ਯੂਪੀ ਦੇ ਅਲੀਗੜ੍ਹ ‘ਚ ਇਕ ਸਾਨ੍ਹ ਨੇ ਘਰ ਦੇ ਬਾਹਰ ਖੇਡ ਰਹੇ ਢਾਈ ਸਾਲ ਦੇ ਬੱਚੇ ‘ਤੇ ਹਮਲਾ ਕਰ ਦਿੱਤਾ, ਜਿਸ ਕਾਰਨ ਉਹ ਗੰਭੀਰ ਰੂਪ ‘ਚ ਜ਼ਖਮੀ ਹੋ ਗਿਆ। ਘਟਨਾ ਦੀ ਵੀਡੀਓ ਵੀ ਸਾਹਮਣੇ ਆਈ ਹੈ। ਇਸ ਵਿੱਚ ਬਲਦ ਇੱਕ ਬੱਚੇ ਨੂੰ ਲਤਾੜਦਾ ਦੇਖਿਆ ਜਾ ਸਕਦਾ ਹੈ।
ਇਹ ਘਟਨਾ ਵੀਰਵਾਰ ਸਵੇਰੇ 7:40 ਵਜੇ ਅਲੀਗੜ੍ਹ ਦੇ ਧਨੀਪੁਰ ਮੰਡੀ ਇਲਾਕੇ ‘ਚ ਵਾਪਰੀ। ਸੀਸੀਟੀਵੀ ਮੁਤਾਬਕ ਬੱਚਾ ਆਪਣੇ ਦਾਦਾ ਜੀ ਨਾਲ ਘੁੰਮ ਰਿਹਾ ਹੈ। ਦਾਦਾ ਬੱਚੇ ਨੂੰ ਛੱਡ ਕੇ ਕਿਸੇ ਹੋਰ ਗਲੀ ਵਿਚ ਚਲਾ ਜਾਂਦਾ ਹੈ, ਉਸੇ ਸਮੇਂ ਕੁਝ ਦੂਰੀ ‘ਤੇ ਖੜ੍ਹਾ ਇਕ ਬਲਦ ਦੌੜਦਾ ਆਉਂਦਾ ਹੈ ਅਤੇ ਬੱਚੇ ‘ਤੇ ਹਮਲਾ ਕਰ ਦਿੰਦਾ ਹੈ। ਉਹ ਪਹਿਲਾਂ ਬੱਚੇ ਨੂੰ ਸਿੰਗ ਮਾਰਦਾ ਹੈ, ਫਿਰ ਉਸ ਨੂੰ ਲਤਾੜਦਾ ਹੈ ਅਤੇ ਕੁਝ ਦੂਰੀ ਤੱਕ ਘਸੀਟਦਾ ਹੈ। ਉਸ ਤੋਂ ਬਾਅਦ ਬੱਚੇ ‘ਤੇ ਬੈਠਦਾ ਹੈ। ਚੀਕ-ਚਿਹਾੜਾ ਸੁਣ ਕੇ ਦਾਦਾ ਮੌਕੇ ‘ਤੇ ਪਹੁੰਚੇ ਅਤੇ ਬੱਚੇ ਨੂੰ ਖਿੱਚ ਕੇ ਬਾਹਰ ਕੱਢਿਆ।
ਘਟਨਾ ਦੀ ਸੀਸੀਟੀਵੀ ਫੁਟੇਜ ਸਾਹਮਣੇ ਆਉਣ ਤੋਂ ਬਾਅਦ ਬਲਦ ਨੂੰ ਫੜਨ ਲਈ ਨਗਰ ਨਿਗਮ ਦੀ ਟੀਮ ਧਨੀਪੁਰ ਇਲਾਕੇ ਵਿੱਚ ਭੇਜੀ ਗਈ ਹੈ। ਇਸ ਦੇ ਨਾਲ ਹੀ ਇਲਾਕੇ ਵਿੱਚ ਘੁੰਮ ਰਹੇ ਹੋਰ ਬਲਦਾਂ ਨੂੰ ਫੜਨ ਦੇ ਆਦੇਸ਼ ਦਿੱਤੇ ਗਏ ਹਨ।
