਿੱਚ ‘ਓਮੀਕ੍ਰੋਨ’ ਦਾ ਪਹਿਲਾ ਲੋਕਲ ਮਾਮਲਾ ਹੈ।

ਵੀਡੀਓ ਲਈ ਕਲਿੱਕ ਕਰੋ -:

Stuffed Mini Paratha | ਫਟਾਫਟ ਬਣਨ ਵਾਲਾ ਮਿੰਨੀ ਪਰਾਠਾਂ | Veg Paratha | Stuffed Bun Paratha”

ਦੂਜਾ ਮਾਮਲਾ ਵਿਦੇਸ਼ੀ ਸੰਕ੍ਰਮਣ ਦਾ ਹੈ। ਇਸ ਵਿਚ ਸੰਕ੍ਰਮਿਤ ਪਾਇਆ ਗਿਆ ਵਿਅਕਤੀ 6 ਦਸੰਬਰ ਨੂੰ ਜਰਮਨੀ ਤੋਂ ਵਾਪਸ ਆਇਆ ਸੀ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਉਸ ਨੂੰ ਜਰਮਨੀ ਵਿੱਚ ਹੀ ‘ਓਮੀਕ੍ਰੋਨ’ ਦੀ ਲਪੇਟ ਵਿੱਚ ਆਇਆ ਹੋਵੇਗਾ, ਉਸ ਨੂੰ ਵੀ ਕੋਰੋਨਾ ਵੈਕਸੀਨ ਦੀ ਬੂਸਟਰ ਡੋਜ਼ ਲੱਗੀ ਹੋਈ ਸੀ।

ਇਹ ਵੀ ਪੜ੍ਹੋ : ਸਿੱਧੂ ਮੂਸੇਵਾਲਾ ਨੂੰ ਵਿਧਾਨ ਸਭਾ ਚੋਣ ਲੜਾਉਣ ਦੀ ਤਿਆਰੀ, CM ਚੰਨੀ ਨੇ ਕੀਤਾ ਵੱਡਾ ਐਲਾਨ

ਹਾਲਾਂਕਿ, ਵੈਕਸੀਨ ਨਿਰਮਾਤਾ Pfizer-BioNtech ਨੇ ਇਸ ਹਫਤੇ ਦੇ ਸ਼ੁਰੂ ਵਿੱਚ ਦਾਅਵਾ ਕੀਤਾ ਸੀ ਕਿ ਵੈਕਸੀਨ ਦੀ ਤੀਜੀ ਡੋਜ਼ ਯਾਨੀ ਬੂਸਟਰ ਡੋਜ਼ ਨਾਲ ‘ਓਮੀਕ੍ਰੋਨ’ ਵੈਰੀਐਂਟ ਖਤਮ ਹੋ ਸਕਦਾ ਹੈ। ਕੰਪਨੀ ਨੇ ਇਹ ਦਾਅਵਾ ਓਮੀਕ੍ਰੋਨ ਵੇਰੀਐਂਟ ‘ਤੇ ਵੈਕਸੀਨ ਦੇ ਅਸਰ ਨੂੰ ਲੈ ਕੇ ਚੱਲ ਰਹੀ ਖੋਜ ਦੇ ਸ਼ੁਰੂਆਤੀ ਲੈਬ ਨਤੀਜਿਆਂ ਦੇ ਆਧਾਰ ‘ਤੇ ਕੀਤਾ ਹੈ, ਪਰ ਸਿੰਗਾਪੁਰ ‘ਚ ਪਾਏ ਗਏ ਮਾਮਲਿਆਂ ਨੇ ਇਨ੍ਹਾਂ ਦਾਅਵਿਆਂ ‘ਤੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ।