ਭਾਰਤ ਨੇ ਰੂਸ ਵਿੱਚ ਬਣੇ ਤਾਕਤਵਰ ਹਵਾਈ ਰੱਖਿਆ ਪ੍ਰਣਾਲੀ S-400 ਦੀ ਤਾਇਨਾਤੀ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਭਾਰਤੀ ਹਵਾਈ ਫ਼ੌਜ ਅਗਲੇ ਮਹੀਨੇ ਦੁਨੀਆ ਦੀ ਸਭ ਤੋਂ ਆਧੁਨਿਕ ਹਵਾਈ ਰੱਖਿਆ ਪ੍ਰਣਾਲੀ ਦੀ ਪਹਿਲੀ ਖੇਪ ਆਪਣੇ ਪੰਜਾਬ ਏਅਰਬੇਸ ‘ਤੇ ਤਾਇਨਾਤ ਕਰੇਗੀ। ਇੱਥੋਂ ਚੀਨ ਅਤੇ ਪਾਕਿਸਤਾਨ ਦੀ ਕਿਸੇ ਵੀ ਕਾਰਵਾਈ ਨੂੰ ਨਾਕਾਮ ਕੀਤਾ ਜਾ ਸਕੇਗਾ।
ਸ਼ਨੀਵਾਰ ਨੂੰ ਜਾਣਕਾਰੀ ਦਿੰਦੇ ਹੋਏ ਫੌਜੀ ਅਧਿਕਾਰੀਆਂ ਨੇ ਦੱਸਿਆ ਕਿ ਮਿਜ਼ਾਈਲ ਸਿਸਟਮ ਦੀ ਤਾਇਨਾਤੀ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ। ਇਸ ਨੂੰ ਪੂਰਾ ਕਰਨ ਲਈ ਘੱਟੋ-ਘੱਟ ਛੇ ਹਫ਼ਤੇ ਹੋਰ ਲੱਗਣਗੇ। ਮਿਜ਼ਾਈਲ ਪ੍ਰਣਾਲੀ ਦੀ ਪਹਿਲੀ ਰੈਜੀਮੈਂਟ ਨੂੰ ਇਸ ਤਰੀਕੇ ਨਾਲ ਤਾਇਨਾਤ ਕੀਤਾ ਜਾ ਰਿਹਾ ਹੈ ਕਿ ਇਹ ਉੱਤਰੀ ਸੈਕਟਰ ਦੇ ਨਾਲ-ਨਾਲ ਪਾਕਿਸਤਾਨੀ ਸਰਹੱਦ ਵਿਚ ਚੀਨੀ ਸਰਹੱਦ ਦੇ ਕੁਝ ਹਿੱਸਿਆਂ ਨੂੰ ਕਵਰ ਕਰ ਸਕੇ।
400 ਕਿਲੋਮੀਟਰ ਤੱਕ ਦੀ ਰੇਂਜ ਦੁਸ਼ਮਣ ਨੂੰ ਕਰ ਸਕਦੀ ਹੈ ਤਬਾਹ
ਦੁਨੀਆ ਦੀ ਸਭ ਤੋਂ ਉੱਨਤ ਹਵਾਈ ਰੱਖਿਆ ਪ੍ਰਣਾਲੀ ਮੰਨੀ ਜਾਂਦੀ ਐੱਸ-400 ਭਾਰਤ ਦੀ ਤਾਕਤ ਨੂੰ ਹਵਾ ਵਿੱਚ ਸਭ ਤੋਂ ਮਜ਼ਬੂਤ ਬਣਾ ਦੇਵੇਗੀ। ਇਹ ਪ੍ਰਣਾਲੀ 400 ਕਿਲੋਮੀਟਰ ਦੀ ਰੇਂਜ ਵਿੱਚ ਦੁਸ਼ਮਣ ਦੀਆਂ ਮਿਜ਼ਾਈਲਾਂ, ਡਰੋਨ ਅਤੇ ਲੜਾਕੂ ਜਹਾਜ਼ਾਂ ‘ਤੇ ਹਮਲਾ ਕਰ ਸਕਦੀ ਹੈ। ਇਸ ਵਿਚ ਸੁਪਰਸੋਨਿਕ ਅਤੇ ਹਾਈਪਰਸੋਨਿਕ ਸਮੇਤ 4 ਤਰ੍ਹਾਂ ਦੀਆਂ ਮਿਜ਼ਾਈਲਾਂ ਸ਼ਾਮਲ ਹਨ, ਜੋ 400 ਕਿਲੋਮੀਟਰ ਤੱਕ ਦੇ ਟੀਚਿਆਂ ਨੂੰ ਮਾਰਨ ਵਿੱਚ ਸਟੀਕ ਹਨ। ਇਸ ਨੂੰ ਦੁਨੀਆ ਦੀ ਸਭ ਤੋਂ ਆਧੁਨਿਕ ਰੱਖਿਆ ਪ੍ਰਣਾਲੀ ਮੰਨਿਆ ਜਾਂਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”
ਪੰਜਾਬ ਤੋਂ ਬਾਅਦ ਇਸ ਡਿਫੈਂਸ ਸਿਸਟਮ ਨਾਲ ਪੂਰਬੀ ਮੋਰਚੇ ਨੂੰ ਮਜ਼ਬੂਤ ਕੀਤਾ ਜਾਵੇਗਾ।
S-400 ਏਅਰ ਡਿਫੈਂਸ ਸਿਸਟਮ ਹੈ, ਯਾਨੀ ਇਹ ਹਵਾ ਜ਼ਰੀਏ ਹੋ ਰਹੇ ਹਮਲੇ ਨੂੰ ਰੋਕਦਾ ਹੈ। ਇਹ ਦੁਸ਼ਮਣ ਦੇਸ਼ਾਂ ਦੀ ਮਿਜ਼ਾਇਲ, ਡਰੋਨ, ਰਾਕੇਟ ਲਾਂਚਰ ਅਤੇ ਫਾਈਟਰ ਜੈੱਟਸ ਦੇ ਹਮਲੇ ਨੂੰ ਰੋਕਣ ਵਿੱਚ ਕਾਰਗਰ ਹੈ। ਭਾਰਤ ਅਤੇ ਰੂਸ ਵਿਚਕਾਰ S-400 ਦੀ ਪੰਜ ਯੂਨਿਟ ਲਈ 2018 ਵਿੱਚ ਡੀਲ ਹੋਈ ਸੀ।