ਬਲਦ ਦੇ ਹਮਲੇ ਵਿੱਚ ਜ਼ਖਮੀ ਹੋਏ ਮਾਸੂਮ ਪ੍ਰਤੀਕ ਦੇ ਬਾਬਾ ਮਹੀਪਾਲ ਸਿੰਘ ਨੇ ਦੱਸਿਆ ਕਿ ਉਹ ਬੱਚੇ ਨੂੰ ਨੇੜਲੇ ਹਸਪਤਾਲ ਲੈ ਗਏ ਹਨ। ਜਿੱਥੇ ਡਾਕਟਰਾਂ ਵੱਲੋਂ ਬੱਚੇ ਦਾ ਇਲਾਜ ਕੀਤਾ ਗਿਆ। ਹੁਣ ਉਹ ਖਤਰੇ ਤੋਂ ਬਾਹਰ ਹੈ। ਕੁਝ ਸਮੇਂ ਲਈ ਹਸਪਤਾਲ ‘ਚ ਭਰਤੀ ਸੀ। ਉਸ ਦੀ ਹਾਲਤ ਠੀਕ ਹੋਣ ਤੋਂ ਬਾਅਦ ਘਰ ਲਿਆਂਦਾ ਗਿਆ। ਬੱਚੇ ਦੇ ਚਿਹਰੇ ਅਤੇ ਲੱਤ ‘ਤੇ ਸੱਟਾਂ ਲੱਗੀਆਂ ਹਨ।
ਇਹ ਵੀ ਪੜ੍ਹੋ : PAK ‘ਚ ਅਨੋਖੀ ਪ੍ਰੇਮ ਕਹਾਣੀ, 8 ਸਾਲ ਪੁਰਾਣੇ ਇਸ਼ਕ ‘ਚ ਕੁੜੀ ਨੇ ਮੈਰਿਡ ਪ੍ਰੇਮੀ ਨੂੰ ਅਗਵਾ ਕਰ ਕੀਤਾ ਨਿਕਾਹ
ਮਹੀਪਾਲ ਸਿੰਘ ਨੇ ਦੱਸਿਆ ਕਿ ਉਹ ਪੁਲਿਸ ਵਿਭਾਗ ਵਿੱਚ ਐਸਆਈ ਦੇ ਅਹੁਦੇ ਤੋਂ ਸੇਵਾਮੁਕਤ ਹਨ। ਆਪਣੇ ਪਰਿਵਾਰ ਨਾਲ ਧਨੀਪੁਰ ਮੰਡੀ ਵਿੱਚ ਰਹਿੰਦਾ ਹੈ। ਉਨ੍ਹਾਂ ਦੇ ਘਰ ਦੇ ਨਾਲ ਹੀ ਵਿਵਾਦਿਤ ਪਲਾਟ ਹੈ, ਜੋ ਕਿ ਖਾਲੀ ਪਿਆ ਹੈ। ਨੇੜੇ-ਤੇੜੇ ਦੇ ਵਿਆਹ ਵਾਲੇ ਘਰਾਂ ਦੇ ਲੋਕ ਬਚਿਆ ਹੋਇਆ ਬਾਸੀ ਭੋਜਨ ਸੁੱਟ ਕੇ ਇੱਥੇ ਜਾਂਦੇ ਹਨ।
ਇਸ ਭੋਜਨ ਨੂੰ ਖਾਣ ਲਈ ਅਵਾਰਾ ਪਸ਼ੂ ਇੱਥੇ ਇਕੱਠੇ ਹੁੰਦੇ ਰਹਿੰਦੇ ਹਨ। ਇਸ ਸਬੰਧੀ ਇਲਾਕੇ ਦੇ ਲੋਕ ਕਈ ਵਾਰ ਸ਼ਿਕਾਇਤ ਕਰ ਚੁੱਕੇ ਹਨ। ਪਰ ਵਿਵਾਦਿਤ ਪਲਾਟ ਕਾਰਨ ਕੋਈ ਕਾਰਵਾਈ ਨਹੀਂ ਹੋ ਰਹੀ। ਆਵਾਰਾ ਪਸ਼ੂਆਂ ‘ਤੇ ਸ਼ਿਕੰਜਾ ਕੱਸਣ ਲਈ ਨਗਰ ਨਿਗਮ ਵੀ ਕੋਈ ਠੋਸ ਪ੍ਰਬੰਧ ਨਹੀਂ ਕਰ ਰਿਹਾ।
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
