ਅੰਮ੍ਰਿਤਸਰ ਵਿੱਚ ਡਾਕਟਰ ਜੋੜੇ ‘ਤੋਂ ਔਡੀ ਕਾਰ ਹਥਿਆਰਾਂ ਦੀ ਨੋਕ ‘ਤੋਂ ਔਡੀ ਕਾਰ ਲੁੱਟ ਮਾਮਲੇ ‘ਚ ਪੁਲਿਸ ਨੂੰ ਵੱਡੀ ਸਫਲਤਾ ਮਿਲੀ ਹੈ। ਪੁਲਿਸ ਨੇ ਡਾਕਟਰ ਤਰੁਣ ਬੇਰੀ ਤੋਂ ਖੋਹੀ ਗਈ ਔਡੀ ਕਾਰ ਲੁਟੇਰਿਆਂ ਕੋਲੋਂ ਬਰਾਮਦ ਕਰ ਲਿਆ ਹੈ। ਇਨ੍ਹਾਂ ਹੀ ਨਹੀਂ ਪੁਲਿਸ ਖੁਦ ਡਾਕਟਰ ਦੇ ਘਰ ਪਹੁੰਚੀ ਅਤੇ ਉਨ੍ਹਾਂ ਨੂੰ ਕਾਰ ਸੌਂਪ ਦਿੱਤੀ। ਡਾ: ਤਰੁਣ ਬੇਰੀ ਨੇ ਪੁਲਿਸ ਦੇ ਕੰਮ ਦੀ ਸ਼ਲਾਘਾ ਕਰਦਿਆਂ ਧੰਨਵਾਦ ਕੀਤਾ।
ਦੱਸ ਦੇਈਏ ਕਿ 25 ਨਵੰਬਰ ਨੂੰ ਡਾਕਟਰ ਤਰੁਣ ਬੇਰੀ ਦੀ ਕਾਰ ਡਾ: ਕੇਡੀ ਦੇ ਘਰ ਦੇ ਬਾਹਰੋਂ ਬੰਦੂਕ ਦੀ ਨੋਕ ‘ਤੇ ਉਨ੍ਹਾਂ ‘ਤੋਂ ਖੋਹ ਲਈ ਗਈ ਸੀ। ਡਾ: ਬੇਰੀ ਆਪਣੀ ਪਤਨੀ ਨੂੰ ਛੱਡਣ ਲਈ ਡਾ: ਕੇਡੀ ਦੇ ਘਰ ਗਏ ਸੀ, ਜਿੱਥੇ ਅੱਧੀ ਰਾਤ ਨੂੰ ਉਸ ਤੋਂ ਬੰਦੂਕ ਦੀ ਨੋਕ ‘ਤੇ ਕਾਰ ਖੋਹ ਕੇ ਚੋਰ ਫਰਾਰ ਹੋ ਗਏ ਸਨ। ਇਸ ਘਟਨਾ ਤੋਂ ਬਾਅਦ ਉਨ੍ਹਾਂ ਨੇ ਤੁਰੰਤ ਇਸ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ।
ਇਹ ਵੀ ਪੜ੍ਹੋ : ਹਰਿਆਣਾ ‘ਚ ਚੀਨੀ ਵਾਇਰਸ ਨੂੰ ਲੈ ਕੇ ਅਲਰਟ, ਸਿਰਸਾ ਦੇ ਹਸਪਤਾਲ ‘ਚ 11 ਬੱਚੇ ਦਾਖਲ, 5 ਦੀ ਰਿਪੋਰਟ ਨੈਗੇਟਿਵ
ਮਾਮਲੇ ਦੀ ਸੰਵੇਦਨਸ਼ੀਲਤਾ ਨੂੰ ਦੇਖਦੇ ਹੋਏ ਪੁਲਿਸ ਕਮਿਸ਼ਨਰ ਗੁਰਪ੍ਰੀਤ ਸਿੰਘ ਭੁੱਲਰ ਦੀਆਂ ਹਦਾਇਤਾਂ ‘ਤੇ ADCP 3 ਅਭਿਮਨਿਊ ਰਾਣਾ, ਏਸੀਪੀ ਨਾਰਥ ਵਰਿੰਦਰ ਖੋਸਾ, ਮਜੀਠਾ ਰੋਡ ਥਾਣੇ ਦੇ ਮੁੱਖ ਅਫ਼ਸਰ ਅਤੇ CIA ਸਟਾਫ਼ ਦੀਆਂ ਵੱਖ-ਵੱਖ ਟੀਮਾਂ ਦਾ ਗਠਨ ਕੀਤਾ ਗਿਆ। ਪੁਲਿਸ ਪਾਰਟੀ ਵੱਲੋਂ ਗਠਿਤ ਟੀਮਾਂ ਚੋਰਾਂ ਦਾ ਪਿੱਛਾ ਕਰਦੀ ਹੋਈ ਮੁਹਾਲੀ ਪਹੁੰਚ ਗਈ। ਪੁਲਿਸ ਵੱਲੋਂ ਕਾਰ ਖੋਹਣ ਵਾਲੇ ਰਾਜਨਪ੍ਰੀਤ ਸਿੰਘ ਵਾਸੀ ਤਲਵੰਡੀ ਖੁੰਮਣ, ਥਾਣਾ ਕੱਥੂਨੰਗਲ ਨੂੰ ਕਾਰ ਸਮੇਤ ਕਾਬੂ ਕਰ ਲਿਆ ਗਿਆ, ਬਾਕੀ ਦੋ ਚੋਰ ਫਰਾਰ ਹੋ ਗਏ।
ਪੁਲਿਸ ਕਮਿਸ਼ਨਰ ਗੁਰਪ੍ਰੀਤ ਸਿੰਘ ਭੁੱਲਰ ਸ਼ਨੀਵਾਰ ਸ਼ਾਮ ਖੁਦ ਆਪਣੀ ਟੀਮ ਸਮੇਤ ਬਰਾਮਦ ਹੋਈ ਔਡੀ ਕਾਰ ਸਮੇਤ ਪਹੁੰਚੇ ਅਤੇ ਕਾਰ ਮਾਲਕ ਨੂੰ ਸੌਂਪ ਦਿੱਤੀ। ਕਮਿਸ਼ਨਰ ਨੇ ਉਨ੍ਹਾਂ ਦੀ ਸੁਰੱਖਿਆ ਦੀ ਕਾਮਨਾ ਵੀ ਕੀਤੀ। ਕਾਰ ਹਵਾਲੇ ਕਰਨ ਆਈ ਪੁਲਿਸ ਟੀਮ ਦਾ ਪੁਲਿਸ ਵੱਲੋਂ ਧੰਨਵਾਦ ਕੀਤਾ ਗਿਆ। ਉਸ ਨੇ ਦੱਸਿਆ ਕਿ ਘਟਨਾ ਦੇ ਸਮੇਂ ਉਸ ਨੇ ਸਿਰਫ 100 ਨੰਬਰ ‘ਤੇ ਕਾਲ ਕੀਤੀ ਸੀ ਅਤੇ ਉਸੇ ਸਮੇਂ ਨਜ਼ਦੀਕੀ ਪੁਲਿਸ ਉਸ ਕੋਲ ਪਹੁੰਚ ਗਈ ਅਤੇ 24 ਘੰਟਿਆਂ ਦੇ ਅੰਦਰ ਕਾਰ ਨੂੰ ਬਰਾਮਦ ਕਰ ਲਿਆ ਗਿਆ।
ਵੀਡੀਓ ਲਈ ਕਲਿੱਕ ਕਰੋ : –
