Cylinder explodes in : ਖੇਤੀ ਕਾਨੂੰਨਾਂ ਦੇ ਚੱਲਦਿਆਂ ਕਿਸਾਨਾਂ ਵੱਲੋਂ ਜਗ੍ਹਾ-ਜਗ੍ਹਾ ‘ਤੇ ਧਰਨੇ ਦਿੱਤੇ ਜਾ ਰਹੇ ਹਨ ਪਰ ਅੱਜ ਸਵੇਰੇ ਦਿੱਲੀ ਵਿੱਚ ਧਰਨੇ ਵਾਲੀ ਥਾਂ ‘ਤੇ ਪੰਜਾਬ ਦੇ ਜਿਲ੍ਹਾ ਪਟਿਆਲਾ ਦੇ ਕਿਸਾਨਾਂ ਨਾਲ ਹਾਦਸਾ ਵਾਪਰ ਗਿਆ। ਕਿਸਾਨੀ ਅੰਦੋਲਨ ‘ਚ 8 ਨੰਬਰ ਟ੍ਰੇਨ ਦੇ ਪੁਲ ਉਪਰ ਕਿਸਾਨ ਧਰਨਾ ਦੇ ਰਹੇ ਸਨ। ਕਿਸਾਨ ਦੁੱਗਲ ਸਿੰਘ ਜਿਲ੍ਹਾ ਪਟਿਆਲਾ ਦੇ ਟੈਂਟ ‘ਚ ਸਿਲੰਡਰ ਫਟਣ ਨਾਲ ਭਿਅੰਕਰ ਅੱਗ ਲੱਗ ਗਈ। ਟੈਂਟ ‘ਚ ਮੌਕੇ ‘ਤੇ 10 ਤੋਂ 12 ਲੋਕ ਮੌਜੂਦ ਸਨ। ਹਾਦਸੇ ‘ਚ ਸਾਰਾ ਟੈਂਟ ਸੜ ਕੇ ਸੁਆਹ ਹੋ ਗਿਆ।
ਹਾਦਸੇ ‘ਚ ਟੈਂਟ ਅੰਦਰ ਰੱਖੇ ਸਾਰੇ ਕੱਪੜੇ, 5 ਮੋਬਾਈਲ ਫੋਨ, 20 ਗੱਦੇ, 20 ਕੁਰਸੀਆਂ, ਖਾਣ ਦਾ ਸਾਰਾ ਰਾਸ਼ਨ ਬਿਲਕੁਲ ਖਤਮ ਹੋ ਗਿਆ। ਗਨੀਮਤ ਰਹੀ ਇਸ ਹਾਦਸੇ ‘ਚ ਕਿਸੇ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ। ਅੱਗ ਲਗਦਿਆਂ ਹੀ ਫਾਇਰ ਬ੍ਰਿਗੇਡ ਦੀ ਟੀਮ ਨੂੰ ਤੁਰੰਤ ਸੂਚਿਤ ਕੀਤਾ ਗਿਆ । ਦਮਕਲ ਵਿਭਾਗ ਵੱਲੋਂ ਮੌਕੇ ‘ਤੇ ਪੁੱਜ ਕੇ ਲਗਭਗ ਅੱਧੇ ਘੰਟੇ ‘ਚ ਸਥਿਤੀ ‘ਤੇ ਕਾਬੂ ਪਾ ਲਿਆ ਗਿਆ।
